தேசிய செய்திகள்

சென்னையில் 2–ம் கட்ட மெட்ரோ ரெயில் பணிக்கான அனுமதி வழங்குவது எப்போது? அ.தி.மு.க. எம்.பி. கேள்விக்கு, மத்திய மந்திரி பதில் + "||" + When will the 2nd phase of Chennai Metro Rail work be approved?

சென்னையில் 2–ம் கட்ட மெட்ரோ ரெயில் பணிக்கான அனுமதி வழங்குவது எப்போது? அ.தி.மு.க. எம்.பி. கேள்விக்கு, மத்திய மந்திரி பதில்

சென்னையில் 2–ம் கட்ட மெட்ரோ ரெயில் பணிக்கான அனுமதி வழங்குவது எப்போது? அ.தி.மு.க. எம்.பி. கேள்விக்கு, மத்திய மந்திரி பதில்
2018–ம் ஆண்டு பிப்ரவரி மாதம் சென்னை மெட்ரோவின் 107.55 கி.மீ. நீளத்துக்கான 2–வது கட்ட பணிகளை ரூ.85 ஆயிரத்து 47 கோடி செலவில் அமல்படுத்தும் முடிவை, தமிழக அரசு மாநில திட்டமாக தெரிவித்தது.

புதுடெல்லி, 

மாநிலங்களவையில் அ.தி.மு.க. எம்.பி. டாக்டர் வா.மைத்ரேயன் நேற்று பேசும்போது, ‘சென்னை மெட்ரோ திட்டத்தின் முதல்கட்ட பணிகளில் 50:50 என்ற வகையில், மத்திய அரசும், தமிழக அரசும் கூட்டாளித்துவ ஒப்பந்தத்தை எட்டியது போன்று, 2–வது கட்ட திட்ட பணிகளிலும் 50:50 என்ற வகையில் எப்போது அனுமதி வழங்கப்படும்?’ என்று கேள்வி எழுப்பினார்.

இதற்கு பதில் அளித்து மத்திய வீட்டு வசதி மற்றும் நகர்ப்புற வளர்ச்சித்துறை மந்திரி ஹர்திப் சிங் புரி பேசியதாவது:–

2018–ம் ஆண்டு பிப்ரவரி மாதம் சென்னை மெட்ரோவின் 107.55 கி.மீ. நீளத்துக்கான 2–வது கட்ட பணிகளை ரூ.85 ஆயிரத்து 47 கோடி செலவில் அமல்படுத்தும் முடிவை, தமிழக அரசு மாநில திட்டமாக தெரிவித்தது. இந்த திட்டத்தின் பகுதி நிதியை பெறுவதற்காக ஜப்பானிய சர்வதேச ஒத்துழைப்பு ஏஜென்சி(ஜே.ஐ.சி.ஏ.) மற்றும் சென்னை மெட்ரோ ரெயில் நிறுவனம் இடையே கடன் ஒப்பந்தம் கையெழுத்தானது.

அதன்பிறகு 2019–ம் ஆண்டு ஜனவரி 8–ந் தேதி, சென்னை மெட்ரோவின் 118.9 கி.மீ. நீள 2–ம் கட்ட பணிகளை ரூ.69 ஆயிரத்து 180 கோடியில் (50:50 என்ற விகித அடிப்படையில்) செயல்படுத்த திருத்தப்பட்ட திட்டத்தை தமிழக அரசு சமர்ப்பித்தது. இந்த திட்டம் குறித்து ஆராய்ந்த மத்திய வீட்டுவசதி மற்றும் நகர்ப்புற வளர்ச்சி அமைச்சகம் தனது கருத்துகளை தமிழ்நாடு அரசுக்கு அனுப்பி உள்ளது. மெட்ரோ ரெயில் திட்டங்களுக்கான அனுமதி தொடர்பாக அனைத்து பங்குதாரர்களுடன் ஆலோசிக்க வேண்டியது மிக அவசியம். எனவே அனுமதி வழங்க எந்தக் காலக்கெடுவும் நிர்ணயிக்க முடியாது.

இவ்வாறு அவர் கூறினார்.


தொடர்புடைய செய்திகள்

1. இங்கிலாந்தில் ருசிகரம்: மெட்ரோ ரெயிலில் துணியை துவைத்து காயப்போட்ட வாலிபர்
இங்கிலாந்தில் வாலிபர் ஒருவர் மெட்ரோ ரெயிலில் துணியை துவைத்து காயப்போட்ட ருசிகர சம்பவம் நிகழ்ந்துள்ளது.
2. அ.தி.மு.க.வுடனான கூட்டணி தொடரும் - ஜி.கே.வாசன் பேட்டி
வருகிற தேர்தலிலும் அ.தி.மு.க.வுடனான கூட்டணி தொடரும் என மதுரையில் ஜி.கே.வாசன் கூறினார்.
3. முத்தலாக் விவகாரத்தில் அ.தி.மு.க. இரட்டை நிலைப்பாடு - டி.டி.வி.தினகரன் பேட்டி
முத்தலாக் விவகாரத்தில் அ.தி.மு.க. இரட்டை நிலைப்பாடு எடுத்துள்ளது என ஈரோட்டில் டி.டி.வி.தினகரன் கூறினார்.
4. வேலூர் தொகுதி இடைத்தேர்தலில் அ.தி.மு.க. தோல்வி அடையும் - முத்தரசன் பேட்டி
வேலூர் தொகுதி இடைத்தேர்தலில் அ.தி.மு.க. தோல்வி அடையும் என்று ஈரோட்டில் முத்தரசன் கூறினார்.
5. கோமா நிலையில் அ.தி.மு.க. ஆட்சி: தமிழ்மொழிக்கு எந்த சூழ்நிலையிலும் ஆபத்து வந்துவிடக்கூடாது - மு.க.ஸ்டாலின் பேச்சு
‘கோமா நிலையில் அ.தி.மு.க. ஆட்சி உள்ளது என்றும், தமிழ்மொழிக்கு எந்த சூழ்நிலையிலும் ஆபத்து வந்துவிடக்கூடாது என்றும் தேனி பொதுக்கூட்டத்தில் தி.மு.க. தலைவர் மு.க.ஸ்டாலின் பேசினார்.