தேசிய செய்திகள்

‘அர்பன்’ நக்சலைட்களை ஆதரிக்கிறது என்ற பிரதமர் மோடியின் பேச்சுக்கு காங்கிரஸ் பதிலடி + "||" + Congress supports urban Naxals, says PM Modi, party hits back

‘அர்பன்’ நக்சலைட்களை ஆதரிக்கிறது என்ற பிரதமர் மோடியின் பேச்சுக்கு காங்கிரஸ் பதிலடி

‘அர்பன்’ நக்சலைட்களை ஆதரிக்கிறது என்ற பிரதமர் மோடியின் பேச்சுக்கு காங்கிரஸ் பதிலடி
சொகுசு வாழ்க்கை வாழும் ‘அர்பன்’ நக்சலைட்களை காங்கிரஸ் ஆதரிக்கிறது என பிரதமர் மோடி குற்றம் சாட்டியுள்ளார்.


 சத்தீஷ்காரில் தேர்தல் பிரசாரம் சூடுபிடித்துள்ள நிலையில் பிரதமர் மோடியும், ராகுல் காந்தியும் சரமாரியான குற்றச்சாட்டுக்களை முன்வைத்தனர். 

ஜாக்தால்பூரில் பா.ஜனதா வேட்பாளர்களை ஆதரித்து பிரசாரம் மேற்கொண்ட பிரதமர் மோடி, நகரங்களில் வாழும் நக்சலைட்கள் குளிர்சாதன அறையில் வசிக்கின்றனர். அவர்கள் வெளிநாடுகளில் படித்தவர்கள். சொகுசு கார்களில் வலம் வருபவர்கள். ஆனால் பழங்குடியின இளைஞர்களை ரிமோர்ட் கண்ட்ரோல் மூலம் இயக்கி அவர்களது வாழ்க்கையை சீர்குலைப்பவர்கள். இதுபோன்ற நக்சலைட்களை காங்கிரஸ் ஆதரிப்பது ஏன்? மக்களுக்கு அக்கட்சி விளக்கம் அளிக்க வேண்டும். நக்சலைட்கள் பிடியில் சிக்கி தவிக்கும் பழங்குடியின மக்களை மீட்கவும், அவர்களுக்கு நலத்திட்டங்களை செயல்படுத்தவும் பா.ஜனதா பல்வேறு பணிகளை மேற்கொண்டு வருகிறது என்றார். 

பிரதமர் மோடியின் நகர்புற நக்சலைட்கள் பேச்சுக்கு காங்கிரஸ் கடும் எதிர்ப்பை தெரிவித்துள்ளது.

காங்கிரஸ் தலைவர் சுஷ்மிதா தேப் பேசுகையில், “பிரதமர் மீண்டும் தன்னுடைய வாயால் சுட்டுள்ளார். எங்களுடைய தலைவர்கள் அதிகமானோர் நக்சலைட்களின் தாக்குதல்களால் உயிரிழந்து உள்ளனர். பிரதமர் மோடியின் அற்பமான பிரசாரம் இங்கு பயனளிக்காது. இந்திய வாக்காளர்களின் அறிவை பிரதமர் மோடி மிகவும் குறைத்து மதிப்பிட்டுள்ளார். நகர்ப்புறத்தில் உள்ள ஒரு பிரிவினரை தாக்குகிறார்களானால், என்றால் அவரது தவறான மற்றும் திமிர்பிடித்த செயலாகும்,”என சாடியுள்ளார். காங்கிரஸ் தலைவர் ராகுல் காந்தி பேசுகையில் பிரதமர் மோடி தொழில் அதிபர்களின் உத்தரவை பெற்று அதன்படியே செயல்படுகிறார் என குற்றம் சாட்டினார். 


தொடர்புடைய செய்திகள்

1. ரபேல் விவகாரத்தில் நாடாளுமன்ற கூட்டுக்குழு விசாரணை தேவை காங்கிரஸ் மீண்டும் வலியுறுத்தல்
ரபேல் ஒப்பந்த விவகாரத்தில் நாடாளுமன்ற கூட்டுக்குழு விசாரணை தேவை என்று காங்கிரஸ் மீண்டும் வலியுறுத்துவதாக முன்னாள் மத்திய நிதி மந்திரி ப.சிதம்பரம் கூறினார்.
2. காங்கிரஸ் ஆட்சிக்கு வந்தால் தான் ராமர்கோவில் கட்டப்படும் -ஹரிஷ் ராவத்
காங்கிரஸ் ஆட்சிக்கு வந்தால் தான் ராமர் கோவில் கட்டப்படும் என உத்தரகாண்ட் மாநில முன்னாள் முதல்வர் ஹரிஷ் ராவத் கூறியுள்ளார்.
3. டெல்லி, பஞ்சாப், அரியானாவில் தனித்தே போட்டி ஆம் ஆத்மி அறிவிப்பு
டெல்லி, பஞ்சாப், அரியானாவில் தனித்தே போட்டியிடுவோம் என ஆம் ஆத்மி அறிவித்துள்ளது.
4. வர்த்தகம் செய்ய உகந்த உலக நாடுகள் பட்டியலில் இந்தியா 65 இடங்கள் முன்னேறி உள்ளது -பிரதமர் மோடி
வர்த்தகம் செய்ய உகந்த உலக நாடுகள் பட்டியலில் இந்தியா 65 இடங்கள் முன்னேறி உள்ளது என குஜராத் மாநாட்டில் பிரதமர் மோடி பேசினார்.
5. மத்திய அரசு 36 ரபேல் விமானங்களை மட்டும் வாங்குவது ஏன்? -ப.சிதம்பரம் கேள்வி
மத்திய அரசு 36 ரபேல் விமானங்களை மட்டும் வாங்குவது ஏன்? என காங்கிரஸ் கட்சியை சேர்ந்த ப.சிதம்பரம் கேள்வி எழுப்பியுள்ளார்.