உலக செய்திகள்

பாகிஸ்தானியர்கள் எதிர்கொள்ளும் மிகப்பெரிய பிரச்சினை காஷ்மீர் அல்ல பணவீக்கம் தான் - சர்வே + "||" + Pakistanis feel inflation, not Kashmir, is biggest problem facing them: Survey

பாகிஸ்தானியர்கள் எதிர்கொள்ளும் மிகப்பெரிய பிரச்சினை காஷ்மீர் அல்ல பணவீக்கம் தான் - சர்வே

பாகிஸ்தானியர்கள் எதிர்கொள்ளும் மிகப்பெரிய பிரச்சினை காஷ்மீர் அல்ல பணவீக்கம் தான் - சர்வே
பாகிஸ்தானியர்கள் எதிர்கொள்ளும் மிகப்பெரிய பிரச்சினை காஷ்மீர் அல்ல பணவீக்கம் தான் என சர்வே ஒன்று கூறுகிறது.
இஸ்லாமாபாத் 

கேலப் இன்டர்நேஷனல் அசோசியேஷன் என்பது சுவிட்சர்லாந்தின் சூரிச்சில் பதிவு செய்யப்பட்ட சர்வே நடத்தும் அமைப்பாகும் . இந்த அமைப்பும் கிலானி பாகிஸ்தான் என்ற அமைப்பும் இணைந்து  பாகிஸ்தானின் 4 மாகாணங்களில் அந்த நாட்டு மக்களின் முக்கிய பிரச்சினை என்ன என்பது குறித்து ஒரு ஆய்வு நடத்தியது .

பலுசிஸ்தான், கைபர் பக்துன்க்வா, பஞ்சாப் மற்றும் சிந்து ஆகிய நான்கு மாகாணங்களைச் சேர்ந்த ஆண்களும் பெண்களும் இந்த் சர்வேயில் பங்கேற்று உள்ளனர்.

இந்த ஆய்வில், பதிலளித்தவர்களில் 53 சதவீதம் பேர் நாட்டின் பொருளாதாரம், குறிப்பாக பணவீக்கத்தை அதிகரிப்பது நாடு எதிர்கொள்ளும் மிகப்பெரிய பிரச்சினையாக இருப்பதாக  கூறி உள்ளனர்.

பணவீக்கத்தையடுத்து வேலையின்மை (23 சதவீதம் ), ஊழல் (4 சதவீதம் ) மற்றும் நீர் நெருக்கடி (4சதவீதம் ) ஆகியவற்றை  மிகப்பெரிய பிரச்சினையாக கூறி உள்ளனர். 

காஷ்மீர் விவகாரத்தை சர்வதேசமயமாக்க பாகிஸ்தான் அரசாங்கம் கடுமையாக முயன்று வரும் நிலையில், ஆய்வு நடத்தப்பட்டவர்களில்  8 சதவீதம் பேர் மட்டுமே காஷ்மீர்  விவகாரம் குறித்து தங்கள் கவலையை தெரிவித்தனர்.

மேலும் இந்த ஆய்வில் அரசியல் ஸ்திரமின்மை, மின் பற்றாக்குறை, டெங்கு  காய்ச்சல்  போன்ற பிரச்சினைகள் குறித்தும் இந்த மக்கள் கூறி உள்ளனர்.

42% பாகிஸ்தானியர்கள் வறுமைக்கும்  5 சதவீத மக்கள்  மாநில கல்விக்கும் பாகிஸ்தானுக்கு அதிக முன்னுரிமை அளிக்கவேண்டும் என கருதுகின்றனர்.

பாகிஸ்தானின் பொருளாதாரம் கடந்த சில ஆண்டுகளாக நெருக்கடியில் உள்ளது. பலவீனமான மற்றும் சமநிலையற்ற வளர்ச்சியின் காரணமாக பாகிஸ்தான் "குறிப்பிடத்தக்க பொருளாதார சவால்களை" எதிர்கொண்டு வருகிறது.  அதன் பொருளாதாரம் ஒரு முக்கியமான கட்டத்தில் உள்ளது, அங்கு ஒரு லட்சிய மற்றும் தைரியமான சீர்திருத்தங்கள் தேவைப்படும்  என்று சர்வதேச நாணய நிதியம் கடந்த ஜூலை மாதம் கூறி உள்ளது. அந்த நேரத்தில், பாகிஸ்தானில் 8 பில்லியன் டாலருக்கும் குறைவான நாணய இருப்பு இருந்தது, இது 1.7 மாத இறக்குமதியை ஈடுகட்ட போதுமானது.

சர்வதேச நாணய நிதியத்தைத் தவிர, கத்தார், சீனா, சவுதி அரேபியா மற்றும் ஐக்கிய அரபு எமிரேட்ஸ் ஆகிய நாடுகளிடமிருந்து பாகிஸ்தான் கணிசமான கடன்களை பெற்று உள்ளது.

தொடர்புடைய செய்திகள்

1. ஐதராபாத் பொறியாளர் - மத்திய பிரதேச விவசாயி பாகிஸ்தானில் கைது
பாகிஸ்தானுக்குள் சட்டவிரோதமாக நுழைந்ததற்காக ஐதராபாத் பொறியாளர், மத்திய பிரதேச விவசாயி ஆகிய 2 பேர் கைது செய்யப்பட்டனர்.
2. கிலோ ரூ.400 : தங்க நகைகளுக்கு பதிலாக தக்காளி நகைகள் அணிந்த மணப்பெண்
பாகிஸ்தானில் வரலாறு காணாத அளவில் தக்காளி விலை அதிகரித்துள்ளதால், மணப்பெண் ஒருவர் தனது திருமணத்திற்கு தங்க நகைகளை தவிர்த்து, தக்காளியை அணிகலன்களாக அணிந்து அனைவரது கவனத்தையும் ஈர்த்துள்ளார்.
3. பாகிஸ்தானில் ஆற்றில் படகு கவிழ்ந்து 8 பேர் சாவு
பாகிஸ்தானில் ஆற்றில் படகு கவிழ்ந்த விபத்தில் சிக்கி 8 பேர் உயிரிழந்தனர்.
4. பாகிஸ்தானில் சட்ட விரோதமாக நுழைந்ததாக 2 இந்தியர்கள் கைது
பாகிஸ்தானில் சட்ட விரோதமாக நுழைந்ததாக 2 இந்தியர்கள் கைது செய்யப்பட்டனர்.
5. உயிரியல் -வேதியியல் ஆயுத தொழில்நுட்பத்தை சட்டவிரோதமாக வாங்க பாகிஸ்தான் முயற்சி
உயிரியல் மற்றும் வேதியியல் ஆயுதங்களில் பயன்படுத்தப்படும் தொழில்நுட்பத்தை சட்டவிரோதமாக வாங்க பாகிஸ்தான் ஆர்வம் காட்டி வருவதாக ஜெர்மனி அரசு தெரிவித்து உள்ளது.