தேசிய செய்திகள்

“எல்லையில் நேரிடும் உயிரிழப்பைவிட குண்டும், குழியுமான சாலைகளால் ஏற்படுவது அதிகம்” சுப்ரீம் கோர்ட்டு கவலை + "||" + Deaths due to potholes unacceptable probably more than those killed on border SC

“எல்லையில் நேரிடும் உயிரிழப்பைவிட குண்டும், குழியுமான சாலைகளால் ஏற்படுவது அதிகம்” சுப்ரீம் கோர்ட்டு கவலை

“எல்லையில் நேரிடும் உயிரிழப்பைவிட குண்டும், குழியுமான சாலைகளால் ஏற்படுவது அதிகம்” சுப்ரீம் கோர்ட்டு கவலை
குண்டும், குழியுமான சாலைகளால் நேரிட்ட விபத்தில் கடந்த 5 வருடங்களில் 14,926 பேர் உயிரிழந்துள்ளனர் என கவலை தெரிவித்துள்ள சுப்ரீம் கோர்ட்டு, இதனை ஏற்க முடியாது என குறிப்பிட்டுள்ளது.
புதுடெல்லி, 

எல்லையில் நேரிடும் துப்பாக்கி சண்டை, பயங்கரவாதிகளால் முன்னெடுக்கப்படும் சண்டையில் நேரிடும் உயிரிழப்பை விடவும் இந்தியா முழுவதும் குண்டும், குழியுமான சாலைகளால் நேரிடும் விபத்தில் உயிரிழப்பவர்களின் எண்ணிக்கை அதிகமாக இருக்க வாய்ப்புள்ளது என நீதிபதி மதன் பி லோகர் தலைமையிலான பெஞ்ச் வருத்தம் தெரிவித்துள்ளது. 

நீதிபதிகள் தீபக் குப்தா, ஹேமந்த் குப்தா அடங்கிய பெஞ்ச், 2013 முதல் 2017 வரையில் மோசமான சாலைகள் காரணமாக நேரிட்ட விபத்துக்கள் சாலைகளை பராமரிப்பதில் அதிகாரிகள் கவனம் செலுத்தவில்லை என்பதை காட்டுகிறது எனவும் குறிப்பிட்டுள்ளது.

இந்தியாவில் குண்டும், குழியுமான சாலைகளில் நேரிடும் விபத்து தொடர்பாக சுப்ரீம் கோர்ட்டு நீதிபதி கே.எஸ்.ராதாகிருஷ்ணன் தலைமையிலான சாலை பாதுகாப்பு கமிட்டி தாக்கல் செய்துள்ள பதில் தொடர்பாக மத்திய அரசு பதில் அறிக்கையை தாக்கல் செய்ய கோர்ட்டு கேட்டுக் கொண்டுள்ளது. ஜூலை 20-ம் தேதி விசாரணை நடைபெற்ற போதும் இதுபோன்ற விபத்துக்களில் நேரிடும் உயிரிழப்பு தொடர்பாக கவலையை தெரிவித்திருந்த சுப்ரீம் கோர்ட்டு, இது பயங்கரவாத தாக்குதலில் நேரிடும் உயிரிழப்பை விடவும் அதிகம் என தெரிவித்து இருந்தது. நிலையை உணர்ந்த சுப்ரீம் கோர்ட்டு, இவ்விவகாரத்தை கவனத்தில் எடுத்துக் கொள்ளும்படி சாலை பாதுகாப்பு கமிட்டியிடம் கேட்டுக் கொண்டது. 

மோசமான சாலையினால் உயிரினை இழந்தவர்களுக்கு போதிய நிவாரணம் வழங்கப்பட வேண்டும். சாலைகளை பராமரிப்பதில் கவனம் செலுத்த வேண்டிய அதிகாரிகள் அவர்களுடைய பணிகளை செய்யாத காரணத்தினால் இதுபோன்ற உயிரிழப்புக்கள் நேரிடுகிறது என்பது பொதுவான விஷயமாகும் எனவும் சுப்ரீம் கோர்ட்டு தெரிவித்தது. 

தொடர்புடைய செய்திகள்

1. “சி.பி.ஐ.யை விசாரிக்க போவது யார்?” ரெய்டு விவகாரத்தில் அரசு மீது அகிலேஷ் யாதவ் பாய்ச்சல்
சி.பி.ஐ.யை விசாரிக்க போவது யார்? என கேள்வி எழுப்பியுள்ள அகிலேஷ் யாதவ் ரெய்டு விவகாரத்தில் மத்திய அரசை விமர்சனம் செய்துள்ளார்.
2. ரூ.60 ஆயிரம் சம்பளம் வாங்குபவரும் ஏழையா? 10% இட ஒதுக்கீடு குறித்து சிதம்பரம் கருத்து
ஏழையிலும் ஏழைக்கு ஒதுக்கீடு என்றால் ஏற்றுக்கொள்ளலாம். ஆனால் எல்லோரும் ஏழை என்றால் அதனை ஏற்றுக்கொள்ள முடியாது என ப சிதம்பரம் தெரிவித்துள்ளார்.
3. கவனத்தை திசை திருப்பவே 10 சதவீத இட ஒதுக்கீடு: சந்திரபாபு நாயுடு விமர்சனம்
ரபேல் விவகாரத்தில் இருந்து கவனத்தை திசை திருப்பவே 10 சதவீத இட ஒதுக்கீட்டை மத்திய அரசு அளித்துள்ளதாக சந்திரபாபு நாயுடு தெரிவித்துள்ளார்.
4. டிசம்பர் வரையிலான 9 மாதங்களில் நேரடி வரி வசூல் 14.1% அதிகரிப்பு
நடப்பு நிதி ஆண்டில், டிசம்பர் வரையிலான 9 மாதங்களில் மத்திய அரசின் நேரடி வரி வசூல் 14.1 சதவீதம் அதிகரித்து ரூ.8.74 லட்சம் கோடியாக உயர்ந்து இருக்கிறது.
5. 10% இட ஒதுக்கீடு அரசியல் ஆதாயத்திற்கான அறிவிப்பு - மாயாவதி விமர்சனம்
பொருளாதாரத்தில் பின்தங்கிய பொதுப்பிரிவினருக்கு 10 சதவீத இடஒதுக்கீடு அறிவிப்பு அரசியல் ஆதாயத்திற்கானது என மாயாவதி விமர்சனம் செய்துள்ளார்.