கிரிக்கெட்

அடிலெய்டு டெஸ்ட்: முதல் இன்னிங்சில் 235 ரன்களுக்கு ஆஸ்திரேலியா ஆல் அவுட் + "||" + India bag a 15-run lead despite Head's 72

அடிலெய்டு டெஸ்ட்: முதல் இன்னிங்சில் 235 ரன்களுக்கு ஆஸ்திரேலியா ஆல் அவுட்

அடிலெய்டு டெஸ்ட்:  முதல் இன்னிங்சில் 235 ரன்களுக்கு ஆஸ்திரேலியா ஆல் அவுட்
அடிலெய்டு டெஸ்ட் போட்டியில் முதல் இன்னிங்சில் 235 ரன்களுக்கு ஆஸ்திரேலிய அணி ஆல் அவுட் ஆனது.
அடிலெய்டு,

இந்தியா – ஆஸ்திரேலியா அணிகள் இடையிலான முதலாவது டெஸ்ட் கிரிக்கெட் போட்டி அடிலெய்டு நகரில் நேற்று முன்தினம் தொடங்கியது. முதலில் பேட் செய்த இந்திய அணி புஜாராவின் சதத்தால் (123 ரன்) சரிவில் இருந்து தப்பித்ததுடன், முதல் இன்னிங்சில் 250 ரன்கள் எடுத்திருந்தது.


இதையடுத்து,  தனது முதல் இன்னிங்சை துவங்கிய ஆஸ்திரேலிய அணி , இந்திய அணியின் பந்து வீச்சை சமாளிக்க முடியாமல் திணறியது. குறிப்பாக அஷ்வின் சுழலில் ஆஸ்திரேலிய வீரர்கள் தடுமாறினார். இதனால், சீரான இடைவெளியில் விக்கெட்டுகளை தாரைவார்த்த ஆஸ்திரேலிய அணி, 2 ஆம் நாள் ஆட்ட நேர முடிவில்  88 ஓவர்களில் 7 விக்கெட் இழப்புக்கு 191 ரன்கள் எடுத்து இருந்தது.

இந்த நிலையில், இன்று 3-வது நாள் ஆட்டம் மழை காரணமாக ஏறக்குறைய அரைமணி நேரம் வரை பாதிக்கப்பட்டது. இதைத்தொடர்ந்து ஆட்டம்  நடைபெற்றது.  மிட்செல் ஸ்டார்க் 15 ரன்கள் எடுத்து இருந்த நிலையில், பும்ரா பந்தில் ஆட்டமிழந்தார். 91.4 ஓவர்களில் 8 விக்கெட் இழப்புக்கு ஆஸ்திரேலிய அணி 204 ரன்கள் எடுத்து இருந்த போது மீண்டும் மழை குறுக்கிட்டது.  இதனால்,  ஆட்டம் சிறிது நேரம் தடைபட்டது.

இதைத்தொடர்ந்து மழை விட்டதும் மீண்டும் போட்டி துவங்கியது.  ஆஸ்திரேலிய அணிக்கு நம்பிக்கை அளித்து வந்த டிராவிஸ் ஹெட் 72 ரன்களில்  சமி பந்தில் ஆட்டமிழந்தார். அடுத்து வந்த ஹேசல்வுட், தான் சந்தித்த முதல் பந்திலேயே ஆட்டமிழந்தார். இதன் முலம் ஆஸ்திரேலிய அணி 235 ரன்களுக்கு ஆல் அவுட் ஆனது. முதல் இன்னிங்சில் இந்திய அணியை விட  ஆஸ்திரேலிய அணி 15 ரன்கள் பின் தங்கியுள்ளது. இந்திய அணி தரப்பில் பும்ரா, அஷ்வின் தலா 3 விக்கெட்டுகளையும் , இஷாந்த் சர்மா,  சமி தலா 2 விக்கெட்டுகளையும் கைப்பற்றியுள்ளனர். 15 ரன்கள் முன்னிலையுடன் இந்திய அணி தனது 2-வது இன்னிங்சில் பேட் செய்து வருகிறது.


தொடர்புடைய செய்திகள்

1. பெர்த் டெஸ்ட் போட்டியில் இருந்து அஷ்வின், ரோகித் சர்மா நீக்கம்
ஆஸ்திரேலியாவுக்கு எதிரான 2-வது டெஸ்ட் போட்டியில் இருந்து அஷ்வின், ரோகித் சர்மா ஆகியோர் காயம் காரணமாக நீக்கப்பட்டுள்ளனர்.
2. ஆஸ்திரேலிய மண்ணில் முதலாவது டெஸ்ட் போட்டியில் வென்று இந்திய அணி வரலாறு படைத்தது
ஆஸ்திரேலிய மண்ணில் அந்த அணிக்கு எதிரான முதலாவது டெஸ்ட் கிரிக்கெட் போட்டியில் இந்திய அணி 31 ரன்கள் வித்தியாசத்தில் வெற்றி பெற்று வரலாறு படைத்தது.
3. ஆஸ்திரேலியாவில் இந்திய அணியின் 6-வது வெற்றி
ஆஸ்திரேலியாவில் 45-வது டெஸ்டில் ஆடிய இந்திய அணிக்கு இது 6-வது வெற்றியாகும்.
4. அடிலெய்டு டெஸ்ட் : 2 ஆம் நாள் ஆட்ட நேர முடிவில் ஆஸ்திரேலியா 7 விக்கெட் இழப்புக்கு 197 ரன்கள் சேர்ப்பு
இந்தியாவுக்கு எதிரான முதல் டெஸ்ட் போட்டியின் 2 ஆம் நாள் ஆட்ட நேர முடிவில் ஆஸ்திரேலியா 7 விக்கெட் இழப்புக்கு 197 ரன்கள் சேர்த்துள்ளது.
5. ஆஸ்திரேலியாவுக்கு எதிரான முதலாவது டெஸ்ட் : இந்திய அணி பேட்டிங்
ஆஸ்திரேலியாவுக்கு எதிரான முதலாவது டெஸ்ட் போட்டியில், இந்திய அணி பேட்டிங்கைத் தேர்வு செய்தது. INDVSAUS