தேசிய செய்திகள்

தேர்தல் பிரசாரத்தில் பா.ஜனதாவினருடன் மோதல்: காங்கிரஸ் வேட்பாளர் நடிகை ஊர்மிளா போலீஸ் பாதுகாப்பு கேட்டார் + "||" + Confrontation with BJP in Election Campaign: Congress candidate actress Urmila asked for police protection

தேர்தல் பிரசாரத்தில் பா.ஜனதாவினருடன் மோதல்: காங்கிரஸ் வேட்பாளர் நடிகை ஊர்மிளா போலீஸ் பாதுகாப்பு கேட்டார்

தேர்தல் பிரசாரத்தில் பா.ஜனதாவினருடன் மோதல்: காங்கிரஸ் வேட்பாளர் நடிகை ஊர்மிளா போலீஸ் பாதுகாப்பு கேட்டார்
தேர்தல் பிரசாரத்தில் பா.ஜனதாவினருடன் ஏற்பட்ட மோதல் காரணமாக, காங்கிரஸ் வேட்பாளர் நடிகை ஊர்மிளா போலீஸ் பாதுகாப்பு கேட்டார்.
மும்பை,

நடிகை ஊர்மிளா மடோங்கர் பிரசாரத்தில் காங்கிரஸ்-பா.ஜனதா கட்சி தொண்டர்கள் மோதி கொண்டதால் பரபரப்பு ஏற்பட்டது. இது தொடர்பாக போலீசில் புகார் அளித்த ஊர்மிளா மடோங்கர் தனக்கு பாதுகாப்பு அளிக்குமாறு கோரினார்.


நாடாளுமன்ற தேர்தலில் வட மும்பை தொகுதியில் காங்கிரஸ் வேட்பாளராக இந்தி நடிகை ஊர்மிளா மடோங்கர் போட்டியிடுகிறார். இவர் தனது கட்சி தொண்டர்களுடன் நேற்று போரிவிலி பகுதியில் பிரசாரத்தில் ஈடுபட்டார். அவர் போரிவிலி ரெயில் நிலையம் அருகே வந்தபோது அங்கு பிரசாரத்துக்காக திரண்டு இருந்த பா.ஜனதா தொண்டர்கள் ‘மோடி, மோடி’ என கோஷம் போட்டனர்.

இதனால் நடிகை ஊர்மிளா மடோங்கர் பிரசார கூட்டத்தில் கலந்துகொண்ட காங்கிரஸ் தொண்டர்கள், பா.ஜனதாவினருக்கு பதிலடி கொடுக்கும் வகையில் சவுக்கிதார் சோர்(காவலாளி திருடன்) என கோஷம் போட்டனர்.

உடனே ஆத்திரம் அடைந்த பா.ஜனதா தொண்டர்கள் சிலர், காங்கிரசாருடன் வாக்குவாதத்தில் ஈடுபட்டனர். அப்போது இரு தரப்பினர் இடையே மோதல் ஏற்பட்டது. அவர்கள் கைகலப்பில் ஈடுபட்டுக்கொண்டனர். அங்கு பாதுகாப்பு பணியில் ஈடுபட்டிருந்த போலீசார் இரு தரப்பினரையும் சமரசப்படுத்தி, அங்கிருந்து கலைந்து போகச் செய்தனர்.

இந்த பரபரப்பு சம்பவத்தை தொடர்ந்து ஊர்மிளா மடோங்கர், போரிவிலி போலீஸ் நிலையத்தில் புகார் அளித்தார். அதில், பா.ஜனதாவை சேர்ந்தவர்கள் தங்களது பிரசார ஊர்வலத்தில் புகுந்து ரகளை செய்ததாகவும், இது அப்பட்டமான தேர்தல் நடத்தை விதிமுறை மீறல் என்றும் தெரிவித்தார். மேலும் தனது உயிருக்கு ஆபத்து ஏற்பட்டு இருப்பதால் தனக்கு போலீஸ் பாதுகாப்பு அளிக்க வேண்டும் என்றும் வலியுறுத்தினார்.


தொடர்புடைய செய்திகள்

1. இறுதி ஊர்வலத்தில் பட்டாசு வெடித்ததில் தகராறு இருதரப்பினரிடையே மோதல்; 9 பேர் படுகாயம்
இலுப்பூர் அருகே இறுதி ஊர்வலத்தில் பட்டாசு வெடித்த தகராறில் இருதரப்பினர் இடையே ஏற்பட்ட மோதலில் 9 பேர் படுகாயமடைந்தனர். 12 பேர் மீது வழக்குப்பதிவு செய்து போலீசார் விசாரணை நடத்தி வருகின்றனர்.
2. கர்நாடக மாநில பா.ஜனதாவின் புதிய தலைவராக நளின் குமார் காடீல் நியமனம்
கர்நாடக மாநிலத்தின் பா.ஜனதா கட்சியின் புதிய தலைவராக நளின் குமார் காடீல் நியமனம் செய்யப்பட்டுள்ளார்.
3. லடாக் பகுதியை பழங்குடியினர் பிரதேசமாக அறிவிக்க வேண்டும் பா.ஜனதா எம்.பி. கோரிக்கை
லடாக் பகுதியை பழங்குடியினர் பிரதேசமாக அறிவிக்க வேண்டும் என லடாக் தொகுதி பா.ஜனதா எம்.பி. ஜம்யாங் செரிங் நம்கியால் கோரிக்கை விடுத்துள்ளார்.
4. திருவள்ளூர் அருகே தனியார் நிறுவனத்துக்கு டீ வினியோகம் செய்வதில் மோதல்; வாலிபருக்கு வெட்டு, சகோதரர்கள் கைது
திருவள்ளூர் அருகே தனியார் நிறுவனத்துக்கு டீ வினியோகம் செய்வதில் ஏற்பட்ட மோதல் தொடர்பாக வாலிபருக்கு கத்தியால் வெட்டு விழுந்தது. இது தொடர்பாக சகோதரர்கள் கைது செய்யப்பட்டனர்.
5. மாமல்லபுரம் அருகே பஸ்- கார் மோதல்; சென்னையை சேர்ந்த 2 பேர் பலி
மாமல்லபுரம் அருகே பஸ்-கார் மோதிய விபத்தில் சென்னையை சேர்ந்த 2 பேர் பலியானார்கள்.