உலக செய்திகள்

சர்வதேச தீவிரவாதிகள் பட்டியலில் மசூத் அசார் பெயர் விவகாரம் சரியாக தீர்க்கப்பட வேண்டும் -சீனா + "||" + ‘Will be properly resolved’: China on listing Masood Azhar as global terrorist

சர்வதேச தீவிரவாதிகள் பட்டியலில் மசூத் அசார் பெயர் விவகாரம் சரியாக தீர்க்கப்பட வேண்டும் -சீனா

சர்வதேச தீவிரவாதிகள் பட்டியலில் மசூத் அசார் பெயர் விவகாரம் சரியாக தீர்க்கப்பட வேண்டும் -சீனா
சர்வதேச தீவிரவாதிகள் பட்டியலில் மசூத் அசார் பெயர் விவகாரம் சரியாக தீர்க்கப்பட வேண்டும் என சீனா கூறி உள்ளது.
பெய்ஜிங்

இந்திய நாடாளுமன்ற தாக்குதல் தொடங்கி, சமீபத்திய புல்வாமா தாக்குதல் வரை நடத்தி, பெருத்த உயிர்ச்சேதங்களை ஏற்படுத்திய ஜெய்ஷ் இ முகமது பயங்கரவாத அமைப்பின் தலைவன் மசூத் அசாரை சர்வதேச பயங்கரவாதியாக அறிவிக்க இந்தியா ஏற்கனவே எடுத்த முயற்சிகள் தோல்வி கண்டன. சீனா முட்டுக்கட்டை போட்டதே இதற்கு காரணம்.

இந்த நிலையில், புல்வாமா தாக்குதலை தொடர்ந்து, மசூத் அசாரை பயங்கரவாதியாக அறிவிக்க ஐ.நா. சபையின் பாதுகாப்பு கவுன்சிலில் அதன் நிரந்தர உறுப்பு நாடுகளான அமெரிக்கா, இங்கிலாந்து, பிரான்ஸ் ஆகியவை தீர்மானம் கொண்டு வந்தன. அதுவும் சீனாவின் முட்டுக்கட்டையால் கிடப்பில் போடப்பட்டுள்ளது. இந்த நிலையில், மசூத் அசாரை சர்வதேச பயங்கரவாதியாக அறிவிப்பதில் சீனாவை சம்மதிக்க வைக்க முயற்சிகள் நடந்து வருகின்றன. குறிப்பாக இது தொடர்பாக பயன்படுத்தப்படுகிற வாசகங்களில் சில மாற்றங்களை செய்தால், சம்மதிக்கிறோம் என சீனா முன் வந்திருப்பதாக தெரிகிறது. இதுதொடர்பாக சமரச முயற்சிகள் நடந்து வருகின்றன.

இந்த நிலையில்  நேற்று முன்தினம் சீன அதிபர் ஜி ஜின்பிங் பாகிஸ்தான் பிரதமர் இம்ரான் கான் சந்தித்து பேசினர்.

அதற்கு மறுநாள் சீனா ஜெய்ஷ்-இ-முகமது தலைவரான மசூத் அசாரை  ஐ.நா. உலக பயங்கரவாதி என்று குறிப்பிடும் விவகாரம்  "சரியாக தீர்க்கப்பட வேண்டும், ஆனால் அது காலக்கெடுவை வழங்கவில்லை என கூறி உள்ளது.

இது தொடர்பாக சீன வெளியுறவு அமைச்சக செய்தித் தொடர்பாளர் கெங் ஷுவாங் கூறும்போது, நான் உறுதியாக கூறுகிறேன் இது சரியாக தீர்க்கப்படும் என்று நான் நம்புகிறேன். 1267 குழுவில் பட்டியல் சிக்கலைப் பற்றி நாம் எமது நிலைப்பாட்டை பல முறை வெளிப்படுத்தியுள்ளோம்.

 நாம் இரண்டு முக்கிய விவரங்களை வலியுறுத்த வேண்டும். ஒன்று 1267 குழுவுக்குள் உரையாடல் மற்றும் ஆலோசனை மூலம் பட்டியலிடப்பட்டுள்ள பட்டியலை நாங்கள் ஆதரிக்கிறோம், மேலும் இது பெரும்பாலான உறுப்பினர்களின் ஒருமித்த கருத்து என்று நான் நம்புகிறேன்.

 இரண்டாவதாக, சம்பந்தப்பட்ட ஆலோசனைகளும் குழுவில் இடம்பெற்றுள்ளன, மேலும் சில முன்னேற்றங்களை அடைந்துள்ளன. மூன்றாவதாக, அனைத்து கட்சிகளின் கூட்டு முயற்சியுடன், இந்த பிரச்சினை சரியாக தீர்க்கப்பட முடியும் என கூறினார்.

தொடர்புடைய செய்திகள்

1. சீனாவில் நிலநடுக்கம்- ரிக்டர் அளவில் 5.2 ஆக பதிவு
சீனாவில் நேற்று இரவு சக்தி வாய்ந்த நிலநடுக்கம் ஏற்பட்டது.
2. சீனாவில் பாலம் இடிந்து விழுந்து 3 பேர் பலி
சீனாவில் நெடுஞ்சாலையில் உள்ள பாலம் இடிந்து வாகனங்கள் மீது விழுந்ததில் இடிபாடுகளில் சிக்கி 3 பேர் உயிரிழந்தனர்.
3. பீஜிங்கில் இருந்து சென்னைக்கு புறப்பட்டார் சீன அதிபர் ஜி ஜின்பிங்
மாமல்லபுரத்தில் நடைபெற உள்ள அதிகாரபூர்வமற்ற 2 நாட்கள் சந்திப்புக்காக பீஜிங் நகரில் இருந்து சீன அதிபர் ஜி ஜின்பிங் தனி விமானத்தில் இன்று காலை புறப்பட்டார்.
4. பாகிஸ்தானில் ராணுவத்தின் கை ஓங்குகிறது? தலையாட்டி பொம்மையாகும் இம்ரான்கான்
பாகிஸ்தான் பிரதமர் இம்ரான்கானுடன் சீனாவுக்கு சென்ற ராணுவத் தலைமைத் தளபதி கமர் ஜாவேத் பாஜ்வா, ராணுவத்தின் அதிகார மையத்தை உறுதி செய்துள்ளார்.
5. சீனாவில் அன்ஹூய் மாகாணத்தில் உள்ள மருத்துவமனையில் தீ விபத்து - 5 பேர் உயிரிழப்பு
சீனாவின் அன்ஹூய் மாகாணத்தில் போஸ்கவ் நகரில் உள்ள ஒரு மருத்துவமனையில் ஏற்பட்ட தீ விபத்தில் சிக்கி 5 பேர் உடல் கருகி உயிர் இழந்தனர்.