தேசிய செய்திகள்

ராகுல் காந்தி, பிரியங்காவுக்கும் நில பேர ஊழலில் தொடர்பு - மத்திய மந்திரி அதிரடி குற்றச்சாட்டு + "||" + Rahul Gandhi and Priyanka were involved in the land scam - the federal minister action allegation

ராகுல் காந்தி, பிரியங்காவுக்கும் நில பேர ஊழலில் தொடர்பு - மத்திய மந்திரி அதிரடி குற்றச்சாட்டு

ராகுல் காந்தி, பிரியங்காவுக்கும் நில பேர ஊழலில் தொடர்பு - மத்திய மந்திரி அதிரடி குற்றச்சாட்டு
ராகுல் காந்தி, பிரியங்கா ஆகியோருக்கும் நில பேர ஊழலில் தொடர்பு இருப்பதாக மத்திய மந்திரி ஸ்மிரிதி இரானி குற்றம் சாட்டினார்.
புதுடெல்லி,

மத்திய மந்திரியும், பா.ஜனதா மூத்த தலைவருமான ஸ்மிரிதி இரானி டெல்லியில் நேற்று நிருபர்களுக்கு பேட்டி அளித்தார். அப்போது அவர் கூறியதாவது:-

பிரியங்காவின் கணவர் ராபர்ட் வதேரா தொடர்புடைய நில பேர ஊழலில் ராகுல் காந்தி, பிரியங்கா ஆகியோரும் சம்பந்தப்பட்டு இருப்பதாக பத்திரிகை செய்தி ஒன்று வெளியாகி உள்ளது.


அமலாக்கத்துறை சோதனைக்கு உள்ளான எச்.எல்.பாவா, ராபர்ட் வதேராவுடன் தொடர்புடைய மகேஷ் குமார் ஆகியோர் சம்பந்தப்பட்ட ஒரு பேரத்தில் ராகுல் காந்தியும், பிரியங்காவும் நிலம் வாங்கி உள்ளனர்.

சர்ச்சைக்குரிய ஆயுத வர்த்தகர் சஞ்சய் பண்டாரியின் நண்பரான சி.சி.தம்பி என்பவர்தான் எச்.எல்.பாவாவுக்கு பணம் கொடுத்துள்ளார். நில பேரத்தில், எச்.எல்.பாவாக்கும், தனக்கும் உள்ள தொடர்பை ராகுல் காந்தி நாட்டு மக்களுக்கு தெரிவிக்க வேண்டும்.

இந்த நில பேர ஊழலில், ராபர்ட் வதேரா, வெறும் முகமூடி மட்டும்தான். ராகுல் காந்திதான் உண்மையான முகம். இது ஒரு குடும்ப ஊழல். ஊழலையே இவர்கள் ஸ்தாபனமயமாக்கி விட்டனர்.

ரபேல் ஒப்பந்தத்தை ராகுல் காந்தி எதிர்ப்பதற்கு கூட அவரது பொருளாதார நலன் மற்றும் குடும்பநலன்தான் காரணம். ஏனென்றால், ஒரு போட்டி கம்பெனி, ஒப்பந்தம் பெறுவதையே ராகுல் காந்தி விரும்பினார். இவ்வாறு ஸ்மிரிதி இரானி கூறினார்.

இதற்கிடையே, இந்த குற்றச்சாட்டை காங்கிரஸ் கட்சி மறுத்துள்ளது. இதுகுறித்து அக்கட்சியின் செய்தித்தொடர்பாளர் ரந்தீப் சுர்ஜேவாலா கூறுகையில், “நாடாளுமன்ற தேர்தலில் தோல்வி உறுதி என்பதால், பிரதமர் மோடியும், அவருடைய ஆதரவாளர்களும் முற்றிலும் அடிப்படையற்ற, பொய்யான குற்றச்சாட்டுகளை தெரிவித்து வருகிறார்கள்” என்றார்.


தொடர்புடைய செய்திகள்

1. கலபுரகியில் காங்கிரஸ் தேர்தல் பிரசார பொதுக்கூட்டம் : மோடி மீது ராகுல் காந்தி கடும் தாக்கு
கலபுரகியில் காங்கிரஸ் கட்சி சார்பில் தேர்தல் பிரசார பொதுக்கூட்டம் நேற்று நடைபெற்றது. கூட்டத்தில் ராகுல் காந்தி கலந்து கொண்டு பேசினார். அப்போது “திருடி பிடிபட்டதும் எல்லோரையும் காவலாளி ஆக்கிவிட்டார்” என்று பிரதமர் மோடியை கடுமையாக தாக்கி பேசினார்.
2. சீன அதிபரை கண்டு மோடி அச்சப்படுகிறார் : ராகுல் காந்தி கடும் தாக்கு
பலவீனமான மோடி சீன அதிபர் ஜி ஜின்பிங்கை கண்டு அச்சப்படுவதாக ராகுல் காந்தி கடுமையாக விமர்சித்துள்ளார்.
3. மு.க. ஸ்டாலின் விரைவில் தமிழக முதல்வர் ஆவார் - ராகுல் காந்தி பேச்சு
மு.க. ஸ்டாலின் விரைவில் தமிழக முதல்வர் ஆவார் என காங்கிரஸ் தலைவர் ராகுல் காந்தி கூறியுள்ளார்.
4. காங்கிரசில் இணைந்த ஹர்திக் பட்டேல் நாடாளுமன்ற தேர்தலில் போட்டியிடுகிறார்?
காங்கிரசில் இணைந்த ஹர்திக் பட்டேல் நாடாளுமன்ற தேர்தலில் போட்டியிடுகிறார் என தெரிகிறது.
5. ஆம் ஆத்மியுடன் கூட்டணி கிடையாது, 7 தொகுதிகளிலும் வெற்றிப்பெற வேண்டும் - ராகுல் காந்தி
டெல்லியில் ஆம் ஆத்மியுடன் கூட்டணி கிடையாது என காங்கிரஸ் தலைவர் ராகுல் காந்தி தெரிவித்துள்ளார்.