சினிமா செய்திகள்

சரத்குமார் மீதான புகார் குறித்து விஷாலுக்கு நடிகை ராதிகா கேள்வி + "||" + Actress Radhika questioned Vishal

சரத்குமார் மீதான புகார் குறித்து விஷாலுக்கு நடிகை ராதிகா கேள்வி

சரத்குமார் மீதான புகார் குறித்து விஷாலுக்கு நடிகை ராதிகா கேள்வி
நடிகர் சரத்குமார் மீது கூறிய குற்றச்சாட்டுகளை இதுவரை நிரூபித்து இருக்கிறீர்களா என நடிகர் விஷாலுக்கு, நடிகை ராதிகா கேள்வி எழுப்பியுள்ளார்.
சென்னை,

நடிகை ராதிகா சரத்குமார் இன்று வெளியிட்டுள்ள அறிக்கையில் கூறியிருப்பதாவது:- 

23.06.2019 ல்  நடைபெற உள்ள தென்னிந்திய நடிகர்கள் சங்க தேர்தலை முன்னிட்டு பாண்டவர் அணியினர் ஒரு வீடியோவை வெளியிட்டுள்ளார்கள். சரத்குமார் தலைவராக இருந்த போது எதையும் செய்யவில்லை என்றும், சங்கத்தில் முறைகேடாக செயல்பட்டார்கள் என்றும் மூன்றரை ஆண்டுகளுக்கு முன்பு கூறிய பழைய பல்லவியை வெட்கமே இல்லாமல் மீண்டும் வெளியிட்டுள்ளது பிச்சைக்காரன் வாந்தி எடுத்த மாதிரி வேடிகையாக இருக்கிறது.

விஷால் ரெட்டி அவர்களே நீங்கள் சொன்ன குற்றச்சாட்டுகளை இதுவரை நிரூபித்திருக்கிறீர்களா..?  நீங்கள் கொடுத்த புகார்கள் விசாரணையில் இருக்கும் போது முன்பு சொன்ன பொய்யை மீண்டும் மீண்டும் சொன்னால் உண்மையாகிவிடுமா..? 

உங்கள் முதுகில் ஆயிரம் அழுக்கு மூட்டைகள் இருக்கும் போது சரத்குமார் பற்றி பேச உங்களுக்கு கூச்சமாக இல்லையா..? 

படத்தயாரிப்பாளர்கள் சங்கத்தின் பணத்தை எல்லாம் காலி செய்து விட்டு கோர்ட் வாசலில் நிற்கிறீர்களே..?  நீங்கள் நீதிமான் மாதிரி வீடியோவை வெளியிட கொஞ்சமாவது அருகதை உண்டோ..? 

இன்றைய தலைவர் நாசர் எதைக்கேட்டாலும் அப்படியா இது எனக்கு தெரியாமல் நடந்து விட்டது என்று வழக்கம் போல் ஓடி ஒளிந்து கொள்வார்.

இப்படியே நீங்கள் பிரிவினை பேசி செயல்பட்டு வருவது நடிகர் சங்கத்தை ஒற்றுமைப்படுத்தவோ, நலிந்த கலைஞர்களுக்கு நல்லது செய்யவோ ஒருபோதும் உதவாது.

இனியாவது அடக்கத்தோடு செயல்பட முயலுங்கள்.

இவ்வாறு நடிகை ராதிகா சரத்குமார் கூறியுள்ளார்.