தேசிய செய்திகள்

இந்திய ராணுவத்தில், முதல் முறையாக 3 புதிய ரக பீரங்கிகள் + "||" + Indian Army displays show of strength with M77 Ultra Light Howitzer demo at Nashik

இந்திய ராணுவத்தில், முதல் முறையாக 3 புதிய ரக பீரங்கிகள்

இந்திய ராணுவத்தில், முதல் முறையாக 3 புதிய ரக பீரங்கிகள்
இந்திய ராணுவத்தில், கிட்டதட்ட 30 ஆண்டுகளுக்குப் பின்னர் முதல் முறையாக புதிய ரக பீரங்கிகள் சேர்க்கப்பட்டுள்ளன.
நாசிக்,

1980களில் சுவீடன் தயாரிப்பான போபர்ஸ் பீரங்கிகள் ராணுவத்தில் இணைக்கப்பட்டன. இந்நிலையில், அமெரிக்க தயாரிப்பான எம்-777 அல்ட்ரா லைட் ஹோவிட்சர் (M777 Ultra-Light Howitzer) மற்றும் தென்கொரிய தயாரிப்பான கே9 வஜ்ரா-டி (K9 Vajra-T) ஆகிய பீரங்கிகள் ராணுவத்தில் சேர்க்கப்பட்டுள்ளன. பாதுகாப்புத்துறை அமைச்சர் நிர்மலா சீதாராமன், ராணுவ தளபதி பிபின் ராவத் முன்னிலையில், இந்த பீரங்கிகள் ராணுவத்தில் இணைக்கப்பட்டன.

இதேபோல, 2016 நவம்பரில் எம்777 அல்ட்ராலைட் ஹோவிட்சர் ரகத்தை சேர்ந்த 145 பீரங்கிகளை வாங்க 737 மில்லியன் டாலர் மதிப்பீட்டில் ஒப்பந்தம் மேற்கொள்ளப்பட்டது. இதில் 25 பீரங்கிகள் நேரடியாக இறக்குமதி செய்யப்படும். 120 பீரங்கிகள் மஹிந்திரா நிறுவனத்தின் கூட்டில் இந்தியாவில் அசெம்பிள் செய்யப்படும். 4 டன் எடை மட்டுமே கொண்ட இந்த எம்777 ரக பீரங்கிகளை ஹெலிகாப்டர் மூலம் மலைப்பாங்கான பகுதிகளுக்கு எடுத்துச் சென்று பயன்படுத்த முடியும் என்பது குறிப்பிடத்தக்கது.

கடந்த 2017ஆம் ஆண்டு ஏப்ரலில், தென்கொரியாவின் ஹன்வா டெக்வின் (Hanwa Techwin) நிறுவனமும், இந்தியாவின் எல் அண்டு டி நிறுவனமும் ஒப்பந்தத்தில் கையெழுத்திட்டன. இதன்படி, கே9 வஜ்ரா-டி (K9 Vajra-T) ரகத்தை சேர்ந்த 10 பீரங்கிகள் நேரடியாக தென்கொரியாவில் இருந்து இறக்குமதி செய்யப்படும். 90 பீரங்கிகளை எல் அண்டு டி இந்தியாவில் தயாரித்து வழங்கும். 100 பீரங்கிகளுக்கான தொகை மொத்தம் 4 ஆயிரத்து 500 கோடி ரூபாயாகும்.


தொடர்புடைய செய்திகள்

1. இன்று இந்தியா- பாகிஸ்தான் ராணுவ இயக்குனர் ஜெனரல்கள் இடையேயான பேச்சுவார்த்தை
இந்தியா- பாகிஸ்தான் ராணுவ இயக்குனர் ஜெனரல்கள் இடையேயான பேச்சு வார்த்தை இன்று நடைபெற உள்ளது. ராணுவம் வீரர்கள் கொலை, ஊடுருவல் ஆகியவற்றிற்கு எதிராக இந்தியா கண்டனம் தெரிவிக்கும்.
2. இந்திய இராணுவம் ஒரு முறை தாக்குதல் நடத்தினால் 10 முறை தாக்குதல் நடத்தப்படும் -பாகிஸ்தான் ராணுவம் எச்சரிக்கை
இந்திய இராணுவம் ஒரு முறை தாக்குதல் நடத்தினால் 10 முறை தாக்குதல் நடத்தப்படும் என பாகிஸ்தான் ராணுவம் எச்சரிக்கை விடுத்துள்ளது.
3. கேரளாவில் மோசமான வானிலை, தகவல் தொடர்பு பாதித்த இடங்களிலும் மீட்பு பணிகள் நடைப்பெற்று வருகிறது - இந்திய ராணுவம்
கேரளாவில் மோசமான வானிலை, தகவல் தொடர்பு பாதித்த இடங்களிலும் மீட்பு பணிகள் நடைப்பெற்று வருகிறது என்று இந்திய ராணுவம் தெரிவித்துள்ளது. #KeralaFloods2018
4. இந்திய ராணுவ வீரருக்கு சிகிச்சை அளிக்க ரூ.16 கோடி மருத்துவ பில் கொடுத்த ஆயுர்வேத மருத்துவமனை
இந்திய ராணுவ வீரர் ஒருவரின் மகனின் தலைக்காயத்துக்கு சிகிச்சை அளித்த ஆயுர் வேத மருத்துவமனை ஒன்று ராணுவத்திடம் மருத்துவ செலவாக ரூ.16 கோடி கோரி உள்ளது.
5. போர்நிறுத்தம் கோரிய பின் மீண்டும் அத்துமீறி பாகிஸ்தான் இரவில் தாக்குதல்; இந்திய ராணுவம் பதிலடி
சர்வதேச எல்லையில் போர்நிறுத்தம் கோரிய பாகிஸ்தான் பின் மீண்டும் இரவில் அத்துமீறிய தாக்குதலில் ஈடுபட்டு உள்ளது. இதற்கு இந்திய தரப்பில் பதிலடி கொடுக்கப்பட்டது. #CeasefireViolation