உலக செய்திகள்

பாகிஸ்தானில் கனமழை மற்றும் புழுதி புயல்; 23 பேர் பலி + "||" + 23 killed as thunderstorms, dust storm lash Pakistan

பாகிஸ்தானில் கனமழை மற்றும் புழுதி புயல்; 23 பேர் பலி

பாகிஸ்தானில் கனமழை மற்றும் புழுதி புயல்; 23 பேர் பலி
பாகிஸ்தானில் கனமழை மற்றும் புழுதி புயலுக்கு 23 பேர் பலியாகி உள்ளனர்.
இஸ்லாமாபாத்,

பாகிஸ்தானில் கடந்த சில நாட்களாக கனமழை பெய்து வருகிறது.  இதனால் பல்வேறு நகரங்களில் பல இடங்களில் வெள்ள பெருக்கு ஏற்பட்டு உள்ளது.  மழையுடன் புழுதி புயலும் வீசி வருகிறது.  இதில் மின் கம்பங்கள் மற்றும் மரங்கள் சாய்ந்தன.  பல இடங்களில் நிலச்சரிவும் ஏற்பட்டு உள்ளன.  இதனால் சாலைகளில் பயணம் செய்வது ஆபத்து நிறைந்த ஒன்றாகி விட்டது.

இந்த சம்பவங்களில் பஞ்சாப் மாகாணத்தில் பல கட்டிடங்கள் இடிந்து விழுந்தன.  இதனால் 2 பெண்கள் உள்பட 9 பேர் கொல்லப்பட்டனர்.  கைபர் பக்துன்குவா மாகாணத்தில் வீட்டின் மேற்கூரை இடிந்து விழுந்ததில் பெண் ஒருவர் உள்பட 3 பேர் பலியாகி உள்ளனர்.

இதேபோன்று பலுசிஸ்தான் மாகாணத்தில் கனமழை மற்றும் வெள்ள பெருக்கினை அடுத்து அதிகாரிகள் அவசரகால நிலையை அறிவித்தனர்.  இங்கு குழந்தை உள்பட 9 பேர் பலியாகி உள்ளனர்.

அந்நாட்டில் ஏற்பட்டுள்ள புழுதி புயலில் சிக்கிய 4 மீனவர்களை காணவில்லை.  20க்கும் மேற்பட்டோர் காயமடைந்து உள்ளனர்.  இதனை தொடர்ந்து அதிகாரிகள் மற்றும் மீட்பு படையினர் இணைந்து தேடுதல் மற்றும் மீட்பு பணியில் ஈடுபட்டு உள்ளனர்.

தொடர்புடைய செய்திகள்

1. காவிரி நீர்ப்பிடிப்பு பகுதிகளில் கனமழை ஒகேனக்கல்லுக்கு நீர்வரத்து அதிகரிப்பு
காவிரி நீர்ப்பிடிப்பு பகுதிகளில் பெய்த கனமழையால் ஒகேனக்கல்லுக்கு நீர்வரத்து அதிகரித்துள்ளது.
2. மேற்கு தொடர்ச்சி மலையில் 4 மணி நேரம் கொட்டித்தீர்த்த கனமழை அணைகளுக்கு நீர்வரத்து ஏற்படுமா? விவசாயிகள் எதிர்பார்ப்பு
மேற்கு தொடர்ச்சி மலையில் 4 மணிநேரம் கனமழை கொட்டித்தீர்த்தது. இதனால் அணைக்கு நீர்வரத்து ஏற்படுமா? என்று விவசாயிகள் எதிர்பார்ப்பில் உள்ளனர்.
3. ஐதராபாத் தேசிய பூங்காவில் மரம் விழுந்து சுற்றுலாவாசி பலி; ரூ.5 லட்சம் இழப்பீடு அறிவிப்பு
ஐதராபாத் நேரு தேசிய பூங்காவில் கனமழையால் மரம் விழுந்து பலியான நபரின் குடும்பத்தினருக்கு அரசு ரூ.5 லட்சம் இழப்பீடு அறிவித்துள்ளது.
4. பெய்ட்டி புயல் கரையை கடந்தது: ஏனாமில் பலத்த காற்றுடன் கனமழை
பெய்ட்டி புயல் கரையை கடந்தபோது ஏனாமில் பலத்த காற்றுடன் கனமழை பெய்தது. இந்த புயல் காரணமாக மரங்கள் வேரோடு சாய்ந்தன.
5. வட தமிழக கடலோர பகுதிகளில் ஓரிரு இடங்களில் கனமழைக்கு வாய்ப்பு: வானிலை மையம்
வட தமிழக கடலோர பகுதிகளில் ஓரிரு இடங்களில் கனமழைக்கு வாய்ப்பு உள்ளது என்று வானிலை ஆய்வு மையம் தெரிவித்துள்ளது.