தேசிய செய்திகள்

திருப்பரங்குன்றம், திருவாரூர் இடைத்தேர்தலை ஒத்திவைக்க காரணம், அழுத்தங்கள் அல்ல - தலைமை தேர்தல் கமிஷனர் திட்டவட்டம் + "||" + Tiruparankundam, Thiruvarur The reason for postponing the afternoon is not pressure - Chief Electoral Commissioner Specifically

திருப்பரங்குன்றம், திருவாரூர் இடைத்தேர்தலை ஒத்திவைக்க காரணம், அழுத்தங்கள் அல்ல - தலைமை தேர்தல் கமிஷனர் திட்டவட்டம்

திருப்பரங்குன்றம், திருவாரூர் இடைத்தேர்தலை ஒத்திவைக்க காரணம், அழுத்தங்கள் அல்ல - தலைமை தேர்தல் கமிஷனர் திட்டவட்டம்
திருப்பரங்குன்றம், திருவாரூர் தொகுதிகளில் இடைத்தேர்தலை ஒத்திவைக்க காரணம், அழுத்தங்கள் அல்ல என்று தலைமை தேர்தல் கமிஷனர் திட்டவட்டமாக கூறினார்.
புதுடெல்லி,

தமிழகத்தில் திருப்பரங்குன்றம் தொகுதி அ.தி.மு.க. எம்.எல்.ஏ., ஏ.கே.போஸ், கடந்த ஆகஸ்டு மாதம் 2-ந் தேதி திடீர் உடல்நலக்குறைவால் மரணம் அடைந்தார். இதே போன்று திருவாரூர் தொகுதி எம்.எல்.ஏ.வும், தி.மு.க. தலைவருமான கருணாநிதி கடந்த ஆகஸ்டு மாதம் 7-ந் தேதி உடல் நலக்குறைவால் காலமானார். இதனால் இவ்விரு தொகுதிகளும் காலியாக உள்ளன.


மத்திய பிரதேசம், சத்தீஷ்கார், ராஜஸ்தான், மிசோரம் மற்றும் தெலுங்கானா ஆகிய 5 மாநில சட்டசபை தேர்தல்களுடன், இந்த 2 தொகுதிகளுக்கும் இடைத்தேர்தல் அறிவிக்கப்படும் என எதிர்பார்ப்பு நிலவியது. ஆனால் இந்த தொகுதிகளில் இடைத்தேர்தல் ஒத்திவைக்கப்பட்டது.

தமிழகத்தில் மழைக்காலம் தொடங்குவதால் தேர்தல் தேதியை அறிவிக்க வேண்டாம் என்று தமிழக அரசின் தலைமைச் செயலாளர் கிரிஜா வைத்தியநாதன் கேட்டுக்கொண்டதே இதற்கு காரணம் என தகவல்கள் வெளியாகின. ஆனால், தேர்தல் கமிஷனுக்கு வந்த அழுத்தங்களே இடைத்தேர்தல் ஒத்திவைக்கப்பட்டதற்கு காரணம் என தமிழக அரசியல் கட்சிகள் கருத்து வெளியிட்டன.

இந்த நிலையில் டெல்லியில் தலைமை தேர்தல் கமிஷனர் ஓ.பி.ராவத் நேற்று தந்தி டி.வி.க்கு சிறப்பு பேட்டி அளித்தார். அப்போது அவர் திருப்பரங்குன்றம், திருவாரூர் இடைத்தேர்தல் ஒத்திவைப்பு காரணங்கள் குறித்து கூறியதாவது:-

யாருடைய அழுத்தத்துக் கும் அடிபணிந்து தமிழகத்தில் 2 தொகுதிகளுக்கான இடைத்தேர்தலை ஒத்திவைக்கவில்லை. திருப்பரங்குன்றம் தொகுதியில் ஏற்கனவே நடந்த இடைத்தேர்தல் தொடர்பாக ஐகோர்ட்டில் வழக்கு நிலுவையில் இருந்து வருகிறது.

திருவாரூரைப் பொறுத்தமட்டில், தமிழகத்தில் பலத்த மழை பெய்யும் என வானிலை ஆய்வு மையம் எச்சரித்ததை தமிழக அரசு தலைமைச் செயலாளர் சுட்டிக்காட்டி இருந்தார். அதனால்தான் இடைத்தேர்தல் அறிவிக்கப்படவில்லை. திருப்பரங்குன்றம் இடைத்தேர்தல் தொடர்பான வழக்கில் வருகிற 23-ந் தேதி முடிவு ஏற்பட்டால், அதில் இருந்து 6 மாத காலத்துக்குள் 2 தொகுதிகளுக்கும் சேர்த்து தேர்தல் நடத்தப்படும்.

இவ்வாறு அவர் கூறினார்.



தொடர்புடைய செய்திகள்

1. திருப்பரங்குன்றம், திருவாரூர் தொகுதியில் தேர்தல் தள்ளிவைக்கப்பட்டது ஏன்? தேர்தல் கமிஷனுக்கு தலைமைச் செயலாளர் எழுதிய கடிதத்தில் தகவல்
திருப்பரங்குன்றம், திருவாரூர் தொகுதிகளில் இடைத்தேர்தல் அறிவிக்காததின் பின்னணி, தேர்தல் கமிஷனுக்கு தமிழக அரசு எழுதிய கடிதம் மூலம் தெரிய வந்துள்ளது.
2. திருப்பரங்குன்றம் தொகுதியில் வாக்காளர் பட்டியலில் பெயர் சேர்க்க இளைஞர்கள் ஆர்வம்
திருப்பரங்குன்றம் சட்டமன்ற தொகுதிக்கு உட்பட்ட பகுதிகளில் நடந்த சிறப்பு முகாமில் வாக்காளர் பட்டியலில் பெயர் சேர்க்க இளைஞர்கள் ஆர்வம் காட்டினர்.
3. திருப்பரங்குன்றம் இடைத்தேர்தலில் எந்த சின்னத்தில் நின்றாலும் அ.ம.மு.க. வெற்றி பெறும் - தங்க தமிழ்ச்செல்வன்
திருப்பரங்குன்றம் இடைத்தேர்தலில் எந்த சின்னத்தில் நின்றாலும் அ.ம.மு.க. வெற்றி பெறும் என தங்க தமிழ்ச்செல்வன் கூறினார்.
4. திருப்பரங்குன்றம், திருவாரூர் இடைத்தேர்தலில் பா.ஜ.க. போட்டியிடுமா? - தமிழிசை சவுந்தரராஜன் பதில்
திருப்பரங்குன்றம், திருவாரூர் இடைத்தேர்தலில் பா.ஜ.க. போட்டியிடுமா? என்பது குறித்து தமிழிசை சவுந்தரராஜன் பதில் அளித்தார்.
5. வாஜ்பாய் மறைவு: திருவாரூரில் கடைகள் அடைப்பு
முன்னாள் பிரதமர் வாஜ்பாய் மறைவையொட்டி திருவாரூரில் கடைகள் அடைக்கப்பட்டன.