தேசிய செய்திகள்

காஷ்மீர்: பாதுகாப்பு படையினருடன் நடந்த துப்பாக்கி சண்டையில் பயங்கரவாதி பலி + "||" + Kashmir: A terrorist killed in a gun battle with security forces

காஷ்மீர்: பாதுகாப்பு படையினருடன் நடந்த துப்பாக்கி சண்டையில் பயங்கரவாதி பலி

காஷ்மீர்: பாதுகாப்பு படையினருடன் நடந்த துப்பாக்கி சண்டையில் பயங்கரவாதி பலி
காஷ்மீரில், பாதுகாப்பு படையினருடன் நடந்த துப்பாக்கி சண்டையில் பயங்கரவாதி ஒருவர் பலியானார்.
ஸ்ரீநகர்,

காஷ்மீரின் புல்வாமா மாவட்டத்துக்கு உட்பட்ட பாப்கந்த் பகுதியில் பயங்கரவாதிகளின் நடமாட்டம் இருப்பதாக போலீசாருக்கு தகவல் கிடைத்தது. இதைத்தொடர்ந்து நேற்று இரவு முழுவதும் பாதுகாப்பு படையினர் அங்கு தேடுதல் வேட்டையில் ஈடுபட்டனர். அங்கு மறைந்திருந்த பயங்கரவாதி ஒருவர் இன்று அதிகாலையில் வீரர்கள் மீது துப்பாக்கிச்சூடு நடத்தினார்.


இதனால் இரு தரப்புக்கும் இடையே துப்பாக்கிச்சண்டை மூண்டது. இறுதியில் அந்த பயங்கரவாதி சுட்டுக்கொல்லப்பட்டார். அவர் ஹிஸ்புல் முஜாகிதீன் இயக்கத்தை சேர்ந்த சபிர் அகமது தார் என்பது தெரியவந்தது. அவரிடம் இருந்து சில ஆயுதங்களும், வெடிபொருட்களும் கைப்பற்றப்பட்டன.

முன்னதாக, பாரமுல்லா மாவட்டத்துக்கு உட்பட்ட வார்போராவில் வசித்து வந்த ஜாவித் அகமது லோன் என்ற போலீஸ்காரரின் வீட்டில் நேற்று இரவு சில பயங்கரவாதிகள் நுழைந்தனர். பின்னர் அவர்கள் அந்த போலீஸ்காரரை துப்பாக்கியால் சரமாரியாக சுட்டுவிட்டு தப்பி ஓடினர்.

இதில் குண்டு பாய்ந்து ரத்த வெள்ளத்தில் சரிந்த ஜாவித் அகமது லோன், சம்பவ இடத்திலேயே பரிதாபமாக உயிரிழந்தார். இந்த சம்பவம் தொடர்பாக போலீசார் வழக்கு பதிவு செய்து விசாரித்து வருகின்றனர்.


தொடர்புடைய செய்திகள்

1. காஷ்மீரில் பயங்கரவாதி சுட்டுக்கொலை
காஷ்மீரில் பயங்கரவாதி ஒருவர் சுட்டுக்கொல்லப்பட்டார்.
2. எல்லை தாண்டிய வர்த்தகத்துக்கு தடை விதிப்பு: மத்திய அரசு மீது காஷ்மீர் கட்சிகள் பாய்ச்சல்
பாக்.ஆக்கிரமிப்பு காஷ்மீர் உடனான எல்லை தாண்டிய வர்த்தகத்துக்கு தடை விதித்ததை காஷ்மீர் அரசியல் கட்சிகள் விமர்சித்துள்ளன.
3. வாக்காளர் அடையாள அட்டை இல்லாமல் வாக்களிக்க சென்றவர்களை விரட்டிய ராணுவம்
வாக்காளர் அடையள அட்டையில்லாமல் வாக்களிக்க முயற்சி செய்தவர்களை ராணுவம் விரட்டியது.
4. ஈரான் பாதுகாப்பு படையை பயங்கரவாத இயக்கமாக அறிவித்தது அமெரிக்கா
ஈரான் பாதுகாப்பு படையை பயங்கரவாத இயக்கமாக அமெரிக்கா அறிவித்துள்ளது.
5. காஷ்மீர் புல்வாமாவில் துப்பாக்கி சண்டை: லஸ்கர் தளபதி உள்பட 4 பயங்கரவாதிகள் சுட்டுக்கொலை
காஷ்மீர் மாநிலம் புல்வாமா மாவட்டத்தில் நடந்த துப்பாக்கி சண்டையில், லஸ்கர் இ தொய்பா தளபதி உள்பட 4 பயங்கரவாதிகள் பலியானார்கள்.