தேசிய செய்திகள்

டேவிஸ் கோப்பை டென்னிஸ்; 55 ஆண்டுகளுக்கு பிறகு இந்திய டென்னிஸ் அணி பாகிஸ்தானுக்கு செல்வது உறுதி + "||" + Sports Min Kiren Rijiju on Indian teams Davis Cup tie scheduled to be held in Islamabad

டேவிஸ் கோப்பை டென்னிஸ்; 55 ஆண்டுகளுக்கு பிறகு இந்திய டென்னிஸ் அணி பாகிஸ்தானுக்கு செல்வது உறுதி

டேவிஸ் கோப்பை டென்னிஸ்; 55 ஆண்டுகளுக்கு பிறகு இந்திய டென்னிஸ் அணி பாகிஸ்தானுக்கு செல்வது உறுதி
டேவிஸ் கோப்பை டென்னிஸ் போட்டியில் விளையாட 55 ஆண்டுகளுக்கு பிறகு இந்திய டென்னிஸ் அணி பாகிஸ்தானுக்கு செல்வது உறுதியாகியுள்ளது.
டேவிஸ் கோப்பை டென்னிஸ் போட்டியில் ஆசிய-ஓசினியா குரூப்-1ல் இந்தியா-பாகிஸ்தான் அணிகள் மோதும் ஆட்டம் செப்டம்பர் 14, 15-ந்தேதிகளில் பாகிஸ்தான் தலைநகர் இஸ்லாமாபாத்தில் நடக்கிறது. 

பயங்கரவாதம் தொடரபாக இந்தியா - பாகிஸ்தான் இடையே மோதலான போக்கு நிலவி வருகிறது. பயங்கரவாதத்தை நிறுத்தும் வரையில் பாகிஸ்தானுடன் பேச்சுவார்த்தை கிடையாது என இந்தியா திட்டவட்டமாக கூறிவிட்டது. இருதரப்பு விளையாட்டு போட்டிகளும் நடக்கவில்லை. இந்நிலையில் டேவிஸ் கோப்பை டென்னிஸ் போட்டியில் கலந்துக்கொள்ள இந்திய அணி பாகிஸ்தான் செல்லுமா? என்ற கேள்வி எழுந்தது. ஜூலையில் இந்திய டென்னிஸ் சங்க பொதுச் செயலாளர் ஹிரோன்மோய் சட்டர்ஜீ  இந்த போட்டியில் இந்திய அணி பங்கேற்க இருப்பதைஉறுதிப்படுத்தினார். 

டேவிஸ் கோப்பை டென்னிஸ் போட்டி தொடரில் விளையாட 55 ஆண்டுகளுக்கு பிறகு இந்திய டென்னிஸ் அணி பாகிஸ்தானுக்கு செல்கிறது என தெரிவிக்கப்பட்டது. இந்நிலையில் இந்திய அரசு ஜம்மு காஷ்மீருக்கு வழங்கிய சிறப்பு அந்தஸ்தை நீக்கியது. இதனால் இருதரப்பு இடையே அசாதாரண நிலை நிலவுகிறது. எனவே, போட்டியில் கலந்துக்கொள்ள இந்திய அணி பாகிஸ்தான் செல்லுமா? என்ற கேள்வி எழுந்தது. ஆனால் இந்திய அணி கண்டிப்பாக செல்லும் என மத்திய அரசிடம் இருந்து பதில் வெளியாகியுள்ளது. 

பாகிஸ்தானில் டேவிஸ் கோப்பை டென்னிஸ் போட்டி நடைபெறுவது தொடர்பாக மத்திய விளையாட்டுத்துறை அமைச்சர் கிரண் ரிஜ்ஜு பேசுகையில், “பாகிஸ்தான் உடனான இருதரப்பு போட்டிகளுக்கு இந்திய அரசிடம் இருந்து அனுமதி பெற வேண்டியது உள்ளது, ஆனால் சர்வதேச போட்டியாகும், இதில் நாம் தனிப்பட்ட முறையில் எந்தஒரு நடவடிக்கையையும் எடுக்க முடியாது,” எனக் கூறியுள்ளார். 

தொடர்புடைய செய்திகள்

1. பகல்-இரவு டெஸ்டில் பாகிஸ்தான் திணறல்: ஆஸ்திரேலிய அணி 589 ரன்கள் குவித்து ‘டிக்ளேர்’
அடிலெய்டில் நடந்து வரும் பாகிஸ்தானுக்கு எதிரான பகல்-இரவு டெஸ்டில் ஆஸ்திரேலிய அணி 589 ரன்கள் குவித்து ‘டிக்ளேர்’ செய்தது.
2. டேவிஸ் கோப்பை டென்னிஸ்: பாகிஸ்தானை பந்தாடியது இந்திய அணி அடுத்த சுற்றுக்கு முன்னேற்றம்
டேவிஸ் கோப்பை டென்னிஸ் போட்டியில் இந்திய அணி 4-0 என்ற கணக்கில் பாகிஸ்தானை பந்தாடி உலக குரூப் சுற்றுக்கு தகுதி பெற்றது.
3. டேவிஸ் கோப்பை டென்னிஸ்: இந்தியா-பாகிஸ்தான் இன்று மோதல்
டேவிஸ் கோப்பை டென்னிஸ் போட்டியில் இந்தியா-பாகிஸ்தான் அணிகள் மோதும் ஆட்டம் கஜகஸ்தானில் இன்றும், நாளையும் நடக்கிறது.
4. டேவிஸ் கோப்பை டென்னிஸ்: ஸ்பெயின் அணி ‘சாம்பியன்’
டேவிஸ் கோப்பை டென்னிஸ் போட்டியில், ஸ்பெயின் அணி ‘சாம்பியன்’ பட்டம் வென்றது.
5. டேவிஸ் கோப்பை டென்னிஸ்: சசிகுமார் விலகல்
டேவிஸ் கோப்பை டென்னிஸ் போட்டியிலிருந்து சசிகுமார் விலகினார்.