மாநில செய்திகள்

முதல்வர் மீதான புகார் குறித்து லஞ்ச ஒழிப்புத்துறை 17ம் தேதி விரிவான அறிக்கை தர ஐகோர்ட் உத்தரவு + "||" + Regarding the complaint of the Chief Minister Detailed Report on 17th Court order

முதல்வர் மீதான புகார் குறித்து லஞ்ச ஒழிப்புத்துறை 17ம் தேதி விரிவான அறிக்கை தர ஐகோர்ட் உத்தரவு

முதல்வர் மீதான புகார் குறித்து லஞ்ச ஒழிப்புத்துறை 17ம் தேதி விரிவான அறிக்கை தர  ஐகோர்ட் உத்தரவு
முதல்வர் மீதான புகார் குறித்து லஞ்ச ஒழிப்புத்துறை 17ம் தேதி விரிவான விசாரணை அறிக்கை தர சென்னை ஐகோர்ட் உத்தரவிட்டு உள்ளது.
சென்னை,

தமிழக நெடுஞ்சாலைத்துறை டெண்டரில் ரூ.4 ஆயிரத்து 800 கோடி அளவுக்கு முறைகேடுகள் நடந்துள்ளதாக கூறி தமிழக முதல்-அமைச்சர் எடப்பாடி பழனிசாமி மீது லஞ்ச ஒழிப்புத்துறை போலீசார் வழக்குப்பதிவு செய்து விசாரணை நடத்தக்கோரி தி.மு.க. அமைப்பு செயலாளரும், எம்.பி.யுமான ஆர்.எஸ்.பாரதி சென்னை ஐகோர்ட்டில் வழக்கு தொடர்ந்திருந்தார்.

நீதிபதி ஏ.டி.ஜெகதீஷ் சந்திரா முன்பு நிலுவையில் உள்ள இந்த வழக்கு இன்று (புதன்கிழமை) மீண்டும் விசாரணைக்கு வர உள்ளது.

இந்த நிலையில் மனுதாரர் ஆர்.எஸ்.பாரதி, ஐகோர்ட்டில் புதிதாக ஒரு மனுவை தாக்கல் செய்துள்ளார். அதில் கூறி இருப்பதாவது:-

எனது புகார் மீது கடந்த 22.6.2018 அன்றே முதற்கட்ட விசாரணையை லஞ்ச ஒழிப்புத்துறையினர் தொடங்கிவிட்டதாக தமிழக அரசு தெரிவித்துள்ளது. அதன்படி, வரைவு அறிக்கை கடந்த 28.8.2018 அன்று லஞ்ச ஒழிப்புத்துறை இயக்குனருக்கு அனுப்பிவைக்கப்பட்டுள்ளது.

தமிழக முதல்-அமைச்சரின் கட்டுப்பாட்டின் கீழ் தான் ஊழல் கண்காணிப்புத்துறை செயல்படுகிறது.

எனவே, முதல்-அமைச்சருக்கு எதிரான புகார் தொடர்பாக அவரது கட்டுப்பாட்டில் உள்ள லஞ்ச ஒழிப்புத்துறையே விசாரித்தால் நியாயம் கிடைக்காது.

எனவே, எடப்பாடி பழனிசாமிக்கு எதிரான டெண்டர் முறைகேடு புகாரை எந்தவித குறுக்கீடும் இல்லாமல் செயல்படும் சிறப்பு புலனாய்வுக்குழு அமைத்து விசாரிக்க உத்தரவிட வேண்டும். அத்துடன் இந்த விசாரணையை ஐகோர்ட்டு நேரடியாக கண்காணிக்க வேண்டும். இவ்வாறு அந்த மனுவில் கூறப்பட்டுள்ளது.

முதல்வர் மீதான புகார் குறித்து லஞ்ச ஒழிப்புத்துறை 17ம் தேதி விரிவான விசாரணை அறிக்கை தர வேண்டும் என திமுகவின் ஆர்.எஸ்.பாரதி தொடர்ந்த வழக்கில் சென்னை ஐகோர்ட் உத்தரவிட்டு உள்ளது.

தொடர்புடைய செய்திகள்

1. ரூ.89 கோடிக்கு பணப்பட்டுவாடா-எந்த ஆவணத்தையும் நாங்கள் வெளியிடவில்லை-வருமான வரித்துறை அறிக்கை தாக்கல்
ஆர்.கே.நகர் இடைத்தேர்தலில் வாக்காளர்களுக்கு பணம் விநியோகிக்கப்பட்டது தொடர்பான வழக்கில் சென்னை ஐகோர்ட்டில் வருமான வரித்துறை அறிக்கை தாக்கல் செய்து உள்ளது.
2. நீதித்துறை நெருக்கடி நிலையில் இருப்பதாக அறிவிக்க நேரிடும் தமிழக அரசுக்கு ஐகோர்ட் எச்சரிக்கை
சிலைக் கடத்தல் தொடர்பான வழக்குகளை அரசு கையாளும் விதத்தை பார்க்கும்போது நீதித்துறை நெருக்கடியில் இருப்பதாக அறிவிப்போம் என நீதிபதிகள் எச்சரிக்கை விடுத்துள்ளனர்.
3. விழா நடத்தாமல் மெரினாவில் எம்ஜிஆர் நூற்றாண்டு நினைவு வளைவை திறக்கலாம் -சென்னை ஐகோர்ட்
விழா நடத்தாமல் மெரினாவில் எம்ஜிஆர் நூற்றாண்டு நினைவு வளைவை திறக்கலாம் என சென்னை ஐகோர்ட் தெரிவித்துள்ளது.
4. கட்சி பணத்தை செலவிட்டால் கேட்க மாட்டோம், அரசு பணத்தை செலவிடுகிறீர்கள் தமிழக அரசுக்கு சென்னை ஐகோர்ட் கேள்வி
கட்சி பணத்தை செலவிட்டால் கேட்க மாட்டோம், அரசு பணத்தை செலவிடுகிறீர்கள் என தமிழக அரசுக்கு சென்னை ஐகோர்ட் சரமாரி கேள்வி எழுப்பி உள்ளது.
5. மைக்கேல் ராயப்பனுக்காக கட்டப்பஞ்சாயத்தில் ஈடுபட்டாரா விஷால்? சிம்பு வழக்கில் ஐகோர்ட் நோட்டீஸ்!
ஒரு கோடி ரூபாய் நஷ்டஈடு கேட்டு நடிகர் சிம்பு தொடர்ந்த வழக்கில், தயாரிப்பாளர் சங்கத் தலைவர் விஷால், தயாரிப்பாளர் மைக்கேல் ராயப்பன் ஆகியோர் பதில் அளிக்க சென்னை ஐகோர்ட் உத்தரவிட்டுள்ளது.

அதிகம் வாசிக்கப்பட்டவை