தேசிய செய்திகள்

கேரளாவில் ‘நிபா’ வைரஸ் காய்ச்சல் அறிகுறிகளுடன் இளைஞர் மருத்துவமனையில் அனுமதி + "||" + Kerala youth admitted to hospital with Nipah like symptoms

கேரளாவில் ‘நிபா’ வைரஸ் காய்ச்சல் அறிகுறிகளுடன் இளைஞர் மருத்துவமனையில் அனுமதி

கேரளாவில் ‘நிபா’ வைரஸ் காய்ச்சல் அறிகுறிகளுடன் இளைஞர் மருத்துவமனையில் அனுமதி
கேரளாவில் ‘நிபா’ வைரஸ் காய்ச்சல் அறிகுறிகளுடன் இளைஞர் ஒருவர் மருத்துவமனையில் அனுமதிக்கப்பட்டுள்ளார்.

கேரளாவில் ‘நிபா‘ வைரஸ் காய்ச்சல் கோழிக்கோடு மாவட்டத்தில் கடந்த ஆண்டு பரவியதில் 17 பேர் உயிரிழந்தனர்.
 
 நிபா வைரஸ் நோய் பழந்தின்னி வவ்வால்கள் மூலம் பரவுகிறது. எனவே அணில், வவ்வால்கள் கடித்த பழங்களை சாப்பிடக்கூடாது. பலாப்பழம், கொய்யாப்பழம், மாம்பழம் போன்றவற்றை சுத்தமாக கழுவியபிறகுதான் சாப்பிட வேண்டும். வவ்வாலின் கழிவுகளில் இருந்துதான் நிபா வைரஸ் பரவுகிறது என தெரிவிக்கப்பட்டது. அப்போது சுகாதாரத்துறை மேற்கொண்ட தீவிர தடுப்பு நடவடிக்கையால் வைரஸ் காய்ச்சல் கடந்த ஆண்டு கட்டுக்குள் கொண்டுவரப்பட்டது.

இப்போதும் வைரஸ் பாதிப்பு ஏற்பட்டுள்ளது என தகவல் வெளியாகியுள்ளது.

எர்ணாகுளம் மாவட்டத்தில் வைரஸ் பாதிப்பு அறிகுறிகளுடன் 23 வயது இளைஞர் ஒருவர் தனியார் மருத்துவமனையில் அனுமதிக்கப்பட்டுள்ளார் என மாவட்ட மருத்துவ அதிகாரி டாக்டர் எம்.கே. குட்டப்பன் கூறியுள்ளார். 

 “இளைஞரின் ரத்த மாதிரிகள் பரிசோதனைக்கு அனுப்பப்பட்டுள்ளது. இதில் யாரும் பீதியடைய தேவையில்லை. திங்கள் கிழமையன்று முடிவு தெரிவிக்கப்படும். நிபா வைரஸ் பாதிப்பு என்பது உறுதி செய்யப்படவில்லை. தொடக்கக்கட்ட அறிகுறிகள் நிபா வைரஸ் பாதிப்பு போன்று தெரிகிறது என கூறப்பட்டுள்ளது. அண்டைய மாவட்டத்திற்கு பயிற்சி வகுப்புக்காக இளைஞர் சென்று இருந்ததாகவும், அதன்பின்னர் காய்ச்சல் வந்ததாகவும் உறவினர்கள் தெரிவித்துள்ளனர்,” என கூறியுள்ளார் குட்டப்பன். ஏற்கனவே இதுபோன்ற அறிகுறிகளுடன் பலர் மருத்துவமனையில் அனுமதிக்கப்பட்டனர். ஆனால் அவர்களுக்கு வைரஸ் பாதிப்பு எதுவும் இல்லையென ஆய்வில் தெரியவந்தது. எனவே கவலைப்பட வேண்டிய அவசியமில்லை எனவும், கண்காணிப்பு மேற்கொள்ளப்படுகிறது எனவும் தெரிவித்துள்ளார். 

கடுமையான காய்ச்சல், தசைமூட்டுவலி, தலைவலி, கண் எரிச்சல், தொண்டைவலி, தொடர்ந்து 3 நாட்களுக்கு பிறகு வலிப்பு, மூளை காய்ச்சல் போன்றவை நிபா வைரஸ் காய்ச்சலின் அறிகுறிகள் ஆகும். எனவே எந்தமாதிரியான காய்ச்சலாக இருந்தாலும் முறையான சிகிச்சை, தொடர் கண்காணிப்பு ஆகியவைதான் இதன் தடுப்பு நடவடிக்கைகள் ஆகும். 

தொடர்புடைய செய்திகள்

1. தமிழகத்திற்கு குடிநீர் வழங்க முன்வந்த கேரள அரசு
போதிய மழை பெய்யாததால், தமிழகத்தில் சென்னை உள்பட 24 மாவட்டங்களை வறட்சி மாவட்டமாக அறிவித்து கடந்த மார்ச் மாதம் அரசாணை வெளியிடப்பட்டது.
2. ஒரு வாரம் தாமதம்: கேரளாவில் பருவ மழை தொடங்கியது
ஒரு வாரம் தாமதமான நிலையில், கேரளாவில் பருவ மழை நேற்று தொடங்கியது.
3. பொதுமக்களை அச்சுறுத்தும் நிபா வைரஸ்: அரசு ஆஸ்பத்திரியில் சிறப்பு வார்டு; முன்னெச்சரிக்கை நடவடிக்கை தீவிரம்
பொதுமக்களை அச்சுறுத்தும் ‘நிபா வைரஸ்’ கேரளாவில் வேகமாக பரவி வருகிறது. இதை பரவாமல் தடுக்கும் விதமாக புதுவையில் சிறப்பு வார்டு அமைக்கப்பட்டுள்ளது. அதிகாரிகள் முன்னெச்சரிக்கை நடவடிக்கை எடுத்து வருகின்றனர் என்று சுகாதாரத்துறை இயக்குனர் கூறினார்.
4. ‘நிபா’ வைரஸ் தடுப்பு நடவடிக்கை: தமிழக-கேரள எல்லையில் கண்காணிப்பு தீவிரம் வாகனங்களில் வருவோருக்கு மருத்துவ பரிசோதனை
நிபா வைரஸ் தடுப்பு நடவடிக்கையாக, தமிழக-கேரள எல்லையில் கண்காணிப்பு தீவிரப்படுத்தப்பட்டு உள்ளது.
5. நிபா வைரஸ்: பொதுமக்கள் அச்சப்பட தேவையில்லை - அமைச்சர் விஜயபாஸ்கர்
தமிழகத்தில் நிபா வைரஸ் அறிகுறியுடன் இதுவரை யாரும் மருத்துவமனையில் அனுமதிக்கப்படவில்லை என்று அமைச்சர் விஜயபாஸ்கர் தெரிவித்துள்ளார்.