தேசிய செய்திகள்

தேர்தல் நடந்த ராஜஸ்தானில் சாலையில் கேட்பாரற்று கிடந்த வாக்குப்பதிவு எந்திரத்தால் பரபரப்பு - 2 அதிகாரிகள் பணியிடை நீக்கம் + "||" + Elaction in Rajasthan the polling machine that was not listed on the road was scratched - 2 officers suspension - 2 officers suspension

தேர்தல் நடந்த ராஜஸ்தானில் சாலையில் கேட்பாரற்று கிடந்த வாக்குப்பதிவு எந்திரத்தால் பரபரப்பு - 2 அதிகாரிகள் பணியிடை நீக்கம்

தேர்தல் நடந்த ராஜஸ்தானில் சாலையில் கேட்பாரற்று கிடந்த வாக்குப்பதிவு எந்திரத்தால் பரபரப்பு - 2 அதிகாரிகள் பணியிடை நீக்கம்
சட்டசபை தேர்தல் நடந்த ராஜஸ்தானில், சாலையில் மின்னணு வாக்குப்பதிவு எந்திரம் கேட்பாரற்று கிடந்ததால் பெரும் பரபரப்பு ஏற்பட்டு உள்ளது. இதையடுத்து தேர்தல் அதிகாரிகள் 2 பேர் பணியிடை நீக்கம் செய்யப்பட்டனர்.
கிஷான்கஞ்ச்,

200 உறுப்பினர்களை கொண்ட ராஜஸ்தான் சட்டசபைக்கு 199 தொகுதிகளில் நேற்று முன்தினம் தேர்தல் நடந்தது. ஒரு தொகுதியில் பகுஜன் சமாஜ் கட்சி வேட்பாளர் மரணம் அடைந்ததால் அங்கு மட்டும் தேர்தல் ஒத்திவைக்கப்பட்டு இருந்தது.


மாநிலம் முழுவதும் அமைக்கப்பட்டிருந்த 52 ஆயிரம் வாக்குச் சாவடிகளில் ஓட்டுப்பதிவுக்காக சுமார் 2 லட்சம் மின்னணு வாக்குப் பதிவு எந்திரங்கள் மற்றும் யாருக்கு வாக்களித்தோம் என்பதை காட்டும் ஒப்புகைச் சீட்டு எந்திரங்கள் பயன்படுத்தப்பட்டன. இந்த தேர்தலில் 72.9 சதவீத வாக்குகள் பதிவாயின.

வருகிற 11-ந்தேதி நடைபெற இருக்கும் ஓட்டு எண்ணிக்கையில் மாநிலத்தில் ஆட்சியை பா.ஜனதா தக்க வைத்துக்கொள்ளுமா? அல்லது காங்கிரஸ் ஆட்சியை கைப்பற்றுமா? என்பது தெரிந்து விடும்.

இந்த நிலையில் ராஜஸ் தானின் பாரன் மாவட்டத்தில் உள்ள கிஷான் கஞ்ச் சட்டசபை தொகுதிக்குள் அடங்கிய சஹாபாத் பகுதியில் முகவாலி என்னும் கிராமம் அருகே மாநில நெடுஞ்சாலையில் நேற்று முன்தினம் இரவு ஒரு வாக்குப் பதிவு எந்திரம் கேட்பாரற்று கிடந்தது. அது மூடி முத்திரையிடப்பட்டு இருந்தது.

இதை கண்டு அதிர்ச்சியடைந்த அப்பகுதி மக்கள் போலீசாருக்கு உடனடியாக தகவல் தெரிவித்தனர். இதையடுத்து அங்கு வந்த போலீசார் அந்த வாக்குப் பதிவு எந்திரத்தை கைப்பற்றி எடுத்துச் சென்றனர். இந்த மின்னணு எந்திரம் தேர்தலுக்கு பயன் படுத்தப்பட்டு இருப்பதும் தெரிய வந்தது.

ஓட்டு எண்ணிக்கைக்காக வாக்குப் பதிவு எந்திரங்களை வாகனத்தில் கொண்டு சென்றபோது அது தவறி விழுந்திருக்கலாம் எனவும், இதை தேர்தல் அதிகாரிகள் கவனிக் காமல் இருந்திருக்கலாம் என்றும் கருதப்படுகிறது.

எனினும், இதில் மிகவும் கவனக்குறைவாக இருந்த காரணத்துக்காக தேர்தல் அதிகாரிகள் அப்துல் ரபீக், நாவல் சிங் பட்வாரி ஆகியோரை தேர்தல் கமிஷன் அதிரடியாக பணியிடை நீக்கம் செய்து உத்தரவிட்டது.




தொடர்புடைய செய்திகள்

1. ராஜஸ்தான்: தேர்தலுக்கு பயன்படுத்தப்பட்ட வாக்குச்சாவடி எந்திரம் சாலையில் கிடந்ததால் பரபரப்பு
ராஜஸ்தான் மாநிலத்தில் உள்ள கிசாகஞ் தொகுதிக்குட்ப்பட்ட ஒரு இடத்தில் தேர்தலுக்கு பயன்படுத்தப்பட்ட வாக்குச்சாவடி எந்திரம் சாலையில் கிடந்ததால் பரபரப்பு ஏற்பட்டது.
2. ம.பி.யில் காங்கிரஸ் - பா.ஜனதா இடையே கடுமையான போட்டி; ராஜஸ்தானில் காங்கிரஸ் ஆட்சியை பிடிக்கிறது - கருத்துக்கணிப்பு
மத்திய பிரதேசத்தில் காங்கிரஸ் மற்றும் பா.ஜனதா இடையே கடுமையான போட்டி நிலவுகிறது என தேர்தலுக்கு பிந்தைய கருத்துக்கணிப்பில் தெரிவிக்கப்பட்டுள்ளது.
3. தெலுங்கானா, ராஜஸ்தான் சட்டப்பேரவை தேர்தலுக்கான வாக்குப்பதிவு நிறைவு
ராஜஸ்தான் மற்றும் தெலுங்கானாவில் சட்டமன்ற தேர்தலுக்கான வாக்குப்பதிவு நிறைவடைந்துள்ளது.
4. தெலுங்கானா, ராஜஸ்தானில் ஓட்டுப்பதிவு துவங்கியது: மக்கள் ஆர்வமுடன் வாக்களிப்பு
தெலுங்கானா, ராஜஸ்தான் மாநிலங்களில் சட்டப்பேரவை தேர்தலுக்கான வாக்குப்பதிவு நடைபெற்று வருகிறது. மக்கள் ஆர்வமுடன் வாக்களித்து வருகின்றனர்.
5. நாளை ஓட்டுப்பதிவு நடைபெறுகிறது: ராஜஸ்தான், தெலுங்கானாவில் பிரசாரம் ஓய்ந்தது - மோடி, ராகுல் இறுதிக்கட்ட ஓட்டு வேட்டை
ராஜஸ்தான், தெலுங்கானாவில் பிரசாரம் ஓய்ந்தது. பிரதமர் மோடி, காங்கிரஸ் தலைவர் ராகுல் இறுதிக்கட்ட ஓட்டு வேட்டையாடினர். நாளை ஓட்டுப்பதிவு நடக்கிறது.