உலக செய்திகள்

ஐ.நா. சபையில் பாலஸ்தீன இயக்கத்துக்கு எதிரான அமெரிக்காவின் தீர்மானம் தோல்வி - மூன்றில் இரு பங்கு பெரும்பான்மை கிடைக்கவில்லை + "||" + UN In the House US resolution against the Palestinian movement failed - Two-thirds majority were not available

ஐ.நா. சபையில் பாலஸ்தீன இயக்கத்துக்கு எதிரான அமெரிக்காவின் தீர்மானம் தோல்வி - மூன்றில் இரு பங்கு பெரும்பான்மை கிடைக்கவில்லை

ஐ.நா. சபையில் பாலஸ்தீன இயக்கத்துக்கு எதிரான அமெரிக்காவின் தீர்மானம் தோல்வி - மூன்றில் இரு பங்கு பெரும்பான்மை கிடைக்கவில்லை
ஐ.நா. சபையில் பாலஸ்தீன இயக்கத்துக்கு எதிரான அமெரிக்காவின் தீர்மானம், மூன்றில் இரு பங்கு பெரும்பான்மை கிடைக்காததால் தோல்வியடைந்தது.
நியூயார்க்,

பாலஸ்தீனத்தில் ஹமாஸ் இயக்கம் செல்வாக்கு மிக்க இயக்கமாக உள்ளது. இஸ்ரேலை மீட்டு, பாலஸ்தீனத்தின் மேற்கு கரை, காசா பகுதிகளுடன் இணைத்து இஸ்லாமிய குடியரசாக மாற்றும் நோக்கத்துடன் இந்த இயக்கம் போராடி வருகிறது. இந்த இயக்க போராளிகள் சமீப காலமாக பாலஸ்தீனத்தில் இருந்து இஸ்ரேல் மீது ராக்கெட் வீசி தாக்குதல் நடத்தி வருகின்றனர்.


இஸ்ரேல், அமெரிக்கா ஆகியவை இந்த ஹமாஸ் இயக்கத்தை பயங்கரவாத இயக்கமாக கருதுகின்றன.

இந்தநிலையில், இஸ்ரேல் மீது ஹமாஸ் இயக்க போராளிகள் நடத்திய ராக்கெட் தாக்குதலுக்கு கண்டனம் தெரிவிக்கும் தீர்மானம் ஒன்றை நியூயார்க் நகரில் ஐ.நா. பொதுச்சபை கூட்டத்தில் அமெரிக்கா கொண்டு வந்தது.

இந்த தீர்மானம் நிறைவேற மூன்றில் இரு பங்கு உறுப்பினர்கள் ஆதரவாக ஓட்டு போட வேண்டும். ஆனால் நேற்றுமுன்தினம் இரவு நடந்த ஓட்டெடுப்பில் தீர்மானத்துக்கு ஆதரவாக 87 உறுப்பினர்கள் ஓட்டு போட்டனர். எதிராக 57 பேர் ஓட்டு போட்டனர். 33 பேர் ஓட்டெடுப்பை புறக்கணித்தனர். எனவே மூன்றில் இரு பங்கு பெரும்பான்மை கிடைக்காததால் இந்த தீர்மானம் நிறைவேறாமல் தோல்வி கண்டது. இது அமெரிக்காவுக்கு ஐ.நா. சபையில் பின்னடைவு ஆகும். இது வரலாற்று பிழை என அமெரிக்காவுக்கான ஐ.நா. தூதர் நிக்கி ஹாலே கருத்து தெரிவித்தார்.

அதே நேரத்தில் ஹமாஸ் செய்தி தொடர்பாளர், “இந்த ஓட்டெடுப்பு முடிவு, அமெரிக்க ஜனாதிபதி டிரம்ப் நிர்வாகத்துக்கு விழுந்த அடி” என குறிப்பிட்டார்.

ஆனால் இஸ்ரேல் பிரதமர் பெஞ்சமின் நேட்டன் யாஹூ, “மூன்றில் இரு பங்கு பெரும்பான்மையை பெற முடியாவிட்டாலும் கூட, பெரும்பாலான நாடுகள் ஹமாசுக்கு எதிராக ஒன்று சேர்ந்து நின்றுள்ளன” என குறிப்பிட்டார்.




தொடர்புடைய செய்திகள்

1. ஆஸ்திரேலியாவுக்கு எதிரான 2-வது டெஸ்டில் 287 ரன் இலக்கு: இந்திய அணி தோல்வியை தவிர்க்குமா?
ஆஸ்திரேலியாவுக்கு எதிரான 2-வது டெஸ்டில் இந்திய அணிக்கு 287 ரன்கள் வெற்றி இலக்காக நிர்ணயிக்கப்பட்டுள்ளது.
2. ஆஸ்திரேலியாவுக்கு எதிரான எஞ்சிய டெஸ்ட் தொடருக்கான இந்திய அணியில் மயங்க் அகர்வால், ஹர்திக் பாண்ட்யா சேர்ப்பு - பிரித்வி ஷா விலகல்
ஆஸ்திரேலியாவுக்கு எதிரான எஞ்சிய டெஸ்ட் தொடருக்கான இந்திய அணியில் மயங்க் அகர்வால், ஹர்திக் பாண்ட்யா ஆகியோர் சேர்க்கப்பட்டுள்ளனர். காயம் காரணமாக பிரித்வி ஷா விலகினார்.
3. இலங்கைக்கு எதிரான முதலாவது டெஸ்ட்: டாம் லாதம் இரட்டை சதத்தால் நியூசிலாந்து அணி 578 ரன்கள் குவிப்பு
இலங்கைக்கு எதிரான முதலாவது டெஸ்ட் கிரிக்கெட் போட்டியில் டாம் லாதம் இரட்டை சதத்தால் நியூசிலாந்து அணி முதல் இன்னிங்சில் 578 ரன்கள் குவித்து ஆட்டம் இழந்தது.
4. சீக்கியர்களுக்கு எதிரான கலவர வழக்கில் காங்கிரஸ் தலைவர் சஜ்ஜன் குமாருக்கு ஆயுள் தண்டனை - டெல்லி ஐகோர்ட்டு தீர்ப்பு
சீக்கியர்களுக்கு எதிரான கலவர வழக்கில் காங்கிரஸ் தலைவர் சஜ்ஜன் குமாருக்கு ஆயுள் தண்டனை விதித்து டெல்லி ஐகோர்ட்டு தீர்ப்பு வழங்கியது.
5. வங்காளதேசத்துக்கு எதிரான 20 ஓவர் கிரிக்கெட்டில் வெஸ்ட்இண்டீஸ் அணி அபார வெற்றி
வங்காளதேசத்துக்கு எதிரான 20 ஓவர் கிரிக்கெட்டில் வெஸ்ட்இண்டீஸ் அணி அபார வெற்றிபெற்றது. அந்த அணியில் ஷாய் ஹோப் 16 பந்துகளில் அரைசதம் அடித்து அசத்தினார்.