மாநில செய்திகள்

பா.ஜனதாவுக்கு எதிராக கூட்டணி மு.க.ஸ்டாலினுடன் சந்திரபாபு நாயுடு சந்திப்பு + "||" + Chandrababu Naidu meets Stalin in Chennai

பா.ஜனதாவுக்கு எதிராக கூட்டணி மு.க.ஸ்டாலினுடன் சந்திரபாபு நாயுடு சந்திப்பு

பா.ஜனதாவுக்கு எதிராக கூட்டணி மு.க.ஸ்டாலினுடன் சந்திரபாபு நாயுடு சந்திப்பு
பா.ஜனதாவுக்கு எதிராக கூட்டணி அமைக்க முயற்சிக்கும் சந்திரபாபு நாயுடு திமுக தலைவர் மு.க.ஸ்டாலினை சந்தித்தார்.

சென்னை, 


கடந்த நாடாளுமன்ற தேர்தலின்போது, பா.ஜ.க. தலைமையிலான தேசிய ஜனநாயக கூட்டணியில் ஆந்திர முதல்-மந்திரி சந்திரபாபு நாயுடுவின் தெலுங்கு தேசம் கட்சி அங்கம் வகித்தது. ஆனால், ஆந்திர மாநிலத்துக்கு சிறப்பு அந்தஸ்து தரவில்லை என்று கூறி பா.ஜ.க. கூட்டணியை விட்டு தெலுங்கு தேசம் கட்சி வெளியே வந்தது. தற்போது, அடுத்த ஆண்டு நடைபெறவுள்ள நாடாளுமன்ற தேர்தலில், பா.ஜ.க.வுக்கு எதிராக எதிர்க்கட்சிகளை ஒன்று திரட்டி மெகா கூட்டணியை உருவாக்கும் முயற்சியில் ஆந்திர முதல்-மந்திரி சந்திரபாபு நாயுடு ஈடுபட்டுள்ளார்.

ஏற்கனவே, அவர் மார்க்சிஸ்ட் கம்யூனிஸ்டு கட்சியின் பொதுச் செயலாளர் சீதாராம் யெச்சூரி, தேசியவாத காங்கிரஸ் தலைவர் சரத்பவார், தேசிய மாநாடு கட்சித் தலைவர் பரூக் அப்துல்லா, சமாஜ்வாடி கட்சித் தலைவர் முலாயம்சிங் யாதவ் ஆகியோரை சந்தித்து பேசியிருக்கிறார்.
கடந்த வாரம் டெல்லியில் அகில இந்திய காங்கிரஸ் தலைவர் ராகுல்காந்தியை சந்திரபாபு நாயுடு சந்தித்து பேசி கூட்டணியை உறுதி செய்தார். நேற்று மாலை மதசார்பற்ற ஜனதாதள தலைவர் தேவேகவுடாவை அவர் சந்தித்து பேசினார்.

இந்த நிலையில், தி.மு.க. தலைவர் மு.க.ஸ்டாலினை சந்தித்து பேசுவதற்காக ஆந்திர முதல்-மந்திரி சந்திரபாபு நாயுடு இன்று சென்னை வந்தார். சென்னை ஆழ்வார்பேட்டையில் உள்ள மு.க.ஸ்டாலினின் இல்லத்திற்கு சந்திரபாபு நாயுடு சென்றார். அவரை ஸ்டாலின் வரவேற்றார்.  எதிர்கட்சிகளை ஒருங்கிணைக்கும் ஒரு பகுதியாக சந்திரபாபு நாயுடு திமுக தலைவர் மு.க.ஸ்டாலினை சந்தித்துள்ளது முக்கியத்துவம் பெற்றுள்ளது.

தொடர்புடைய செய்திகள்

1. பா.ஜனதா வெற்றி கொண்டாட்டத்தில் பட்டாசு வெடித்ததில் 4 ஜவுளிக்கடைகளில் பயங்கர தீ விபத்து - பல லட்சம் ரூபாய் பொருட்கள் நாசம்
மணப்பாறை அருகே, பா.ஜனதா வெற்றி கொண்டாட்டத்தில் பட்டாசு வெடித்தபோது 4 ஜவுளிக்கடைகளில் பயங்கர தீ விபத்து ஏற்பட்டது. இதில் பல லட்சம் ரூபாய் மதிப்புள்ள பொருட்கள் தீயில் எரிந்து நாசமடைந்தன.
2. பா.ஜனதா 303 தொகுதிகளில் வெற்றி: தேர்தல் ஆணையம் அதிகாரப்பூர்வமாக அறிவிப்பு
நாடாளுமன்ற தேர்தலில் தேசிய ஜனநாயக கூட்டணிக்கு தலைமை தாங்கும் பா.ஜனதா 303 இடங்களில் வெற்றி பெற்றுள்ளதாக தேர்தல் ஆணையம் அதிகாரப்பூர்வமாக அறிவித்துள்ளது.
3. அதிக வாக்குகள் வித்தியாசத்தில் வென்று சாதனை படைத்த பா.ஜனதா வேட்பாளர்
நாடாளுமன்றத் தேர்தலில் அதிக வாக்குகள் வித்தியாசத்தில் வென்று பா.ஜனதா வேட்பாளர் சாதனை படைத்துள்ளார்.
4. காங்கிரசுக்கு 18 மாநிலங்களிலும், பா.ஜனதாவுக்கு 10 மாநிலங்களிலும் பூஜ்ஜியம்
நாடாளுமன்ற தேர்தலில் 18 மாநிலங்கள் மற்றும் யூனியன் பிரதேசங்களில் காங்கிரஸ் கட்சி ஒரு இடத்தில் கூட வெற்றி பெறவில்லை.
5. தமிழகத்தில் பா.ஜனதா வேட்பாளர்கள் பெற்ற வாக்குகள் முழுவிபரம்...
தமிழகத்தில் நாடாளுமன்றத் தேர்தலில் அதிமுக - பா.ஜனதா கூட்டணி தோல்வியை தழுவியது.