தேசிய செய்திகள்

காங்கிரஸ் மடியாது, நாட்டிற்கு அவசியமானது - அசோக் கெலாட் + "||" + Congress can never die, country needs it Ashok Gehlot

காங்கிரஸ் மடியாது, நாட்டிற்கு அவசியமானது - அசோக் கெலாட்

காங்கிரஸ் மடியாது, நாட்டிற்கு அவசியமானது - அசோக் கெலாட்
காங்கிரஸ் மடியாது, நாட்டிற்கு அவசியமானது என ராஜஸ்தான் மாநில முதல்வர் அசோக் கெலாட் கூறியுள்ளார்.
2019 தேர்தலில் பா.ஜனதா அமோக வெற்றியை தனதாக்கியது. காங்கிரஸ் மீண்டும் படுதோல்வியை தழுவியது. பிரதமர் மோடி காங்கிரஸ் கட்சியை கலைக்க வேண்டும் என மகாத்மா காந்தி கூறினார். அதனைதான் செய்து வருகின்றேன் என அவ்வப்போது கூறுவார். இப்போது அதுபோன்ற நிலையைதான் காங்கிரசும் எதிர்க்கொள்கிறது. இத்தேர்தலில் 52 தொகுதிகளில் வென்றுள்ளது. வடமாநிலங்களில் பெரும் பின்னடைவை சந்தித்துள்ளது.

இந்நிலையில் ராஜஸ்தான் மாநில காங்கிரஸ் முதல்வர் அசோக் கெலாட் பேசுகையில், ஜனநாயகத்தில் மக்கள் தீர்ப்பு மிகவும் உயர்வானது. சுதந்திரம் அடைந்ததில் இருந்து 70 ஆண்டுகளிலும் காங்கிரஸ் அதை காப்பாற்றியது, மேலும் அது மனத்தாழ்மையை ஏற்றுக்கொண்டது. இந்த தேர்தலில் பிரச்சாரம் பிரச்சினைகளின் அடிப்படையில் நடக்கவில்லை, விவசாயிகள் பிரச்சினை, ஏழை மக்களின் பிரச்சினை, கிராமங்களில் உள்ள பிரச்சினை, தலித்களுக்கு உள்ள பிரச்சினை, இளைஞர்களுக்கான வேலைவாய்ப்பு என்பதுபற்றி நடக்கவில்லை. 

பா.ஜனதா மக்களின் உணர்ச்சிகளைக் கொண்டு பிரசாரம் மேற்கொண்டது, உண்மையான பிரச்சனையை பேசவில்லை. மத, சாதி, தேசியவாதம் மற்றும் ராணுவம் ஆகியவற்றில் மட்டுமே பா.ஜனதா அரசியலை நடத்தியது. காங்கிரஸ் தலைவர் ராகுல் காந்தி பிரச்சினைகளின் அடிப்படையில் பிரசாரம் மேற்கொண்டார். பா.ஜனதா தன்னுடைய சாதனையை பேசி வாக்கு கேக்கவில்லை. பொய்யை பேசி மக்களை ஆட்டிப்படைத்துள்ளது. அவர்களும் வாக்களித்துள்ளனர் எனக் கூறியுள்ளார். 

காங்கிரஸ் மடியாது, நாட்டிற்கு அவசியமானது எனவும் குறிப்பிட்டுள்ளார். ராஜஸ்தான் மாநிலத்தில் பா.ஜனதாவை தோற்கடித்து 5 மாதங்களுக்கு முன்னதாக காங்கிரஸ் ஆட்சிக்கு வந்தது. இப்போது 25 தொகுதிகளும் அங்கு பா.ஜனதா வசம் சென்றது என்பது குறிப்பிடத்தக்கது.

தொடர்புடைய செய்திகள்

1. உ.பி.யில் காங்கிரஸ் கமிட்டி கூண்டோடு கலைப்பு
தேர்தல் தோல்வி எதிரொலியாக கர்நாடகாவை தொடர்ந்து உத்தரபிரதேசத்திலும் காங்கிரஸ் கமிட்டி கூண்டோடு கலைக்கப்பட்டுள்ளது.
2. அமேதியில் சொந்த வீடு கட்டும் மத்திய அமைச்சர் ஸ்மிருதி இரானி
அமேதியில் சொந்த வீடு கட்டும் நடவடிக்கையில் மத்திய அமைச்சர் ஸ்மிருதி இரானி நடவடிக்கையை மேற்கொண்டுள்ளார்.
3. புல்வாமா தாக்குதலில் உயிரிழந்த வீரர் மீது கட்சிக்கொடி : அரசியல் கட்சிகள் கண்டனம்
புல்வாமா பயங்கரவாத தாக்குதலில் உயிரிழந்த வீரரின் மீது கட்சிக்கொடி போர்த்தப்பட்டதற்கு கடும் கண்டனம் தெரிவிக்கப்பட்டுள்ளது.
4. சந்திரபாபு நாயுடுவுக்கு புதிய தலைவலி... பா.ஜனதாவிற்கு தாவ மாநிலங்களவை எம்.பி.க்கள் முடிவு என தகவல்
தெலுங்கு தேசம் கட்சியை சேர்ந்த 4 மாநிலங்களவை எம்.பி.க்கள் பா.ஜனதாவில் சேர வாய்ப்பு உள்ளது என தகவல் வெளியாகியுள்ளது.
5. ஆர்.எஸ்.எஸ். வழிமுறையை கடைபிடித்தால்தான் காங்கிரஸ் முன்னேறும் - முன்னாள் அசாம் முதல்வர் தருண் கோகாய்
ஆர்.எஸ்.எஸ். வழிமுறையை கடைபிடித்தால்தான் காங்கிரஸ் முன்னேறும் என முன்னாள் அசாம் முதல்வர் தருண் கோகாய் கூறியுள்ளார்.

ஆசிரியரின் தேர்வுகள்...