தேசிய செய்திகள்

அயோத்தி நிலம் தொடர்பான வழக்கு: சுப்ரீம் கோர்ட்டு சரியான முடிவை எடுக்க சன்னி வக்பு வாரியம் கோரிக்கை + "||" + Ayodhya land case: Sunny Wakpu Board demands Supreme Court decision

அயோத்தி நிலம் தொடர்பான வழக்கு: சுப்ரீம் கோர்ட்டு சரியான முடிவை எடுக்க சன்னி வக்பு வாரியம் கோரிக்கை

அயோத்தி நிலம் தொடர்பான வழக்கு: சுப்ரீம் கோர்ட்டு சரியான முடிவை எடுக்க சன்னி வக்பு வாரியம் கோரிக்கை
அயோத்தி நிலம் தொடர்பான வழக்கில் கோர்ட்டு சரியான முடிவை எடுக்க வேண்டும் என்று சன்னி வக்பு வாரியம் தரப்பில் சுப்ரீம் கோர்ட்டில் வாதிடப்பட்டது.
புதுடெல்லி,

அயோத்தியில் உள்ள சர்ச்சைக்குரிய நிலம் யாருக்கு சொந்தம் என்பது தொடர்பான வழக்கு விசாரணை நேற்று 19-வது நாளாக சுப்ரீம் கோர்ட்டில் தலைமை நீதிபதி ரஞ்சன் கோகாய் தலைமையிலான 5 நீதிபதிகள் அமர்வில் நடைபெற்றது.


நேற்று விசாரணை தொடங்கியதும் இந்த வழக்கு விசாரணையை வீடியோ பதிவு செய்ய வேண்டும் என ஆர்.எஸ்.எஸ். இயக்கத்தின் தலைவர்களில் ஒருவரான கே.என்.கோவிந்தாச்சார்யா தாக்கல் செய்த மனுவை விரைவில் விசாரிக்க வேண்டும் என்று அவருடைய தரப்பில் மூத்த வக்கீல் விகாஸ் சிங் முறையிட்டார்.

அதை ஏற்றுக்கொண்ட தலைமை நீதிபதி, அந்த மனுவை வருகிற 16-ந் தேதி விசாரிப்பதாக தெரிவித்தார்.

இதைத்தொடர்ந்து சன்னி வக்பு வாரியத்தின் தரப்பில் ஆஜராகி ஏற்கனவே வாதாடி வரும் மூத்த வக்கீல் ராஜீவ் தவான் தன்னுடைய வாதத்தை தொடர்ந்தார். அவர் வாதாடுகையில் கூறியதாவது:-

அயோத்தியில் உள்ள சர்ச்சைக்குரிய நிலம் தங்களுக்கு உரியது என்று எதிர்தரப்பில் கூறமுடியுமா? ஒரு இடத்துக்கு உரிமை கோரும் அறங்காவலராக இருப்பதற்கும், பூஜைக்கு பொறுப்பேற்கும் தர்மகர்த்தாவாக இருப்பதற்கும் வேறுபாடு உள்ளது. ஒரு தவறு தொடர்ச்சியாக நடைபெற்று உள்ளது என்று எதிர்தரப்பில் கூறுவது ஏற்கத்தக்கது அல்ல.

ஒரே தவறை மீண்டும் மீண்டும் தொடர்ச்சியாக செய்ய முடியாது. தவறு என்று நிரூபணம் ஆனதை சரியான முறையில் திருத்திக் கொள்ள வேண்டும். இதுபோன்ற விவகாரங்களில் விடுபடுதல் என்பது குற்றமாகும். எனவே நிலம் தொடர்பான விஷயத்தில் கோர்ட்டு சரியான முடிவை எடுக்க வேண்டிய கட்டாயத்தில் உள்ளது. இவ்வாறு ராஜீவ் தவான் கூறினார்.

வழக்கு விசாரணை இன்றும் (வியாழக்கிழமை) தொடர்ந்து நடைபெறும்.


தொடர்புடைய செய்திகள்

1. சாத்தான்குளம் தந்தை, மகன் உயிரிழந்த வழக்கு: குற்றப்பத்திரிகையை உயர்நீதிமன்றத்தில் தாக்கல் செய்ய மதுரை கிளை உத்தரவு
சாத்தான்குளம் தந்தை, மகன் உயிரிழந்த வழக்கில், குற்றப்பத்திரிகையை உயர்நீதிமன்றத்தில் தாக்கல் செய்ய மதுரை கிளை உத்தரவிட்டுள்ளது.
2. திருச்சியில் வீட்டோடு மாப்பிள்ளையாக மறுத்த வாலிபரின் மண்டை உடைப்பு மாமனார், மாமியார் மீது வழக்கு
வீட்டோடு மாப்பிள்ளையாக இருக்க மறுத்ததால், புதுமாப்பிள்ளையின் மண்டை உடைக்கப்பட்டது. இது தொடர்பாக மாமனார், மாமியார் மீது போலீசார் வழக்குப்பதிவு செய்துள்ளனர்.
3. ரூ.20,000 கோடி வரி தொடர்பான வழக்கு: இந்திய அரசுக்கு எதிராக சர்வதேச நீதிமன்றத்தில் வோடஃபோன் வெற்றி
சர்வதேச நீதிமன்றத்தில் இந்திய அரசுக்கு எதிராக ரூ.20,000 கோடி வரி தொடர்பான வழக்கில் வோடஃபோன் நிறுவனம் வெற்றி பெற்றுள்ளதாக தகவல் வெளியாகியுள்ளது.
4. கொரோனா விதியை மீறியதாக பொன்.ராதாகிருஷ்ணன் உள்ளிட்ட பா.ஜ.க. நிர்வாகிகள் மீது வழக்கு
கொரோனா விதியை மீறி கூட்டத்தை கூட்டியதாக பொன்.ராதாகிருஷ்ணன் உள்ளிட்ட பா.ஜ.க. நிர்வாகிகள் மீது வழக்குப்பதிவு செய்யப்பட்டுள்ளது.
5. தந்தை-மகன் கொலை வழக்கு: சாத்தான்குளத்தில் சி.பி.ஐ. அதிகாரிகள் அதிரடி விசாரணை
தந்தை-மகன் கொலை வழக்கு தொடர்பாக சாத்தான்குளத்தில் சி.பி.ஐ. அதிகாரிகள் நேற்று அதிரடி விசாரணை நடத்தினார்கள். அப்போது அவர்கள் முக்கிய தடயங்களை ஆய்வு செய்தனர்.