தேசிய செய்திகள்

ஓட்டு எண்ணிக்கைக்கு பிறகு அடுத்தகட்ட முடிவு எடுக்க மாயாவதி திட்டம் + "||" + Exit Poll 2019 is gossip Opposition should stay strong Mamata Banerjee

ஓட்டு எண்ணிக்கைக்கு பிறகு அடுத்தகட்ட முடிவு எடுக்க மாயாவதி திட்டம்

ஓட்டு எண்ணிக்கைக்கு பிறகு அடுத்தகட்ட முடிவு எடுக்க மாயாவதி திட்டம்
ஓட்டு எண்ணிக்கைக்கு பிறகு அடுத்தகட்ட முடிவு எடுக்க மாயாவதி திட்டமிட்டுள்ளார்.


நாடாளுமன்றத் தேர்தல் முடிந்தநிலையில், தேர்தலுக்கு பிந்தைய கருத்து கணிப்பு முடிவுகள் வெளியாகி உள்ளன.

பெரும்பாலான கருத்து கணிப்பு முடிவுகள் பா.ஜனதா கூட்டணி 300க்கும் அதிகமான தொகுதிகளில் வெல்லும் என தெரிவித்துள்ளன.  உத்தரபிரதேசத்தில் சமாஜ்வாடி-பகுஜன் சமாஜ் கூட்டணிக்கு அதிக தொகுதிகள் கிடைக்கும் என்று கூறியுள்ளன. அதே சமயத்தில், பா.ஜனதாவும் 30 தொகுதிகளை தாண்டி வெற்றிப்பெரும் என தெரிவிக்கப்பட்டுள்ளது. தேசிய அளவில் பா.ஜனதா கூட்டணி பெரும்பான்மை பெறும் என்றும் கூறப்பட்டுள்ளது.

மேற்கு வங்காளத்திலும் பா.ஜனதா கால் பதிக்கும் என தெரிவிக்கப்பட்டுள்ளது. கடந்த தேர்தலில் 2 தொகுதிகளில் வென்ற பா.ஜனதா இம்முறை 10-க்கும் அதிகமான தொகுதிகளில் வெல்லும் என கருத்துக்கணிப்புகளில் தெரிவிக்கப்பட்டுள்ளது. இந்நிலையில், தேர்தலுக்கு முந்தைய கருத்துக்கணிப்புகள் வீண் வதந்தி, யாரும் நம்ப வேண்டாம்; எதிர்க்கட்சிகள்  உறுதியாக இருக்க வேண்டும் என மேற்கு வங்காள முதல்வர் மம்தா பானர்ஜி மக்களுக்கு வேண்டுகோள் விடுத்து உள்ளார். 

80 தொகுதிகளை கொண்ட உத்தரபிரதேச மாநிலம் மத்தியில் ஆட்சியமைக்கும் கட்சியை தீர்மானம் செய்வதில் முக்கியப் பங்காற்றுகிறது. இங்கு பா.ஜனதாவை வீழ்த்த சமாஜ்வாடி - பகுஜன் சமாஜ் கூட்டணியை அமைத்தது. ஆனால் காங்கிரசை கழற்றிவிட்டது. மறுபுறம் காங்கிரஸ் பிரியங்கா காந்தியை களத்தில் இறக்கியது. இதனால் எதிர்க்கட்சிகளின் வாக்கு பிரியும் என்றே பார்க்கப்பட்டது. 

இப்போது தேர்தலுக்கு பின்னர் வெளியாகிய கருத்துக்கணிப்புகளில் பா.ஜனதா கூட்டணி 40 தொகுதிகள் வரையில் வெற்றிப்பெறலாம் என தெரிவிக்கப்படுகிறது. சமாஜ்வாடி, பகுஜன் சமாஜ் கூட்டணிக்கு எதிர்பார்த்த அளவு தொகுதி கிடைக்குமா? என்ற கேள்வி அதிகரிக்க தொடங்கியுள்ளது. இந்த கூட்டணி சோனியா காந்தி, ராகுல் காந்தி போட்டியிடும் தொகுதிகளை தவிர்த்து 78 தொகுதிகளில் வேட்பாளர்களை நிறுத்தியிருந்தது.

தேர்தலுக்கு பிந்தைய கருத்துக்கணிப்புக்கள் பா.ஜனதா கூட்டணி 300க்கும் அதிகமான தொகுதிகளில் வெற்றிப்பெறும் என தெரிவித்துள்ளது. இந்நிலையில் கருத்துக்கணிப்பு தொடர்பாக ஆலோசிக்க அகிலேஷ் யாதவை மாயாவதி சந்தித்து பேசியுள்ளார். இருவருக்கும் இடையே நீண்ட நேரம் ஆலோசனை நடைபெற்றுள்ளது. என்ன பேசப்பட்டது என்பது தொடர்பாக தகவல்கள் வெளியாகவில்லை. 

இருவரையும் ஏற்கனவே சந்திரபாபு நாயுடு சந்தித்து பேசியிருந்தார் என்பது குறிப்பிடத்தக்கது. இந்நிலையில் ஓட்டு எண்ணிக்கைக்கு பிறகு அடுத்தகட்ட முடிவு எடுக்க மாயாவதி திட்டமிட்டுள்ளார் என தகவல் வெளியாகியுள்ளது.  

இறுதி முடிவுகள் வெளியான பிறகுதான் மாயாவதி அடுத்தகட்ட நடவடிக்கையை முடிவு செய்வார். அதுவரை லக்னோவிலேயே அவர் தங்கி இருப்பார். எங்கள் கட்சியின் மூத்த தலைவர்களையும் அவரவர் மாவட்டத்திலேயே தங்கி இருந்து ஓட்டு எண்ணிக்கையை கண்காணித்து வருமாறு கூறியுள்ளோம். தேர்தல் முடிவுகள் வெளியான பிறகு லக்னோவுக்கு வருமாறு தெரிவித்துள்ளோம். உத்தரபிரதேசத்தில் எங்கள் கூட்டணிக்கு 60 தொகுதிகள் கிடைக்கும் என்று எதிர்பார்க்கிறோம். எனவே, கருத்து கணிப்பு முடிவை நாங்கள் நம்பவில்லை என அக்கட்சி வட்டார தகவல்கள் வெளியாகியுள்ளது.

தொடர்புடைய செய்திகள்

1. நாட்டில் வகுப்புவாத சக்திகளை காங்கிரஸ் ஆதரிக்கிறது - மாயாவதி குற்றச்சாட்டு
நாட்டில் வகுப்புவாத சக்திகளை காங்கிரஸ் ஆதரிக்கிறது என்று குற்றம் சாட்டி மாயாவதி டுவிட் செய்து உள்ளார்.
2. அரியானாவில் கூட்டணி: காங்கிரசுடன் மாயாவதி ரகசிய பேச்சுவார்த்தை
அரியானாவில் சட்டசபை தேர்தல் கூட்டணி குறித்து காங்கிரசுடன் மாயாவதி ரகசிய பேச்சுவார்த்தை நடத்தி வருகிறார்.
3. பள்ளியில் தலித் மாணவர்களை தனியாக அமரவைத்து மதிய உணவு; மாயாவதி கண்டிப்பு
உ.பி. பள்ளியொன்றில் தலித் மாணவர்களை தனியாக அமரவைத்து மதிய உணவு பரிமாறப்பட்ட விவகாரத்திற்கு மாயாவதி கடும் கண்டனம் தெரிவித்துள்ளார்.
4. ராகுல் காந்தி ஸ்ரீநகர் சென்ற விவகாரம்: மாயாவதி விமர்சனம்
முன் அனுமதியின்றி ராகுல் காந்தி உள்ளிட்ட எதிர்க்கட்சி தலைவர்கள் காஷ்மீர் செல்ல முயன்றது ஏன்? என மாயாவதி கேள்வி எழுப்பியுள்ளார்.
5. பெண் எம்.பி.யிடம் சர்ச்சை பேச்சு அசாம்கான் அனைத்து பெண்களிடமும் மன்னிப்பு கேட்க வேண்டும் - மாயாவதி
பெண் எம்.பி.யிடம் சர்ச்சைக்குரிய விதமாக பேசிய அசாம்கானுக்கு மாயாவதி கண்டனம் தெரிவித்துள்ளார்.

ஆசிரியரின் தேர்வுகள்...