தேசிய செய்திகள்

கால் சென்டரில் இளம்பெண்ணை தாக்கிய விவகாரம்; 2 பேர் கைது + "||" + Two more held in woman thrashing video case

கால் சென்டரில் இளம்பெண்ணை தாக்கிய விவகாரம்; 2 பேர் கைது

கால் சென்டரில் இளம்பெண்ணை தாக்கிய விவகாரம்; 2 பேர் கைது
போலீஸ் அதிகாரி மகன் கால் சென்டரில் இளம்பெண்ணை தாக்கிய விவகாரத்தில் இன்று 2 பேர் கைது செய்யப்பட்டனர்.
புதுடெல்லி,

டெல்லி காவல்துறையில் அதிகாரியாக உள்ள அசோக் சவுத்ரியின் மகன் ரோஹித் சிங் தோமர் இளம்பெண் ஒருவரை கொடூரமான முறையில் தாக்கும் வீடியோ கடந்த இரண்டாம் தேதி சமூக வலைதளங்களில் வெளியாகியது.

இளம்பெண்ணை ரோஹித் முடியை பிடித்து இழுத்து தரையில் தள்ளி கொடூரமான முறையில் தாக்கிய காட்சிகள் அதில் இடம் பெற்று இருந்தன. இளம்பெண்ணை தோமர் தாக்கியதை அவனுடைய நண்பர்கள் வீடியோ எடுத்துள்ளனர்.

ரோஹித் சிங் தோமருக்கு விரைவில் திருமணம் நடைபெற இருந்துள்ளது. அவனுடன் நிச்சயதார்த்தம் செய்யப்பட்ட பெண்ணிற்கு இந்த வீடியோ சென்றுள்ளது. இதனையடுத்து பாதிக்கப்பட்ட பெண்ணிற்காக களமிறங்கிய அவர் போலீசில் புகார் தெரிவித்துள்ளார்.

துணிச்சலாக இந்நடவடிக்கையை எடுத்த அப்பெண் அவனுடனான திருமணத்தையும் நிறுத்தி விட்டார்.

இந்நிலையில் வீடியோவில் இடம்பெற்று இருந்த பாதிக்கப்பட்ட பெண் நேற்று காவல் நிலையம் சென்று தன்னுடைய அறிக்கையை தெரிவித்துள்ளார். ரோஹித் என்னை அவனுடைய நண்பரின் அலுவலகத்திற்கு வரும்படி கேட்டு கொண்டான்.

அங்கு சென்றதும் என்னை பாலியல் பலாத்காரம் செய்தான். பின்னர் என்னை கொடூரமான முறையில் தாக்கினான். காவல் துறையிடம் செல்வேன் என்று கூறிய போது விளைவுகள் கடினமாக இருக்கும் என்று மிரட்டி என்னை கொடூரமான முறையில் தாக்கினான் என்று பாதிக்கப்பட்ட பெண் தெரிவித்துள்ளார்.

இதற்கிடையே காவல்துறை விசாரணை நடத்தி, நடவடிக்கை எடுக்குமாறு டெல்லி போலீசுக்கு உள்துறை அமைச்சர் ராஜ்நாத் சிங் உத்தரவிட்டார்.  அதன்படி நேற்றிரவு குற்றவாளியான ரோஹித் சிங் தோமர் கைது செய்யப்பட்டான்.

குற்றவாளியின் மீது பல்வேறு பிரிவுகளின் கீழ் வழக்கு பதிவு செய்யப்பட்டு உள்ளது.  கடந்த மாதம் வரை கால் சென்டரில் வேலை செய்து வந்த அவன் வேலையின்றி இருந்து வந்துள்ளான்.

இந்த நிலையில், கால் சென்டரின் உரிமையாளர் அலி ஹசன் மற்றும் அங்கு எடுபிடி வேலை செய்யும் மற்றொருவன் என மற்ற 2 பேரை போலீசார் இன்று கைது செய்தனர்.


தொடர்புடைய செய்திகள்

1. மனைவியை அரிவாளால் வெட்டிக்கொன்ற தொழிலாளி கைது நண்பருடன் உல்லாசமாக இருந்ததை நேரில் பார்த்ததால் ஆத்திரம்
திருத்துறைப்பூண்டி அருகே மனைவியை அரிவாளால் வெட்டியும், கழுத்தை இறுக்கியும் கொலை செய்த தொழிலாளியை போலீசார் கைது செய்தனர். தனது நண்பருடன் உல்லாசமாக இருந்ததை நேரில் பார்த்ததால் ஆத்திரம் அடைந்து கொலை செய்ததாக கைதான தொழிலாளி போலீசாரிடம் பரபரப்பு வாக்கு மூலம் அளித்துள்ளார்.
2. கோவை புறநகர் பகுதியில் திருட்டு, வழிப்பறியில் ஈடுபட்ட என்ஜினீயரிங் பட்டதாரிகள் உள்பட 4 பேர் கைது
கோவை புறநகர் பகுதியில் திருட்டு, வழிப்பறியில் ஈடுபட்ட என்ஜினீயரிங் பட்டதாரிகள் உள்பட 4 பேர் கைது செய்யப்பட்டனர். இவர்களிடம் இருந்து ரூ.7 லட்சம் தங்க நகைகள் மீட்கப்பட்டன.
3. காரைக்குடியில் கிரைண்டர் கல்லை போட்டு தொழிலாளி கொலை; மகள் கைது
காரைக்குடியில் மதுகுடித்து தகராறு செய்த தொழிலாளியை கிரைண்டர் கல்லை போட்டு அவரது மகளே கொன்ற சம்பவம் பரபரப்பை ஏற்படுத்தியது.
4. கொள்ளிடம் அருகே சாராயம் விற்ற 3 பேர் கைது
கொள்ளிடம் அருகே சாராயம் விற்ற 3 பேரை போலீசார் கைது செய்தனர். அவர்களிடம் இருந்து 500 லிட்டர் சாராயம் பறிமுதல் செய்யப்பட்டது.
5. நீதிபதி என பொய் கூறி வீடு, இடம் வாங்கி தருகிறேன் என 40 பேரிடம் மோசடியில் ஈடுபட்டவர் கைது
தெலுங்கானாவை சேர்ந்த நபர் நீதிபதி என பொய் கூறி குறைந்த விலையில் வீடு, வர்த்தக இடங்களை வாங்கி தருகிறேன் என்று 40 பேரிடம் மோசடியில் ஈடுபட்டு உள்ளார்.