தேசிய செய்திகள்

டுவிட்டரில் பிரியங்கா காந்தி - 1 லட்சம் பேர் பின் தொடர்கிறார்கள் + "||" + Priyanka Gandhi in Twitter - 1 lakh followers

டுவிட்டரில் பிரியங்கா காந்தி - 1 லட்சம் பேர் பின் தொடர்கிறார்கள்

டுவிட்டரில் பிரியங்கா காந்தி - 1 லட்சம் பேர் பின் தொடர்கிறார்கள்
டுவிட்டரில் இணைந்துள்ள பிரியங்கா காந்தியை, 1 லட்சம் பேருக்கு மேல் பின் தொடர்கிறார்கள்.
புதுடெல்லி, 

காங்கிரஸ் பொது செயலாளராக பொறுப்பேற்ற பிரியங்கா காந்தி இன்று முதன் முறையாக டுவிட்டர் இணையதளத்தில் இணைந்தார். பிரியங்கா காந்தி டுவிட்டரில் இணைந்த 10 மணி நேரத்தில் 1 லட்சத்துக்கும் அதிகமானோர் அவரை பின் தொடர்கின்றனர்.

கடந்த ஜனவரி 23-ம் தேதி காங்கிரஸ் கட்சியின் பொதுச்செயலாளராகவும், கிழக்கு உத்தர பிரதேசத்தின் பொறுப்பாளராகவும் பிரியங்கா காந்தி நியமிக்கப்பட்டார். தீவிர அரசியலில் இறங்கியுள்ள பிரியங்கா காந்தி, இன்று "மிஷன் உத்தர பிரதேசம்"  பிரசாரம் மூலம் நான்கு நாட்கள் உத்தர பிரதேச மாநிலத்தின் கிழக்கு பகுதியில் முகாமிட்டு அங்குள்ள முக்கிய தலைவர்களையும், மக்களையும் சந்தித்து வருகிறார். 

இந்நிலையில் சமூக வலைத்தளத்தில் ஒன்றான டுவிட்டரில் இன்று இணைந்தார். கடந்த 10 மணி நேரத்தில் மட்டும் பிரியங்கா காந்தியை பின்தொடர்வோர்களின் எண்ணிக்கை ஒரு லட்சத்தை தாண்டி உள்ளது. மேலும் அவரை பின்தொடர்வோரின் எண்ணிக்கை அதிகரித்து வருகிறது.

இது குறித்து காங்கிரஸ் கட்சியின் மூத்த தலைவர் சசி தரூர் கூறுகையில், “தமிழக சூப்பர் ஸ்டார் ரஜினிகாந்த் டுவிட்டரில் இணைந்த 24 மணி நேரத்தில் 2 லட்சத்துக்கும் மேற்பட்டோர் அவரை பின் தொடர்ந்தனர். தற்போது அந்த வகையில் பிரியங்கா காந்தியும் சாதனை படைத்து உள்ளார். பிரியங்கா காந்தி தற்போது புதிய சூப்பர் ஸ்டாராக உருவெடுத்து வருகிறார்” என்று புகழாரம் சூட்டினார்.


தொடர்புடைய செய்திகள்

1. தேர்தலை எப்படி எதிர்கொள்ள வேண்டும்: கட்சியினரிடம் 16 மணி நேரம் கருத்துக்களை கேட்ட பிரியங்கா காந்தி
தேர்தலை எப்படி எதிர்கொள்ள வேண்டும் என்று காங்கிரஸ் கட்சியினரிடம் விடிய விடிய கருத்துக்களை பிரியங்கா காந்தி கேட்டார்.
2. டெல்லியில் ஜீன்ஸ், கிராமங்களில் சேலை அணிகிறார் பிரியங்கா; பா.ஜ.க. எம்.பி. பேச்சுக்கு கண்டனம்
பிரியங்கா காந்தி டெல்லியில் ஜீன்சும், கிராம பகுதிகளில் சேலையும் அணிகிறார் என்ற பாரதீய ஜனதா எம்.பி.யின் சர்ச்சை பேச்சுக்கு கண்டனம் எழுந்துள்ளது.
3. சமூக வலைத்தளத்தில் ஒன்றான டுவிட்டரில் இணைந்த பிரியங்கா காந்தி
சமூக வலைத்தளத்தில் ஒன்றான டுவிட்டரில் இணைந்த ஒரு சில மணிநேரத்தில் பிரியங்கா காந்தியை 64 ஆயிரத்து 200 பேர் பின்தொடர்ந்து உள்ளனர்.
4. ராகுல் காந்தி ராவணன், பிரியங்கா- சூர்ப்பணகை - பாஜக எம்.எல்.ஏ விமர்சனம்
ராகுலை ராவணணுடனும், பிரியங்காவை சூர்ப்பணகையுடனும் ஒப்பிட்டு உத்தரபிரதேச பாஜக எம்.எல்.ஏ கடுமையாக விமர்சனம் செய்து உள்ளார்.
5. டுவிட்டர், போன் முடக்கம்: நடிகை ஹன்சிகா விளக்கம்
டுவிட்டர், போன் முடக்கம்: நடிகை ஹன்சிகா விளக்கம்

ஆசிரியரின் தேர்வுகள்...