தேசிய செய்திகள்

ரிசர்வ் வங்கியில் இருந்து ரூ.3.6 லட்சம் கோடி கேட்கவில்லை - மத்திய அரசு விளக்கம் + "||" + RBI does not ask for Rs.3.6 lakh crore from the Reserve Bank of India - Central government interpretation

ரிசர்வ் வங்கியில் இருந்து ரூ.3.6 லட்சம் கோடி கேட்கவில்லை - மத்திய அரசு விளக்கம்

ரிசர்வ் வங்கியில் இருந்து ரூ.3.6 லட்சம் கோடி கேட்கவில்லை - மத்திய அரசு விளக்கம்
ரிசர்வ் வங்கியில் இருந்து ரூ.3.6 லட்சம் கோடி கேட்கவில்லை என மத்திய அரசு விளக்கம் அளித்துள்ளது.
புதுடெல்லி,

மத்திய பா.ஜனதா அரசு நிதி பற்றாக்குறையில் சிக்கி தவிப்பதாகவும், இதை சமாளிப்பதற்காக ரிசர்வ் வங்கியில் இருந்து ரூ.3.6 லட்சம் கோடி நிதி கேட்டு இருப்பதாகவும் சமீபத்தில் தகவல் வெளியானது. இந்த தகவலை முன்னாள் நிதி மந்திரி ப.சிதம்பரமும் வெளியிட்டதுடன், மத்திய அரசு ரிசர்வ் வங்கியை கைப்பற்ற முயற்சிப்பதாகவும் குற்றம் சாட்டினார்.


ஆனால் இந்த தகவலை மத்திய அரசு மறுத்து இருக்கிறது. இது தொடர்பாக மத்திய அரசின் பொருளாதார விவகாரங்களுக்கான செயலாளர் சுபாஷ் சந்திரா கார்க் தனது டுவிட்டர் தளத்தில் கூறுகையில், ‘ரிசர்வ் வங்கியிடம் இருந்து மத்திய அரசு பணம் கேட்டுள்ளதாக பல்வேறு தவறான தகவல்கள் ஊடகங்களில் பரவி வருகின்றன. ஆனால் அரசிடம் போதுமான நிதி கையிருப்பு உள்ளது. எனவே ஊடகங்களில் வெளியானது போல ரிசர்வ் வங்கியிடம் இருந்து ரூ.3.6 லட்சம் கோடியோ அல்லது ரூ.1 லட்சம் கோடியோ நிதி கேட்கும் பரிந்துரை எதுவும் அரசிடம் இல்லை’ என்று குறிப்பிட்டு இருந்தார்.

அவர் மேலும் கூறும்போது, ‘அரசின் நிதி பற்றாக்குறை கடந்த 2013-14-ம் நிதியாண்டில் 5.1 சதவீதமாக இருந்தது. பின்னர் 2014-15-ம் ஆண்டிலிருந்து இந்த பற்றாக்குறை விகிதத்தை அரசு வெற்றிகரமாக குறைத்து வருகிறது. 2018-19-ம் ஆண்டு முடிவில் நிதி பற்றாக்குறை விகிதம் 3.3 சதவீதமாக இருக்குமாறு வரையறுத்துள்ளோம்’ என்று தெரிவித்து உள்ளார்.

இவ்வாறு ரிசர்வ் வங்கியில் இருந்து நிதி எதுவும் கேட்கவில்லை எனக்கூறியுள்ள சுபாஷ் சந்திரா கார்க், ரிசர்வ் வங்கியின் பொருத்தமான பொருளாதார மூலதன கட்டமைப்பை வரையறுப்பது தொடர்பான பரிந்துரை மட்டுமே தற்போது விவாதிக்கப்பட்டு வருவதாகவும் கூறியுள்ளார்.



தொடர்புடைய செய்திகள்

1. ரிசர்வ் வங்கி பிப். 12-ம் தேதி வெளியிட்ட சுற்றறிக்கையை ரத்து செய்தது உச்சநீதிமன்றம்
ரிசர்வ் வங்கி கடந்த பிப்ரவரி மாதம் 12-ம் தேதி வெளியிட்ட சுற்றறிக்கையை உச்ச நீதிமன்றம் ரத்து செய்தது.
2. வாகனங்கள் விற்பனை புள்ளிவிவரம், ரிசர்வ் வங்கி நிலைப்பாடு தீர்மானிக்கும்
இந்த வார பங்கு வர்த்தகத்தின் போக்கை மோட்டார் வாகனங்கள் விற்பனை புள்ளி விவரமும், பாரத ரிசர்வ் வங்கியின் நிலைப்பாடும் தீர்மானிக்கும் என சந்தை நிபுணர்கள் முன்னறிவிப்பு செய்துள்ளனர்.
3. குறுகிய கால கடனுக்கான வட்டி விகிதம் 0.25% குறைப்பு -ரிசர்வ் வங்கி
வட்டி விகிதம் 6.5 சதவீதத்தில் இருந்து 6.25 சதவீதமாக குறைக்கப்பட்டுள்ளது என ரிசர்வ் வங்கி கவர்னர் சக்தி காந்ததாஸ் அறிவித்து உள்ளார்.
4. சிறு, குறு தொழில்துறையினருடன் ரிசர்வ் வங்கி கவர்னர் விரைவில் ஆலோசனை சலுகைகள் கிடைக்குமா? என எதிர்பார்ப்பு
சிறு, குறு தொழில்துறையினருடன் ரிசர்வ் வங்கி கவர்னர் விரைவில் ஆலோசனை நடத்த உள்ளதாக தெரிவித்துள்ளார். இதனால் சலுகைகள் கிடைக்குமா? என தொழில்துறையினர் எதிர்பார்த்துள்ளனர்.
5. ரிசர்வ் வங்கியின் தன்னாட்சியை நிலை நிறுத்துவேன் : புதிய கவர்னராக பொறுப்பேற்ற சக்தி காந்ததாஸ் பேட்டி
ரிசர்வ் வங்கியின் தன்னாட்சியை நிலைநிறுத்துவேன் என்று அதன் புதிய கவர்னராக பொறுப்பேற்ற சக்தி காந்ததாஸ் கூறினார்.