உலக செய்திகள்

துருக்கி சிரியாவின் மீதான தாக்குதலுக்கு அமெரிக்கா ஒப்புதல் அளிக்கவில்லை - மைக் பாம்பியோ + "||" + US did not approve Turkeys Syria offensive says Mike Pompeo

துருக்கி சிரியாவின் மீதான தாக்குதலுக்கு அமெரிக்கா ஒப்புதல் அளிக்கவில்லை - மைக் பாம்பியோ

துருக்கி சிரியாவின் மீதான தாக்குதலுக்கு அமெரிக்கா ஒப்புதல் அளிக்கவில்லை - மைக் பாம்பியோ
துருக்கி சிரியாவின் மீதான தாக்குதலுக்கு அமெரிக்கா ஒப்புதல் அளிக்கவில்லை என்று அமெரிக்க வெளியுறவுத்துறை செயலர் மைக் பாம்பியோ கூறினார்.
வாஷிங்டன்

வடகிழக்கு சிரியாவிலிருந்து அமெரிக்கா வெளியேறியவுடன்  துருக்கி தனது ராணுவ நடவடிக்கையைத் தொடங்கியது. சிரிய பாதுகாப்புப் படைகளின் ஒரு பகுதியாக இருக்கும் மற்றும் ஐ.எஸ்.ஐ.எஸ்-க்கு எதிராக அமெரிக்காவுடன்  இணைந்து போராடிய  குர்து  போராளிகளுக்கு எதிராக தனது நீண்டகால திட்டமிடப்பட்ட நடவடிக்கையைத் தொடர டிரம்ப், துருக்கி ஜனாதிபதி ரெசெப் தயிப் எர்டோகனுக்கு அனுமதி கொடுத்தார்.

துருக்கிய விமானங்கள் குர்திஷ் நிலைகளை வான்வழி மற்றும் பீரங்கிகளால் தாக்கின.

குண்டுவெடிப்பினால்  300,000 மக்கள் இடம்பெயரக்கூடும் என்று மனிதாபிமான குழுக்கள் தெரிவித்து உள்ளன. எர்டோகனின் உயர்மட்ட ஆலோசகர்  கிறிஸ்டியன் அமன்பூர் துருக்கி தாக்குதலின் நோக்கம் குறித்து டிரம்ப் முன்கூட்டியே அறிந்திருப்பதாக தெரிவித்துள்ளார்.

இந்த நிலையில் சிரியாவின் வடக்கு எல்லைப் பகுதியிலிருந்து அமெரிக்க படைகளை  திரும்பப் பெறுவதற்கான ஜனாதிபதி  டொனால்ட் டிரம்பின்  முடிவு பரவலாக விமர்சிக்கப்பட்ட நிலையில் இந்த  முடிவை பாம்பியோ ஆதரித்து உள்ளார்.

துருக்கிக்கு நியாயமான பாதுகாப்பு அக்கறை மற்றும் அவர்களின் தெற்கு பகுதிக்கு  ஒரு பயங்கரவாத அச்சுறுத்தல் இருப்பதாகவும் கூறினார்.

தாக்குதல் நடத்த துருக்கிக்கு  அமெரிக்கா அனுமதி அளித்ததாக வெளியான தகவல்கள் "தவறானவை" என்று அவர் கூறினார். அமெரிக்கா துருக்கிக்கு பச்சை விளக்கு காட்டவில்லை என்று அவர் கூறினார்.

தொடர்புடைய செய்திகள்

1. சிரியா எல்லையில் தாக்குதல்: துருக்கி மீது பொருளாதார தடை விதித்து அமெரிக்கா உத்தரவு
சிரியாவில் குர்திஷ் போராளிகள் மற்றும் பொதுமக்களுக்கு எதிரான துருக்கியின் ராணுவ தாக்குதலைத் தடுக்கும் நோக்கில் டிரம்ப் துருக்கி மீது பொருளாதாரத் தடைகளை விதித்து உத்தரவிட்டு உள்ளார்.
2. துருக்கிக்கு எதிரான இந்தியாவின் அறிக்கைக்கு சிரியா வரவேற்பு
துருக்கியின் ராணுவத் தாக்குதலுக்கு எதிரான இந்தியாவின் கருத்தை சிரியா அரசு வரவேற்பதாக சிரியாவின் தூதர் தெரிவித்துள்ளார்.
3. ஈரான் அச்சுறுத்தலை முறியடிக்க சவுதிக்கு கூடுதல் ராணுவ வீரர்களை அனுப்புகிறது அமெரிக்கா
ஈரான் அச்சுறுத்தலை முறியடிப்பதற்காக, சவுதி அரேபியாவுக்கு கூடுதலாக ராணுவ வீரர்களை அனுப்புவதாக அமெரிக்கா அறிவித்துள்ளது.
4. துருக்கிக்கு ஆயுத விற்பனை இடைநிறுத்தம்- பிரான்ஸ் அரசாங்கம் முடிவு
துருக்கி நாட்டிற்கு ஆயுத விற்பனையை இடைநிறுத்த முடிவு செய்துள்ளதாக பிரான்ஸ் அரசாங்கம் அறிவித்துள்ளது.
5. துருக்கியின் பொருளாதாரத்தை அழித்து விடுவதாக டொனால்டு டிரம்ப் எச்சரிக்கை
சிரியா மீதான தாக்குதல் தொடர்பாக துருக்கியின் பொருளாதாரத்தை முற்றிலும் அழித்து விடுவதாக அமெரிக்க ஜனாதிபதி டொனால்டு டிரம்ப் எச்சரித்து உள்ளார்.

ஆசிரியரின் தேர்வுகள்...