தேசிய செய்திகள்

பாலியல் புகாரில் சிக்கிய பேராயர் பிராங்கோ மூலக்கல் ராஜினாமா + "||" + Bishop Franco Mulakkal, Accused Of Raping Kerala Nun, Steps Down

பாலியல் புகாரில் சிக்கிய பேராயர் பிராங்கோ மூலக்கல் ராஜினாமா

பாலியல் புகாரில் சிக்கிய பேராயர் பிராங்கோ மூலக்கல் ராஜினாமா
பாலியல் புகாரில் சிக்கிய பேராயர் பிராங்கோ மூலக்கல் ராஜினாமா செய்வதாக கடிதம் அனுப்பியுள்ளார்.
திருவனந்தபுரம்,

கேரள மாநிலம் கோட்டயத்தில் உள்ள அருட்கன்னியர் இல்லத்தை சேர்ந்த கன்னியாஸ்திரி ஒருவரை, பஞ்சாப் மாநிலம் ஜலந்தர் மறைமாவட்ட பேராயர் பிராங்கோ மூலக்கல் கற்பழித்ததாக புகார் அளிக்கப்பட்டு உள்ளது. கடந்த 2014-ம் ஆண்டு முதல் 2016 வரையிலான காலகட்டத்தில் பிராங்கோ பலமுறை தன்னை கற்பழித்ததாக கன்னியாஸ்திரி குற்றம் சாட்டியுள்ளார்.

இந்த புகாரை வைக்கம் போலீஸ் துணை சூப்பிரண்டு தலைமையிலான சிறப்பு புலனாய்வுக்குழு விசாரித்து வருகிறது. இந்த விவகாரத்தை உரிய முறையில் விசாரிக்கவில்லை என்றும், வழக்கை நீர்த்து போகச்செய்ய போலீசார் முயல்வதாகவும் கூறி கொச்சியில் கத்தோலிக்க சீர்திருத்த அமைப்பினர் போராட்டத்தில் ஈடுபட்டு வருகின்றனர். மேலும் பேராயர் பிராங்கோ மூலக்கல்லை கைது செய்ய வலியுறுத்தி சக கன்னியாஸ்திரிகளும் போராடி வருகின்றனர்.

இதைத்தொடர்ந்து பேராயர் பிராங்கோ மூலக்கல்லுக்கு போலீசார் சம்மன் அனுப்பி உள்ளனர். அதில், 19-ந் தேதி விசாரணைக்கு ஆஜராகுமாறு கூறப்பட்டு இருந்தது. பேராயருக்கு எதிரான புகாரை போலீசார் சரிவர விசாரிக்கவில்லை எனக்கோரி கேரள ஐகோர்ட்டிலும் வழக்கு தொடரப்பட்டுள்ளது. இந்த மனுவை விசாரித்த நீதிபதிகள்,  வழக்கின் விசாரணையை 24-ந் தேதிக்கு ஒத்தி வைத்தனர்.

இதனால், கடும் நெருக்கடிக்குள்ளாகியுள்ள பேராயர்  பிரான்கோ முலக்கல்,  ராஜினாமா செய்துள்ளார். பேராயருக்கு எதிரான புகார், வாட்டிகன் கவனத்துக்கு எடுத்துச்செல்லப்பட்டுள்ளதாக தகவல்கள் வெளியாகிய நிலையில், பிரான்கோ முலக்கல் பதவி விலகியுள்ளார். 

தொடர்புடைய செய்திகள்

1. உயர் அதிகாரிகள் மீது தூர்தர்‌ஷன் பெண் ஊழியர்கள் பாலியல் புகார்
டெல்லி தூர்தர்‌ஷனில் பணிபுரியும் 2 பெண் ஊழியர்களும், போபால் தூர்தர்‌ஷன் பெண் ஊழியர் ஒருவரும் பத்திரிகையாளர்களுக்கு பேட்டி அளித்தனர்.
2. பேராசிரியர் மீது பாலியல் புகார் கூறிய திருவண்ணாமலை மாணவி மீண்டும் கல்லூரியில் சேர்க்ககோரி மனு
பேராசிரியர் மீது பாலியல் புகார் கூறிய திருவண்ணாமலை வேளாண் கல்லூரி மாணவி மீண்டும் தன்னை கல்லூரியில் சேர்க்ககோரி கோவை வேளாண் பல்கலைக் கழக பாதுகாப்புத்துறை அதிகாரியிடம் மனு கொடுத்தார்.
3. பாலியல் புகாரில் நீக்கப்பட்ட ஆயுதப்படை உயர் அதிகாரிக்கு மீண்டும் பணி இல்லை - டெல்லி ஐகோர்ட்டு உத்தரவு
பாலியல் புகாரில் நீக்கப்பட்ட ஆயுதப்படை உயர் அதிகாரிக்கு மீண்டும் பணி இல்லை என டெல்லி ஐகோர்ட்டு உத்தரவிட்டுள்ளது.
4. கல்லூரி மாணவி பாலியல் புகார்: மாஜிஸ்திரேட்டு முன்னிலையில் சாட்சிகளிடம் ரகசிய விசாரணை மாவட்ட முதன்மை நீதிபதி உத்தரவு
கல்லூரி மாணவி பாலியல் புகார் தொடர்பாக மாஜிஸ்திரேட்டு முன்னிலையில் சாட்சிகளிடம் ரகசிய விசாரணை நடத்த மாவட்ட முதன்மை நீதிபதி மகிழேந்தி உத்தரவிட்டுள்ளார்.
5. ஆராய்ச்சி மாணவியிடம் செல்போனில் ஆபாச பேச்சு: நெல்லை பல்கலைக்கழக பேராசிரியர் மீது பாலியல் புகார் உயர்மட்ட குழு அமைத்து விசாரணை
நெல்லை பல்கலைக்கழகத்தில் ஆராய்ச்சி மாணவியிடம் செல்போனில் ஆபாசமாக பேசி பாலியல் தொல்லை கொடுத்ததாக பேராசிரியர் மீது புகார் செய்யப்பட்டுள்ளது. இதுகுறித்து உயர்மட்ட குழு அமைத்து விசாரணை நடத்தப்பட்டு வருகிறது.

ஆசிரியரின் தேர்வுகள்...