தேசிய செய்திகள்

ராஜஸ்தான்: தேர்தலுக்கு பயன்படுத்தப்பட்ட வாக்குச்சாவடி எந்திரம் சாலையில் கிடந்ததால் பரபரப்பு + "||" + A ballot unit was found lying on road in Shahabad area of Kishanganj

ராஜஸ்தான்: தேர்தலுக்கு பயன்படுத்தப்பட்ட வாக்குச்சாவடி எந்திரம் சாலையில் கிடந்ததால் பரபரப்பு

ராஜஸ்தான்: தேர்தலுக்கு பயன்படுத்தப்பட்ட வாக்குச்சாவடி  எந்திரம் சாலையில் கிடந்ததால் பரபரப்பு
ராஜஸ்தான் மாநிலத்தில் உள்ள கிசாகஞ் தொகுதிக்குட்ப்பட்ட ஒரு இடத்தில் தேர்தலுக்கு பயன்படுத்தப்பட்ட வாக்குச்சாவடி எந்திரம் சாலையில் கிடந்ததால் பரபரப்பு ஏற்பட்டது.
ஜெய்பூர்,

ராஜஸ்தான்  மாநில சட்டப்பேரவைக்கு நேற்று தேர்தல் நடைபெற்றது. மொத்தம் உள்ள 200 தொகுதிகளில், ஒரு தொகுதியை மட்டும் தவிர்த்து (வேட்பாளர் இறந்ததால்) ஏனைய 199 தொகுதிகளுக்கும் ஒரே கட்டமாக வாக்குப்பதிவு நடைபெற்றது. ராஜஸ்தானில்  72.62 சதவீத ஓட்டுப்பதிவாகி இருந்தது.


பதிவான வாக்குகள் அனைத்தும் வரும் 11 ஆம் தேதி எண்ணப்பட்டு அன்றைய தினமே முடிவுகள் அறிவிக்கப்படுகின்றன.  இதற்காக,  மின்னணு வாக்கு எந்திரங்கள் ‘சீல்’ வைக்கப்பட்டு ஓட்டு எண்ணிக்கை நடைபெறும் மையங்களுக்கு பலத்த போலீஸ் பாதுகாப்புடன் எடுத்துச்செல்லப்பட்டன.

இந்த நிலையில், ராஜஸ்தான் மாநிலத்தில் உள்ள கிசாகஞ்ச் தொகுதிக்குட்பட்ட சஹாபாத் என்ற  இடத்தில் வாக்குப்பதிவு எந்திரங்கள் கேட்பாரற்று சாலையில் கிடந்தது அப்பகுதியில் பெரும் பரபரப்பை ஏற்படுத்தியது.  தகவல் அறிந்து விரைந்து வந்த  தேர்தல் அதிகாரிகள் வாக்குப்பதிவு எந்திரத்தை கைப்பற்றி எடுத்துச்சென்றனர்.  வாக்குப்பதிவு எந்திரத்தை எடுத்துச்செல்லும் போது அஜாக்கிரதையாக செயல்பட்டதாக இரண்டு அதிகாரிகளை தேர்தல் ஆணையம் இடை நீக்கம் செய்துள்ளது.



தொடர்புடைய செய்திகள்

1. மத்திய பிரதேச தேர்தல்; காங்கிரஸ் கட்சி 114, பா.ஜ.க. 109 இடங்களில் வெற்றி
மத்திய பிரதேசத்தில் காங்கிரஸ் கட்சி 114, பா.ஜ.க. 109 இடங்களில் வெற்றி பெற்றுள்ளது.
2. தேர்தல் நடந்த ராஜஸ்தானில் சாலையில் கேட்பாரற்று கிடந்த வாக்குப்பதிவு எந்திரத்தால் பரபரப்பு - 2 அதிகாரிகள் பணியிடை நீக்கம்
சட்டசபை தேர்தல் நடந்த ராஜஸ்தானில், சாலையில் மின்னணு வாக்குப்பதிவு எந்திரம் கேட்பாரற்று கிடந்ததால் பெரும் பரபரப்பு ஏற்பட்டு உள்ளது. இதையடுத்து தேர்தல் அதிகாரிகள் 2 பேர் பணியிடை நீக்கம் செய்யப்பட்டனர்.
3. தேர்தலில் குற்றப்பின்னணி பற்றிய தகவல்களை வெளியிடாவிட்டால் வேட்பாளர்கள் மீது கோர்ட்டு அவமதிப்பு வழக்கு தொடரலாம் - தேர்தல் கமிஷன் அறிவிப்பு
தேர்தலில் குற்றப்பின்னணி பற்றிய தகவல்களை ஊடகங்களில் வெளியிடாவிட்டால், வேட்பாளர்கள் மீது கோர்ட்டு அவமதிப்பு வழக்கு தொடரலாம் என தேர்தல் கமிஷன் அறிவித்துள்ளது.
4. தேர்தல் வரும்வரை பொறுமையாக இருப்போம் - மு.க.அழகிரி
தேர்தல் வரும்வரை பொறுமையாக இருப்போம் என்று மு.க.அழகிரி தெரிவித்தார்.
5. தேர்தலுக்கு முன்பாக எதிர்க்கட்சிகளின் மெகா கூட்டணி பலூன் போல உடைந்துவிடும்: மத்திய அமைச்சர் விமர்சனம்
தேர்தலுக்கு முன்பாக எதிர்க்கட்சிகளின் மெகா கூட்டணி பலூன் போல உடைந்துவிடும் என்று மத்திய அமைச்சர் முக்தர் அப்பாஸ் நக்வி விமர்சித்துள்ளார்.