தேசிய செய்திகள்

பகுஜன் சமாஜ், சமாஜ்வாடி கூட்டணி தோல்வி : பா.ஜனதாவுக்கு மீண்டும் கைகொடுத்தது உத்தரபிரதேசம் + "||" + Bahujan Samaj, Samajwadi coalition fails: UPA has again helped BJP

பகுஜன் சமாஜ், சமாஜ்வாடி கூட்டணி தோல்வி : பா.ஜனதாவுக்கு மீண்டும் கைகொடுத்தது உத்தரபிரதேசம்

பகுஜன் சமாஜ், சமாஜ்வாடி கூட்டணி தோல்வி : பா.ஜனதாவுக்கு மீண்டும் கைகொடுத்தது உத்தரபிரதேசம்
நாடாளுமன்ற தேர்தலில் உத்தரபிரதேச மாநிலம், பாரதீய ஜனதா கட்சிக்கு மீண்டும் கைகொடுத்தது. பகுஜன்சமாஜ், சமாஜ்வாடி கூட்டணி தோல்வியை தழுவியது.

லக்னோ, 

2014 நாடாளுமன்ற தேர்தலில் உத்தரபிரதேச மாநிலத்தில் பாரதீய ஜனதா, பகுஜன் சமாஜ், சமாஜ்வாடி, காங்கிரஸ் என முக்கிய கட்சிகள் அனைத்தும் தனித்து போட்டியிட்டன.

அந்த தேர்தலில் மொத்தம் உள்ள 80 தொகுதிகளில் பாரதீய ஜனதா கட்சி 71 இடங்களிலும், அதன் கூட்டணி கட்சியான அப்னாதளம் 2 இடங்களிலும் அமோக வெற்றி பெற்றன.

இது பாரதீய ஜனதா கூட்டணி வெற்றி பெற்று, மத்தியில் ஆட்சி அமைக்க முக்கிய காரணமாக அமைந்தது.

இந்த 2019 நாடாளுமன்ற தேர்தலில் பாரதீய ஜனதா கட்சிக்கு எதிராக பகுஜன் சமாஜ், சமாஜ்வாடி, ராஷ்டிரிய லோக்தளம் ஆகிய 3 கட்சிகள் கூட்டணி அமைத்து போட்டியிட்டன. காங்கிரஸ் கட்சி மட்டும் தனித்து போட்டியிட்டது.

பகுஜன் சமாஜ், சமாஜ்வாடி, ராஷ்டிரிய லோக்தளம் கூட்டணி, பாரதீய ஜனதா கட்சிக்கு கடும் சவாலாக அமைந்தது. இந்த 3 கட்சி கூட்டணி பெரும் எதிர்பார்ப்பை ஏற்படுத்தியது.

ஆனால் தேர்தலுக்கு பிந்தைய கருத்துக்கணிப்புகள் இந்த முறையும் உத்தரபிரதேச மாநிலம் பாரதீய ஜனதா கட்சிக்கு கைகொடுக்கும் என கூறின. அது அப்படியே பலித்தும் உள்ளது.

இந்த தேர்தலில் பகுஜன் சமாஜ், சமாஜ்வாடி, ராஷ்டிரிய லோக்தளம் கூட்டணி பலத்த அடி வாங்கி உள்ளது. அந்தக் கூட்டணியை மக்கள் ஏற்று அங்கீகரிக்கவில்லை என்பது நிரூபணமாகி உள்ளது.

இங்கு பாரதீய ஜனதா கட்சி 61 இடங்களிலும், அதன் கூட்டணி கட்சியான அப்னாதளம் 2 இடங்களிலும் அமோக வெற்றி பெற்றன.

பகுஜன்சமாஜ் கட்சி 11 இடங்களில் வென்றது. சமாஜ்வாடி கட்சி 5 இடங்களுடன் திருப்தி அடைய வேண்டியதாயிற்று. ராஷ்டிரிய லோக்தளம் 1 இடத்தில் வெற்றி பெற்றிருக்கிறது.

உத்தரபிரதேசத்தில் பாரதீய ஜனதா அமோக வெற்றி பெற்றிருப்பதை அந்தக் கட்சி தொண்டர்கள் உற்சாகத்துடன் ஆடிப்பாடி மகிழ்ந்து கொண்டாடினர்.


தொடர்புடைய செய்திகள்

1. மக்கள் ஆதரவு பா.ஜ.க.வுக்கு கிடைக்கும் என்ற பயந்து மத்திய அரசின் திட்டங்களை இருட்டடிப்பு செய்கிறது; காங்கிரஸ் அரசு மீது சாமிநாதன் எம்.எல்.ஏ. குற்றச்சாட்டு
மத்திய அரசின் திட்டங்களை செயல்படுத்தினால் மக்கள் ஆதரவு பா.ஜனதாவுக்கு கிடைத்துவிடும் என்று பயந்துபோய் மத்திய அரசின் திட்டங்களை புதுச்சேரி காங்கிரஸ் அரசு இருட்டடிப்பு செய்கிறது என்று பா.ஜனதா கட்சியின் மாநில தலைவர் சாமிநாதன் எம்.எல்.ஏ. குற்றம் சாட்டினார்.
2. ஊழலை ஒழிப்பதே எங்கள் லட்சியம்; புதுவையில் தகவல் தொழில்நுட்ப பூங்கா கொண்டு வரப்படும், பா.ஜ.க.உறுதி
நாடு முழுவதும் ஊழலை ஒழிப்பதே பா.ஜ.க.வின் லட்சியம் ஆகும். புதுவை யில் தகவல் தொழில் நுட்ப பூங்கா கொண்டு வரப்படும் என்று பா.ஜ.க. உறுதி அளித்தது.
3. நாடாளுமன்ற தேர்தலில் பா.ஜ.க.வுடன் கூட்டணி வைத்ததால் அ.தி.மு.க. தோல்வியை சந்தித்தது - அமைச்சர் சி.வி.சண்முகம்
நாடாளுமன்றத்துக்கு நடந்த தேர்தலில் பா.ஜனதா கட்சியுடன் கூட்டணி வைத்ததால்தான் அ.தி.மு.க. தோல்வியை சந்தித்தது என்று அமைச்சர் சி.வி.சண்முகம் கூறினார்.
4. ஏழைகள் மருத்துவ சிகிச்சை பெறும் வகையில் ஆயுஷ்மான் பாரத் திட்டத்தை அமல்படுத்த வேண்டும்; பாரதீய ஜனதா வலியுறுத்தல்
ஏழைகள் மருத்துவ சிகிச்சை பெறும் வகையில் ஆயுஷ்மான் பாரத் திட்டத்தை அமல்படுத்த வேண்டும் என்று பா.ஜ.க. வலியுறுத்தியுள்ளது.
5. பா.ஜனதா தொண்டர் அடித்துக்கொலை : காங்கிரஸ் பிரமுகர் உள்பட 10 பேர் வெறிச்செயல்
மராட்டியத்தில் நாடாளுமன்ற தேர்தல் முடிவு குறித்து காரசார விவாதத்தின் போது பா.ஜனதா தொண்டர் ஒருவர் அடித்து கொல்லப்பட்டார். இது தொடர்பாக காங்கிரஸ் பிரமுகர் உள்பட 10 பேர் மீது வழக்குப்பதிவு செய்யப்பட்டு உள்ளது.

ஆசிரியரின் தேர்வுகள்...