மாநில செய்திகள்

தமிழகத்தில் 15 சுங்கச்சாவடிகளில் கட்டணம் அதிகரிப்பு + "||" + Toll road users to pay more in Tamil Nadu as NHAI increases prices

தமிழகத்தில் 15 சுங்கச்சாவடிகளில் கட்டணம் அதிகரிப்பு

தமிழகத்தில் 15 சுங்கச்சாவடிகளில் கட்டணம் அதிகரிப்பு
தேசிய நெடுஞ்சாலை ஆணையத்தின் ஒப்பந்தத்தின்படி தமிழகத்தில் 15 சுங்கச்சாவடிகளில் கட்டணம் உயர்ந்துள்ளது.
சென்னை,

இந்தியா முழுவதும் தேசிய நெடுஞ்சாலைகளில் மத்திய அரசு கட்டுப்பாட்டில் 400-க்கும் மேற்பட்ட சுங்கச்சாவடிகளும், தமிழகத்தில் மாநில நெடுஞ்சாலைத்துறை கட்டுப்பாட்டில் 40-க்கும் மேற்பட்ட சுங்கச்சாவடிகள் உள்ளன. இந்த சுங்கச்சாவடிகளில் வாகனங்களுக்கு ஏற்ப கட்டணம் வசூலிக்கப்பட்டு வருகிறது.


இந்த சுங்கச்சாவடிகளில் பெரும்பாலானவை 1992-ம் ஆண்டில் அமைக்கப்பட்டவை. மீதமுள்ள சுங்கச்சாவடிகள் 2008-ம் ஆண்டில் ஏற்படுத்தப்பட்டவை. மத்திய தேசிய நெடுஞ்சாலைகள் ஆணையத்தின் ஒப்பந்தப்படி வருடத்துக்கு ஒருமுறை சுங்கச்சாவடியில் பயனாளர் கட்டணத்தை அதிகபட்சமாக 10 சதவீதம் உயர்த்திக்கொள்ளலாம் என்று குறிப்பிடப்பட்டு இருக்கிறது.

அதன்படி 1992-ம் ஆண்டில் அமைக்கப்பட்ட சுங்கச்சாவடிகளில் ஒவ்வொரு ஆண்டு ஏப்ரல் மாதத்திலும், 2008-ம் ஆண்டில் அமைக்கப்பட்ட சுங்கச்சாவடிகளில் செப்டம்பர் மாதத்திலும் கட்டணம் உயர்த்தி மாற்றி அமைக்கப்பட்டு வருகிறது. அந்தவகையில் 1992-ம் ஆண்டை சேர்ந்த சுங்கச்சாவடிகளில் கடந்த ஏப்ரல் மாதம் கட்டணம் உயர்த்தப்பட்டது. இதில் தமிழகத்தை சேர்ந்த 20-க்கும் மேற்பட்ட சுங்கச்சாவடிகள் அடங்கின.

இந்தநிலையில் செப்டம்பர் மாதம் பிறந்ததை தொடர்ந்து 2008-ம் ஆண்டை சேர்ந்த சுங்கச்சாவடிகளில் கட்டணம் உயர்த்தப்படும் என்று எதிர்பார்க்கப்பட்டது. அந்தவகையில் தேசிய நெடுஞ்சாலை கட்டண விதி 2008-ன்படி, தமிழகத்தில் உள்ள 15 சுங்கச்சாவடிகளில் நேற்று கட்டணம் உயர்ந்துள்ளது.

15 சுங்கச்சாவடிகள் விவரம் வருமாறு:-

பாளையம் (கிருஷ்ணகிரி- தோப்பூர் சாலை), நல்லூர் (சென்னை-தடா), வைகுந்தம் (சேலம்-குமாரபாளையம்), எலியார்பத்தி (மதுரை-தூத்துக்குடி), கொடைரோடு (திண்டுக்கல்-சமயநல்லூர்), மேட்டுப்பட்டி (சேலம்-உளுந்தூர்பேட்டை), மண்வாசி (திருச்சி-கரூர்), விக்கிரவாண்டி (திண்டிவனம்-உளுந்தூர்பேட்டை), பொன்னம்பலப்பட்டி (திருச்சி-திண்டுக்கல்), நத்தக்கரை (சேலம்- உளுந்தூர்பேட்டை), புதூர் பாண்டியபுரம் (தூத்துக்குடி- மதுரை), திருமந்ததுரை (உளுந்தூர்பேட்டை-பாடலூர்), வாழவந்தான் கோட்டை (திருச்சி-தஞ்சை), வீரசோழபுரம் (சேலம்-உளுந்தூர்பேட்டை), விஜயமங்கலம் (குமாரபாளையம்-செங்கம்பள்ளி).

இதன்படி 52 கி.மீ. தூரத்துக்குள் பயணிக்கும் கார், ஜீப், வேன் போன்ற இலகுரக வாகனங்களுக்கு ஒருமுறை சென்றுவரை ரூ.60 கட்டணமாக விதிக்கப்பட்டு இருக்கிறது. இலகுரக சரக்கு வாகனங்கள், சிற்றுந்து ஆகியவற்றுக்கு ரூ.95 கட்டணமாகவும், லாரி-பஸ்கள் போன்ற கனரக வாகனங்களுக்கு ரூ.195 கட்டணமாகவும், கட்டுமானத்துக்கு பயன்படும் மிகப்பெரிய கனரக வாகனங்களுக்கு ரூ.305 கட்டணமாகவும் விதிக்கப்பட்டு இருக்கிறது.

மதுரை எலியார்பத்தி சுங்கச்சாவடி கட்டண விவரம் வருமாறு:- (அடைப்புக்குறிக்குள் பழைய கட்டணம்)

கார், ஜீப், வேன் போன்ற இலகுரக வாகனங்கள்- ரூ.50 (ரூ.49), மினி பஸ்கள், இலகுரக வர்த்தக மற்றும் சரக்கு வாகனங்கள் - ரூ.90 (ரூ.84), 2 அச்சு கொண்ட லாரி, பஸ் போன்ற கனரக வாகனங்கள் - ரூ.175 (ரூ.168), 3 அச்சுகள் முதல் வர்த்தகம் சார்ந்த மிகப்பெரிய கனரக வாகனங்கள் - ரூ.285 (ரூ.269).

தொடர்புடைய செய்திகள்

1. ஐகோர்ட்டு தலைமை நீதிபதி தஹில் ரமானியை மேகாலயாவுக்கு மாற்றியதற்கு எதிர்ப்பு: தமிழகம், புதுச்சேரியில் வக்கீல்கள் இன்று கோர்ட்டு புறக்கணிப்பு
ஐகோர்ட்டு தலைமை நீதிபதி வி.கே.தஹில் ரமானியை மேகாலயா ஐகோர்ட்டுக்கு மாற்றியதற்கு எதிர்ப்பு தெரிவித்து, தமிழகம் மற்றும் புதுச்சேரியில் வக்கீல்கள் இன்று கோர்ட்டு புறக்கணிப்பு போராட்டத்தில் ஈடுபடுகின்றனர்.
2. தமிழகம் உள்பட நாடு முழுவதும் 75 எய்ம்ஸ் மருத்துவமனைகள் புதிதாக தொடங்கப்படும் - மத்திய சுகாதாரத்துறை இணை மந்திரி தகவல்
தமிழகம் உள்பட நாடு முழுவதும் 75 எய்ம்ஸ் மருத்துவமனைகள் புதிதாக தொடங்கப்படும் என்று மத்திய சுகாதாரத்துறை இணை மந்திரி கூறினார்.
3. தமிழகத்துக்கான மண்எண்ணெய் அளவை உயர்த்தி தர வேண்டும் - மத்திய மந்திரிகளிடம் அமைச்சர் காமராஜ் வலியுறுத்தல்
தமிழகத்துக்கான மண்எண்ணெய் அளவை உயர்த்தி தர வேண்டும் என்று, மத்திய மந்திரிகளிடம் உணவுத்துறை அமைச்சர் காமராஜ் நேரில் வலியுறுத்தினார்.
4. தமிழகத்திற்கு கூடுதலாக ரூ.1,000 கோடி ஒதுக்க வேண்டும் - மத்திய மந்திரியிடம் ஹஜ் கமிட்டி தலைவர் வலியுறுத்தல்
சிறுபான்மையினரின் பொருளாதார மேம்பாட்டுக்காக தமிழகத்திற்கு கூடுதலாக ரூ.1,000 கோடி ஒதுக்க வேண்டும் என மத்திய மந்திரியிடம் ஹஜ் கமிட்டி தலைவர் வலியுறுத்தினார்.
5. தமிழகம்-கர்நாடகம் இடையே காவிரி நீர் பிரச்சினை இருக்காது: முதல்-மந்திரி எடியூரப்பா சொல்கிறார்
ஒப்பந்தப்படி தண்ணீர் திறந்து விடப்பட்டுள்ளதால் தமிழகம்-கர்நாடகம் இடையே காவிரி நீர் பிரச்சினை இருக்காது என முதல்-மந்திரி எடியூரப்பா கூறினார்.

அதிகம் வாசிக்கப்பட்டவை