மாநில செய்திகள்

பொள்ளாச்சி சம்பவம்: கல்லூரி மாணவர்கள் மறியல்: போராட்டத்தை தடுக்க சில கல்லூரிகளுக்கு விடுமுறை + "||" + Pollachi incident College students Pickets

பொள்ளாச்சி சம்பவம்: கல்லூரி மாணவர்கள் மறியல்: போராட்டத்தை தடுக்க சில கல்லூரிகளுக்கு விடுமுறை

பொள்ளாச்சி சம்பவம்: கல்லூரி மாணவர்கள் மறியல்: போராட்டத்தை தடுக்க சில கல்லூரிகளுக்கு விடுமுறை
பொள்ளாச்சி பாலியல் வழக்கில் குற்றவாளிகள் மீது நடவடிக்கை எடுக்கக் கோரி பழனி - உடுமலை சாலையில் 500க்கும் மேற்பட்ட கல்லூரி மாணவர்கள் மறியல் போராட்டத்தில் ஈடுபட்டனர்.
சென்னை,

பொள்ளாச்சியில் மாணவிகள், இளம்பெண்களை ஏமாற்றி காதல் வலையில் வீழ்த்தி, சீரழித்த வழக்கில் பொள்ளாச்சி மாக்கினாம்பட்டியை சேர்ந்த நிதி நிறுவன அதிபர் திருநாவுக்கரசு (வயது 27), அவருடைய நண்பர்கள் என்ஜினீயர் சபரிராஜன் (27), சதீஷ் (27) மற்றும் வசந்தகுமார் (27) ஆகிய 4 பேரை போலீசார் கைது செய்தனர். இந்த வழக்கு சி.பி.சி.ஐ.டி. பிரிவுக்கு மாற்றப்பட்டது. 

இதையடுத்து சி.பி.சி.ஐ.டி. போலீஸ் சூப்பிரண்டு நிஷா பார்த்திபன் தலைமையில், போலீசார் இந்த வழக்கில் விசாரணை நடத்திய போலீசாரிடம் வழக்கு குறித்து விசாரித்து வருகின்றனர்.

இதனிடையே இவ்விவகாரத்தில் குற்றவாளிகள் மீது விரைந்து நடவடிக்கை எடுக்க வேண்டும் என கடந்த இரண்டு நாட்களாக மாணவர்கள் போராட்டத்தில் இறங்கியுள்ளனர்.

இந்நிலையில்,பொள்ளாச்சி பாலியல் வழக்கில் குற்றவாளிகள் மீது நடவடிக்கை எடுக்கக் கோரி பழனி - உடுமலை சாலையில் 500க்கும் மேற்பட்ட கல்லூரி மாணவர்கள் மறியல் போராட்டத்தில் ஈடுபட்டனர். அதேபோல் தஞ்சையிலும் கல்லூரி மாணவர்கள் வகுப்புகளை புறக்கணித்து விட்டு பொள்ளாச்சி சம்பவத்தை கண்டித்து குற்றச்செயலில் ஈடுபட்டவர்களுக்கு கடும் தண்டனை விதிக்ககோரியும் தஞ்சையில் கல்லூரி மாணவிகள் ஏராளமானோர் ஆர்ப்பாட்டம் நடத்தினர். 

இந்த விவகாரத்தில் போராட்டத்தை தடுக்க பொள்ளாச்சியில் சில தனியார் கல்லூரிகளுக்கு இன்று விடுமுறை அளிக்கப்பட்டுள்ளது. உடுமலை சாலை, பாலக்காடு சாலையில் உள்ள தனியார் கல்லூரிகளுக்கு இன்று விடுமுறை அளிக்கப்பட்டுள்ளது. இதுதவிர பொள்ளாச்சியில் புகாரளித்த மாணவியின் வீடு இருக்கும் பகுதி, பஸ் நிலையம் உள்ளிட்ட இடங்களில் பலத்த போலீஸ் பாதுகாப்பு போடப்பட்டுள்ளது. நகரின் முக்கிய பகுதிகளில் 350 க்கும் மேற்பட்ட போலீசார் பாதுகாப்பு பணியில் ஈடுபடுத்தப்பட்டுள்ளனர்.

தொடர்புடைய செய்திகள்

1. பொள்ளாச்சி சம்பவம்: குற்றவாளிகளுக்கு உரிய தண்டனையை வாங்கி தருவோம் அமைச்சர் ராஜேந்திரபாலாஜி பேட்டி
பொள்ளாச்சி சம்பவத்தில் குற்றவாளிகளுக்கு உரிய தண்டனையை வாங்கி தருவோம் என்று அமைச்சர் ராஜேந்திரபாலாஜி கூறினார்.
2. பொள்ளாச்சி சம்பவத்தைப்போல் செல்போனில் ஆபாச படம் எடுத்து இளம்பெண்ணை மிரட்டிய வாலிபர்
பொள்ளாச்சி பாலியல் சம்பவத்தை தொடர்ந்து நாகை மாவட்டத்திலும் இளம்பெண்ணை மயக்கி ஆபாச படமெடுத்து பாலியல் துன்புறுத்தலுக்கு ஆளாக்கிய வாலிபர் கைது செய்யப்பட்டார்.
3. பொள்ளாச்சி சம்பவம்: திருநாவுக்கரசை 4 நாட்கள் காவலில் எடுத்து விசாரிக்க அனுமதி
பொள்ளாச்சி பாலியல் சம்பவத்தில் தொடர்புடைய திருநாவுக்கரசை 4 நாட்கள் காவலில் எடுத்து விசாரிக்க கோர்ட்டு அனுமதி அளித்தது.
4. பொள்ளாச்சி சம்பவத்தில் குற்றவாளிகள் மீது கடும் நடவடிக்கை எடுக்க கோரி 2 பள்ளி மாணவிகள் மனு
பொள்ளாச்சி சம்பவத்தில் குற்றவாளிகள் மீது கடும் நடவடிக்கை எடுக்க கோரி கோட்டாட்சியரிடம் 2 பள்ளி மாணவிகள் மனு அளித்தனர்.
5. பொள்ளாச்சி பாலியல் கொடூரம்: தாமாக முன்வந்து விசாரிக்க சென்னை ஐகோர்ட் மறுப்பு
பொள்ளாச்சி பாலியல் வன்கொடுமை தொடர்பாக, தாமாக முன்வந்து வழக்கை விசாரணைக்கு எடுக்க வேண்டும் என்ற கோரிக்கையை சென்னை ஐகோர்ட் நிராகரித்தது.