தேசிய செய்திகள்

”நிதின் கட்காரி பிரதமர் மோடியை நேரடியாக விமர்சித்துள்ளார்” காங்கிரஸ் டுவிட்டால் பரபரப்பு + "||" + "Nitin Gadkari's Direct Attack On PM," Tweets Congress Over New Remarks

”நிதின் கட்காரி பிரதமர் மோடியை நேரடியாக விமர்சித்துள்ளார்” காங்கிரஸ் டுவிட்டால் பரபரப்பு

”நிதின் கட்காரி பிரதமர் மோடியை நேரடியாக விமர்சித்துள்ளார்”  காங்கிரஸ் டுவிட்டால் பரபரப்பு
நிதின் கட்காரி பிரதமர் மோடியை நேரடியாக விமர்சித்துள்ளார் என்று மத்திய பிரதேச காங்கிரஸ் டுவிட்டரில் தெரிவித்துள்ளது.
புதுடெல்லி,

மராட்டிய  மாநிலம் புனேவில் நேற்று  பிம்ப்ரி சின்ச்வாட் என்ற இடத்தில் பொதுக்கூட்டம் ஒன்றில் பேசிய மத்திய அமைச்சர் நிதின் கட்கரி, "எங்களுக்கு சாதியின் மீது நம்பிக்கை இல்லை. உங்கள் ஊரில் எத்தனை சாதிகள் இருக்கின்றன என்று எனக்குத் தெரியாது. ஏனெனில் என்னிடம் சாதி பற்றி பேசுபவர்கள் தூக்கி எறியப்படுவார்கள் என்று நான் சொல்லியிருக்கிறேன்.

சாதியின் அடிப்படையில் பாகுபாடு இருக்கக்கூடாது. இந்த சமூகத்தை சாதி, மதவாதமற்ற சமூகமாக உருவாக்க வேண்டும். ஏழை பணக்காரர் என்ற பாகுபாடும், உயர் சாதி தாழ்ந்த சாதி என்ற பிரிவினைவாதமும் சமூகத்தில் இருக்கக்கூடாது. ஏழைகளுக்கு தாராளமாக உதவுங்கள். ஏழைகளுக்கு உணவு, உடை, உறைவிடம் தர வேண்டும். ஏழைகளுக்கு உதவுவது இறைவனுக்கு சேவை செய்வதற்குச் சமம்" எனப் பேசினார்.

நிதின் கட்காரியின் இந்த பேச்சை மேற்கோள் காட்டியுள்ள மத்திய பிரதேச காங்கிரஸ், நிதின் கட்காரி பிரதமர் மோடி மற்றும் அவரது கட்சியைத்தான் விமர்சித்துள்ளார் என்று தெரிவித்துள்ளார். இது குறித்து மத்திய பிரதேச காங்கிரஸ் தனது டுவிட்டரில் கூறியிருப்பதாவது, ”நிதின் கட்காரி மீண்டும் மோடியையும்,  பாஜகவையும் நேரடியாக விமர்சித்துள்ளார். பாஜக பின்பற்றும்  சாதி அரசியலுக்கு எதிராக கட்காரி பேசியுள்ளார். ஹனுமன் பெயரை பயன்படுத்தி சமீபத்தில் ஓட்டு கேட்டவர்களை எப்போது தாக்க போகிறீர்கள்?” இவ்வாறு தெரிவிக்கப்பட்டுள்ளது. 
 
சமீபத்தில், கடவுள் ஹனுமன் தலித் சமூகத்தைச்சேர்ந்தவர் எனவும்  மனுவாதிகளுக்கு அடிமையாக இருந்தார் எனவும் பாஜக எம்.பி சாவித்ரி பாய் புலே கூறியிருந்தது கடும் சர்ச்சையை கிளப்பியிருந்தது. இவரை தவிர பாஜகவின் உள்ளூர் தலைவர்கள் பலரும் இதே போன்ற கருத்தை கூறியதை வைத்து காங்கிரஸ் மேற்கண்டவாறு கேள்வி எழுப்பியுள்ளது. 


தொடர்புடைய செய்திகள்

1. 2022 உ.பி. தேர்தலுக்காக அடிமட்ட அளவில் பணியாற்ற பிரியங்கா காந்தி திட்டம்
உத்தரபிரதேச மாநிலத்தில் காங்கிரஸ் கட்சியை பலப்படுத்தும் முயற்சியில் பிரியங்கா காந்தி புதிய திட்டத்தை தீட்டியுள்ளார்.
2. முஸ்லிம்களுக்கு 5 சதவீத இடஒதுக்கீடு : காங்கிரஸ் வலியுறுத்தல்
முஸ்லிம்களுக்கு 5 சதவீத இடஒதுக்கீடு வழங்கக்கோரி காங்கிரஸ் கட்சி வலியுறுத்தி உள்ளது.
3. உ.பி. தேர்தலில் பிரியங்காவை முதல்வர் வேட்பாளராக்க வேண்டும் காங்கிரஸ் தொண்டர்கள் கோரிக்கை
2022–ம் ஆண்டு நடக்கும் உத்தரபிரதேச சட்டசபை தேர்தலில் பிரியங்காவை முதல்வர் வேட்பாளராக அறிவிக்க வேண்டும் என்று காங்கிரஸ் தொண்டர்கள் கோரிக்கை விடுத்துள்ளனர்.
4. ஹைட்ரோ கார்பன் திட்டத்திற்கு எதிர்ப்பு: 12–ந் தேதி மனித சங்கிலி போராட்டம், காங்கிரஸ், தி.மு.க. கூட்டணி கட்சிகள் கூட்டத்தில் முடிவு
ஹைட்ரோ கார்பன் திட்டத்திற்கு எதிர்ப்பு தெரிவித்து புதுவையில் வருகிற 12–ந் தேதி மனித சங்கிலி போராட்டம் நடத்தப்படும் என்று காங்கிரஸ், தி.மு.க. கூட்டணி கட்சிகள் கூட்டத்தில் முடிவு செய்யப்பட்டது.
5. காங்கிரஸ் கட்சி அலுவலகத்திற்கு புதிய கட்டிடம்; ப.சிதம்பரம் திறந்து வைத்தார்
காரைக்குடியில் நகர காங்கிரஸ் கட்சி அலுவலகத்திற்கு புதிய கட்டிடத்தை முன்னாள் மத்திய மந்திரி ப.சிதம்பரம் திறந்து வைத்தார்.