தேசிய செய்திகள்

ராஜினாமா முடிவில் ராகுல் உறுதி; காங்கிரஸ் கட்சிக்கு இருதலைவர்கள் நியமனம்? + "||" + Congress mulls proposal for two working presidents

ராஜினாமா முடிவில் ராகுல் உறுதி; காங்கிரஸ் கட்சிக்கு இருதலைவர்கள் நியமனம்?

ராஜினாமா முடிவில் ராகுல் உறுதி; காங்கிரஸ் கட்சிக்கு இருதலைவர்கள் நியமனம்?
ராஜினாமா முடிவில் ராகுல் காந்தி உறுதியாக இருப்பதால் காங்கிரசுக்கு இருதலைவர்களை நியமனம் செய்ய வாய்ப்பு உள்ளதாக தகவல் வெளியாகியுள்ளது.


2019 தேர்தலில் காங்கிரஸ் 52 இடங்களில் மட்டும் வென்றது. இம்முறையும் அக்கட்சிக்கு மக்களவையில் எதிர்க்கட்சி அந்தஸ்து பெற முடியாது. கட்சியும் கோரப்போவது கிடையாது எனக் கூறிவிட்டது. தேர்தலில் காங்கிரஸ் தோல்விக்கு பொறுப்பேற்று ராகுல்காந்தி செயற்குழுக் கூட்டத்தில் தன்னுடைய பதவியை ராஜினாமா செய்வதாக அறிவித்தார். ஆனால் கட்சியின் தலைவர்கள் ஏற்கவில்லை. இப்போது ராஜினாமா முடிவில் ராகுல் காந்தி உறுதியாக இருப்பதாக தகவல் வெளியாகியுள்ளது. இதுதொடர்பாக வரும் செயற்குழுக் கூட்டத்தில் விவாதிக்கப்பட உள்ளது.

இதற்கிடையே காங்கிரஸ் கட்சிக்கு இரு செயல் தலைவர்களை நியமிப்பது குறித்து ஆலோசிக்கப்பட்டு வருவதாகவும், இவ்விவகாரத்தில் கருத்தொற்றுமையை ஏற்படுத்தும் பணியில் நடப்பதாக தகவல் வெளியாகியுள்ளது. இரு செயல் தலைவர்களில் ஒருவர் தென் மாநிலத்தை சேர்ந்தவராக இருக்கலாம் என கூறப்படுகிறது. இரு செயல்தலைவர்கள் நியமிக்கப்படும் விவகாரத்தில் சுஷில்குமார் ஷிண்டே, மல்லிகார்ஜுன கார்கே இருவருக்கு வாய்ப்பு இருக்கிறது. மற்றும் மத்திய பிரதேசத்தை சேர்ந்த இளம் தலைவர் ஜோதிர்ஆதித்யா சிந்தியாவுக்கும் வாய்ப்பு இருக்கிறது என காங்கிரஸ் வட்டாரத் தகவல்கள் கூறுகிறது. 

இதுதொடர்பான அறிவிப்பு பட்ஜெட் கூட்டத்தொடருக்கு முன்பாக இருக்கும் எனத் தெரிகிறது. முதலில் 3, 4 செயல் தலைவர்களை நியமனம் செய்வது என திட்டமிடப்பட்டதாவும், பின்னர் இளம் தலைவர்கள் மற்றும் மூத்த தலைவர்களுக்கும் இடையே மோதல் இருந்து வருவதை குறைக்க 2 செயல்தலைவர்கள் முறை கொண்டுவரப்படுகிறது  என கூறப்படுகிறது. மேலும் தேர்தலில் தீவிரமாக செயல்படாத மாநிலத் தலைவர்கள் மீது கடும் நடவடிக்கை எடுக்கவும் ஆலோசிக்கப்பட்டு வருதாக தகவல் வெளியாகியுள்ளது.

தொடர்புடைய செய்திகள்

1. தேர்தல் பிரசாரத்தில் பா.ஜனதா எங்கள் கட்சியினரின் செயல்பாட்டை முடக்குகிறார்கள்; காங்கிரஸ் குற்றச்சாட்டு
தேர்தல் பிரசாரத்தில் பா.ஜனதாவினர் எங்கள் செயல்பாட்டை திட்டமிட்டு முடக்குகிறார்கள் என காங்கிரஸ் செய்தி தொடர்பாளர் சச்சின் சாவந்த் குற்றம்சாட்டினார்.
2. காங்கிரசுக்கு பாஜக அல்லது ஆர்.எஸ்.எஸ்.சிடமிருந்து தேசபக்தி சான்றிதழ் தேவையில்லை -மன்மோகன் சிங்
பாஜக தலைமையிலான மத்திய மற்றும் மராட்டிய மாநில அரசுகள் மக்கள் சார்ந்த கொள்கைகளை எடுக்க விரும்பவில்லை என்று முன்னாள் பிரதமர் மன்மோகன்சிங் கூறினார்.
3. மூழ்கும் நிலையில் காங்கிரஸ் என்ற கப்பலை விட்டுவிட்டு ஓடிய கேப்டன் ராகுல்காந்தி -ஓவைசி விமர்சனம்
மூழ்கும் நிலையில் உள்ள காங்கிரஸ் என்ற கப்பலை விட்டுவிட்டு ஓடிய கேப்டன்தான் ராகுல் காந்தி என்று ஓவைசி விமர்சித்துள்ளார்.
4. ராகுல் காந்தி பிரசாரத்தின் மூலம் பா.ஜனதாவின் வெற்றி உறுதியாகி உள்ளது: யோகி ஆதித்யநாத் கிண்டல்
ராகுல் காந்தி பிரசாரத்தின் மூலம் மராட்டியத்தில் பா.ஜனதாவின் வெற்றி உறுதியாகி உள்ளது என்று யோகி ஆதித்யநாத் தெரிவித்துள்ளார்.
5. அவதூறு வழக்கில் ராகுல் காந்தி ஆமதாபாத் கோர்ட்டில் ஆஜராகி ஜாமீன் பெற்றார்
ஆமதாபாத் கோர்ட்டுகளில் நடைபெற்றுவரும் அவதூறு வழக்கில் ராகுல் காந்தி நேற்று ஆஜரானார். இதில் ஒரு வழக்கில் அவருக்கு ஜாமீன் வழங்கப்பட்டது.