தேசிய செய்திகள்

தேர்தலுக்கு தயாராகும் பாஜக: செப்.15-ல் தெலுங்கனாவில் தேர்தல் பிரசாரத்தை துவக்குகிறார் அமித்ஷா + "||" + Amit Shah to kick off poll campaign in Telangana on on September 15

தேர்தலுக்கு தயாராகும் பாஜக: செப்.15-ல் தெலுங்கனாவில் தேர்தல் பிரசாரத்தை துவக்குகிறார் அமித்ஷா

தேர்தலுக்கு தயாராகும் பாஜக:  செப்.15-ல் தெலுங்கனாவில் தேர்தல் பிரசாரத்தை துவக்குகிறார் அமித்ஷா
தெலுங்கனாவில் வரும் செப்டம்பர் 15 ஆம் தேதி அமித்ஷா தேர்தல் பிரசாரத்தை துவக்குகிறார்.

ஐதராபாத்,

தெலங்கானாவில் தெலங்கானா ராஷ்டிர சமிதி கட்சி தலைமையிலான ஆட்சி நடைபெற்றது. அங்கு முதல்வராக சந்திரசேகர் ராவ் இருந்து வந்தார். 
அவரின் ஆட்சி முடிய இன்னும் 9 மாதங்கள் வரை இருக்கும் சூழலில் முன்கூட்டியே தேர்தலை எதிர்கொள்ளும் நோக்கில் சட்டப்பேரவையைக் கலைத்து அறிவித்தார். அதற்கு ஆளுநர் ஈ.எல்.நரசிம்மனும் ஒப்புதல் அளித்தார். தற்போது காபந்து முதல்வராக சந்திரசேகர் ராவ் தொடர்ந்து வருகிறார்.

இந்நிலையில் இந்த ஆண்டு இறுதியில் மத்தியப்பிரதேசம், ராஜஸ்தான் உள்ளிட்ட 4 மாநில சட்டப்பேரவைத் தேர்தல் நடத்தும் போது தெலங்கானா மாநிலத்துக்கு சேர்ந்து நடத்திடவேண்டும் என்ற நோக்கில் சந்திரசேகர் ராவ் முன்கூட்டியே சட்டப்பேரவையைக் கலைத்து தேர்தலுக்கு தயாராகி இருக்கிறார். அதற்கு ஏற்றார்போல் 105 தொகுதிகளுக்கான வேட்பாளரையும் அறிவித்துவிட்டார்.

ஆனால் தேர்தல் ஆணையமோ தெலங்கானா மாநிலத்துக்கு எப்போது தேர்தல் நடத்துவது குறித்து இன்னும் முடிவு செய்யவில்லை என்று தெரிவித்தது. ஆனால், அடுத்த முறையும் ஆட்சியைப் பிடிக்க வேண்டும் என்ற தீர்மானத்தோடு தெலங்கானா ராஷ்டிர சமிதி தேர்தலை எதிர்கொள்கிறது.பாஜகவுடன், காங்கிரஸ் கட்சியுடன் கூட்டணி இல்லாமல் தனித்து தேர்தலைச் சந்திக்கும் நோக்கில் முதல்வர் சந்திரசேகர் ராவ் தீவிரமாக பிரச்சாரத்தில் ஈடுபட்டு வருகிறார்.

இதற்கிடையே தெலங்கானா ராஷ்டிர சமிதி கட்சிக்குப் போட்டியாக பாஜகவும் தேர்தல் களத்தில் குதித்துள்ளது. வரும் 15-ம் தேதியில் இருந்து பாஜக தலைவர் அமித் ஷாவும் தேர்தல் பிரச்சாரத்தில் ஈடுபடப்போவதாக அந்தக் கட்சியின் முக்கியத் தலைவர்கள் இன்று தெரிவித்துள்ளனர். வரும் 15-ம் தேதி மெகபூப் நகரில் தனது முதல் பிரச்சாரக் கூட்டத்தில் அமித் ஷா பேசவுள்ளார்.அதன் பின் நடக்கும் தேர்தல் பிரச்சாரங்களில் பாஜக ஆட்சியில் இருக்கும் மாநிலங்களின் முதல்வர்கள், மத்திய அமைச்சர்கள், உள்ளிட்ட பலர் வந்து பங்கேற்பார்கள் எனத் தெரிகிறது.


தொடர்புடைய செய்திகள்

1. பா.ஜ.க. ரூ.553 கோடியை தெரியாத ஆதாரங்களில் இருந்து வருமானமாக பெற்று உள்ளது
மத்தியில் ஆளும் பாரதீய ஜனதா கட்சிக்கு 2017-2018 ஆம் ஆண்டு ரூ.553 கோடியை தெரியாத ஆதாரங்களில் இருந்து வருமானமாக பெற்று உள்ளது.
2. மேற்கு வங்காளத்தில் செயல்படும் வெடிகுண்டு தயாரிப்பு மையங்களை மூடுவோம் -அமித்ஷா
மேற்கு வங்காளத்தில் சட்டவிரோதமாக செயல்படும் வெடிகுண்டு தயாரிப்பு மையங்களை மூடுவோம் என பா.ஜனதா தலைவர் அமித்ஷா கூறியுள்ளார்.
3. பா.ஜ.க. மேலிடம் அவசர அழைப்பு: சாமிநாதன் எம்.எல்.ஏ. திடீர் டெல்லி பயணம்
கட்சி மேலிடத்தின் அவசர அழைப்பினை தொடர்ந்து மாநில பா.ஜ.க. தலைவர் சாமிநாதன் எம்.எல்.ஏ. திடீரென டெல்லிக்கு புறப்பட்டுச் சென்றார்.
4. நாடாளுமன்ற தேர்தலில் பா.ஜனதாவுடன் அ.தி.மு.க. கூட்டணி சேர வாய்ப்பு கனிமொழி எம்.பி. பேட்டி
நாடாளுமன்ற தேர்தலில் பா.ஜனதாவுடன் அ.தி.மு.க. கூட்டணி சேர வாய்ப்பு உள்ளதாக கனிமொழி எம்.பி. கூறினார்.
5. டெல்லி எய்ம்ஸ் மருத்துவமனையில் அமித்ஷா அனுமதி
பா.ஜனதா தலைவர் அமித்ஷா உடல் நலக்குறைவு காரணமாக எய்ம்ஸ் மருத்துவமனையில் அனுமதிக்கப்பட்டுள்ளார். #AmithShah #AIIMS