தேசிய செய்திகள்

மகா கூட்டணி ஆதரவிலும் பா.ஜனதாவிற்கு எதிராக ராகுலுக்கு தோல்வி முகம்...! + "||" + Rahul Gandhi Trailing From Amethi

மகா கூட்டணி ஆதரவிலும் பா.ஜனதாவிற்கு எதிராக ராகுலுக்கு தோல்வி முகம்...!

மகா கூட்டணி ஆதரவிலும் பா.ஜனதாவிற்கு எதிராக ராகுலுக்கு தோல்வி முகம்...!
அமேதி தொகுதியில் மகா கூட்டணியின் ஆதரவிலும் பா.ஜனதாவிற்கு எதிராக ராகுல் காந்தி தோல்வி முகம் காணப்படுகிறது.
உத்தரபிரதேசத்தில் காங்கிரஸ் பாரம்பரிய தொகுதியான அமேதியில் ராகுல் காந்தி போட்டியிட்டார். அவரை எதிர்த்து மத்திய அமைச்சர் ஸ்மிருதி இரானி களம் இறக்கப்பட்டார். ஸ்மிருதி இரானி தேர்தல் அறிவிக்கப்படுவதற்கு முன்னதாகவே அமேதியில் தீவிர பிரசாரம் மேற்கொண்டார். இப்போது தேர்தல் முடிவுகள் காங்கிரசுக்கு அதிர்ச்சியளிக்கும் விதமாகவே உள்ளது. காங்கிரஸ் தலைவர் ராகுல் காந்தி பின்னடைவை சந்தித்து வருகிறார். 

இருவருக்கும் இடையே கடுமையான போட்டி இருக்கும் என எதிர்பார்க்கப்பட்டது. அதுபோன்றே இருக்கிறது. காங்கிரசின் பாரம்பரியமான தொகுதியில் ராகுல் காந்தி பின்னடவை சந்தித்து வருகிறார். காங்கிரஸ் தலைவர் ராகுல் காந்தி ஸ்மிருதி இரானியைவிட 25000 வாக்குகள் பின் தங்கியுள்ளார். ஸ்மிருதி இரானி 265792 வாக்குகளையும், ராகுல் காந்தி  237749 வாக்குகளையும் பெற்றுள்ளனர். 

மாநிலத்தில் பகுஜன் சமாஜ் - சமாஜ்வாடி ஆகிய கட்சிகள் கூட்டணி அமைத்துப் போட்டியிட்டாலும் காங்கிரஸ் கட்சியை அந்தக் கூட்டணியில் சேர்த்துக் கொள்ளவில்லை. எனினும், ராகுல் காந்தியின் அமேதி தொகுதியிலும், காங்கிரஸ் மூத்த தலைவர் சோனியா காந்தி போட்டியிடும் ரேபரேலி தொகுதியிலும் வேட்பாளர்களை நிறுத்தவில்லை. ராகுல் காந்தி தொகுதியில் மகா கூட்டணி ஆதரவு தெரிவித்தும் ராகுல் காந்திக்கு தோல்வி முகம் காணப்படுகிறது.

தொடர்புடைய செய்திகள்

1. 2ஜி மற்றும் நிலக்கரி ஊழல் முறைகேட்டில் ஈடுபட்ட யாரையாவது உங்களால் பிடிக்க முடிந்ததா? - காங்கிரஸ் கேள்வி
2ஜி மற்றும் நிலக்கரி ஊழல் முறைகேட்டில் ஈடுபட்ட யாரையாவது உங்களால் பிடிக்க முடிந்ததா? என மக்களவை காங்கிரஸ் குழு தலைவர் ஆதிர் ரஞ்சன் சவுத்ரி கேள்வி எழுப்பினார்.
2. "நேரு குடும்பத்தை சேராதவர் காங். தலைவராக இருக்கலாம்" - மணிசங்கர் அய்யர் பரபரப்பு பேட்டி
நேரு குடும்பத்தை சேராதவர் காங்கிரஸ் தலைவராக இருக்கலாம் என்று மணிசங்கர் அய்யர் கூறினார்.
3. அமேதி வாக்காளர்கள் ராகுல் காந்திக்கு பாடம் கற்பித்துள்ளனர் - மத்திய மந்திரி ஸ்மிரிதி இரானி பேட்டி
அமேதி வாக்காளர்கள் ராகுல் காந்திக்கு பாடம் கற்பித்துள்ளனர் என்று மத்திய மந்திரி ஸ்மிரிதி இரானி கூறினார்.
4. திருச்சியில் தனது செல்வாக்கால் வெற்றி ; திருநாவுக்கரசர் கூறியது தான் திமுகவில் அதிருப்தி - கராத்தே தியாகராஜன்
திருச்சியில் தனக்கு இருக்கும் செல்வாக்கால் வெற்றி பெற்றதாக திருநாவுக்கரசர் கூறியது திமுகவில் அதிருப்தியை ஏற்படுத்தியது என கராத்தே தியாகராஜன் கூறி உள்ளார்.
5. மக்கள் ஆதரவு பா.ஜ.க.வுக்கு கிடைக்கும் என்ற பயந்து மத்திய அரசின் திட்டங்களை இருட்டடிப்பு செய்கிறது; காங்கிரஸ் அரசு மீது சாமிநாதன் எம்.எல்.ஏ. குற்றச்சாட்டு
மத்திய அரசின் திட்டங்களை செயல்படுத்தினால் மக்கள் ஆதரவு பா.ஜனதாவுக்கு கிடைத்துவிடும் என்று பயந்துபோய் மத்திய அரசின் திட்டங்களை புதுச்சேரி காங்கிரஸ் அரசு இருட்டடிப்பு செய்கிறது என்று பா.ஜனதா கட்சியின் மாநில தலைவர் சாமிநாதன் எம்.எல்.ஏ. குற்றம் சாட்டினார்.