மாநில செய்திகள்

நளினியின் பரோலை நீட்டிக்க சென்னை ஐகோர்ட்டு மறுப்பு + "||" + To extend the parole of Nalini chennai High Court denial

நளினியின் பரோலை நீட்டிக்க சென்னை ஐகோர்ட்டு மறுப்பு

நளினியின் பரோலை நீட்டிக்க சென்னை ஐகோர்ட்டு மறுப்பு
முன்னாள் பிரதமர் ராஜீவ்காந்தி கொலை வழக்கில் பரோலில் வெளியே உள்ள நளினி தனது பரோலை நீட்டிக்க கோரிய மனுவை சென்னை ஐகோர்ட்டு தள்ளுபடி செய்தது.
சென்னை,

முன்னாள் பிரதமர் ராஜீவ்காந்தி கொலை வழக்கில் தண்டனை பெற்ற முருகன் வேலூர் ஆண்கள் சிறையிலும், அவருடைய மனைவி நளினி பெண்கள் சிறையிலும் 28 ஆண்டுகளாக தண்டனை அனுபவித்து வருகிறார்கள். இவர்களுடைய மகளுக்கு திருமண ஏற்பாடு செய்ய 6 மாதம் பரோல் கேட்டு நளினி, சென்னை ஐகோர்ட்டில் வழக்கு தொடர்ந்திருந்தார். ஐகோர்ட்டு நளினிக்கு ஒரு மாதம் பரோல் வழங்கியது. ஜூலை மாதம் 25-ந் தேதி பரோலில் வெளியே வந்த நளினி சத்துவாச்சாரியில் தங்கி தினமும் போலீஸ் நிலையத்தில் கையெழுத்திட்டு வருகிறார்.

இதனையடுத்து பரோலில் வெளியே உள்ள நளினி தனது பரோலை அக்டோபர் 15-ம் தேதி வரை நீட்டிக்கக்கோரி சென்னை ஐகோர்ட்டில் மனுத்தாக்கல் செய்திருந்தார். ஏற்கனவே ஒரு முறை பரோல் நீட்டிப்பு பெற்ற நிலையில், பரோலை 2-வது முறையாக நீட்டிக்க மறுத்த சென்னை ஐகோர்ட்டு நளினியின் மனுவை தள்ளுபடி செய்தது. 

நளினியின் மனுவை சென்னை ஐகோர்ட்டு தள்ளுபடி செய்ததால் வரும் 15-ம் தேதி மாலை 6 மணியுடன் பரோல் முடிகிறது.