தேசிய செய்திகள்

ஜனாதிபதி உங்கள் பாக்கெட்டில் இருக்கிறாரா? பாஜகவுக்கு சிவசேனா கேள்வி + "||" + Will Soon Drop Wait And Watch Mode Sena Warns On Maharashtra Impasse

ஜனாதிபதி உங்கள் பாக்கெட்டில் இருக்கிறாரா? பாஜகவுக்கு சிவசேனா கேள்வி

ஜனாதிபதி உங்கள் பாக்கெட்டில் இருக்கிறாரா? பாஜகவுக்கு சிவசேனா கேள்வி
ஜனாதிபதி உங்கள் பாக்கெட்டில் இருக்கிறாரா? அல்லது அவரது முத்திரை பாஜக அலுவலகத்தில் உள்ளதா? என சிவசேனா கேள்வி எழுப்பி உள்ளது.
மும்பை

மராட்டிய மாநில சட்டசபை தேர்தலில் முடிவுகள் வெளியாகி இன்றுடன் 10 நாட்களாகிறது. புதிய அரசு அமைவதில் இழுபறி நிலவி வருகிறது. 

288 உறுப்பினர்களை கொண்ட மராட்டிய சட்டசபையில் 161 இடங்களை பாரதீய ஜனதா, சிவசேனா கூட்டணி கைப்பற்றினாலும், இரு கட்சிகளிடையே அதிகார பகிர்வில் மோதல் போக்கு நில வருகிறது.

சிவசேனா கட்சியின் மூத்த தலைவர் சஞ்சய் ராவத் எம்.பி., மும்பையில் நேற்று நிருபர்களிடம் பேசுகையில், “ஆட்சியில் 50:50 பார்முலா (சம பங்கு) அடிப்படையில்தான் மக்கள் தீர்ப்பு அளித்து உள்ளனர். இந்த திட்டம் மக்கள் மத்தியில் சென்றடைந்து உள்ளது. சிவசேனாவை சேர்ந்தவர் தான் முதல்-மந்திரியாக இருப்பார்” என திட்டவட்டமாக தெரிவித்தார்.

பாரதீய ஜனதா உடன்பாட்டுக்கு வராத பட்சத்தில், சரத்பவாரின் தேசியவாத காங்கிரஸ் மற்றும் காங்கிரஸ் ஆதரவுடன் சிவசேனா ஆட்சி அமைக்கும் என்றும் கூறப்படுகிறது. இதையொட்டி சரத்பவாரை சஞ்சய் ராவத் சந்தித்து பேசியதும் முக்கியத்துவம் பெற்றுள்ளது.

இந்த நிலையில் பாரதீய ஜனதா மூத்த தலைவரும், நிதி மந்திரியுமான சுதீர் முங்கண்டிவார் டி.வி. சேனல் ஒன்றுக்கு அளித்த பேட்டியில், “எங்கள் இரு கட்சிகளும் ஆட்சி அமைக்க வேண்டும் என்பதுதான் மக்கள் தீர்ப்பு. விரைவில் கூட்டணி அரசு அமையும். ஒருவேளை வழங்கப்பட்ட காலத்துக்குள் (வரும் 7-ந்தேதி) புதிய அரசு அமையவில்லை என்றால், விதிமுறைகளின்படி ஜனாதிபதி தலையிடுவார். அவர் ஜனாதிபதி ஆட்சியை அமல்படுத்துவார்” என தெரிவித்தார்.

இது மராட்டிய மாநில அரசியல் அரங்கில் புதிய பரபரப்பை ஏற்படுத்தி உள்ளது.

இது குறித்து உத்தவ் தாக்கரே கூறும் போது "பாஜக அதிகாரத்தை கோருவதற்கான அனைத்து வழிகளையும்  கையாண்ட  பின் இந்த அச்சுறுத்தல் கொடுத்து உள்ளதா?  சிவசேனா விரைவில் மராட்டியத்தில் தனது காத்திருப்பை கைவிடும் என கூறி உள்ளார்.

சிவசேனாவின்  "சாம்னா" பத்திரிகையின் தலையங்கத்தில் கடுமையான தாக்குதல் தொடங்கி உள்ளது . பத்திரிகையில்  ஜனாதிபதி உங்கள் பாக்கெட்டில் இருக்கிறாரா? மராட்டியத்தை அவமதிப்பதா" என்ற தலைப்பில் கட்டுரை வெளியிட்டு   உள்ளது.

கட்டுரையில் "உங்கள் (பாஜக) கட்டுப்பாட்டின் கீழ் ஜனாதிபதி இருக்கிறாரா? அல்லது ஜனாதிபதியின் முத்திரை பாஜக அலுவலகத்தில் உள்ளதா? இது கட்சியில் மாநிலத்தில் அரசாங்கத்தை உருவாக்க முடியாவிட்டால், மராட்டியத்தில்  ஜனாதிபதியின் ஆட்சியை அமுல்படுத்த முடியுமா என கேள்வி எழுப்பப்பட்டு உள்ளது.

தொடர்புடைய செய்திகள்

1. ஜனாதிபதியுடன் நிதி அமைச்சர் நிர்மலா சீதாராமன் சந்திப்பு
2020-2021 ஆம் நிதியாண்டுக்கான பட்ஜெட்டை தாக்கல் செய்ய உள்ள நிலையில், ஜனாதிபதியை நிதி அமைச்சர் சந்தித்தார்.
2. ஜனாதிபதி பொங்கல் வாழ்த்து
ஜனாதிபதி ராம்நாத் கோவிந்த் நாட்டு மக்கள் அனைவருக்கும் பொங்கல் வாழ்த்து தெரிவித்துள்ளார்.
3. ஜனாதிபதி, பிரதமருக்கு எடப்பாடி பழனிசாமி புத்தாண்டு வாழ்த்து
புத்தாண்டையொட்டி ஜனாதிபதி, பிரதமருக்கு முதல்-அமைச்சர் எடப்பாடி பழனிசாமி வாழ்த்து தெரிவித்துள்ளார்.
4. இந்தியாவின் அனைத்து இடங்களிலும் விவேகானந்தரின் கருத்துகளை பரப்ப வேண்டும் ஜனாதிபதி பேச்சு
இந்தியாவின் அனைத்து இடங்களிலும் விவேகானந்தரின் கருத்துகளை பரப்ப வேண்டும் என்று ஜனாதிபதி ராம்நாத் கோவிந்த் கூறினார்.
5. கன்னியாகுமரி கடலில் படகில் பயணம் செய்து விவேகானந்தர் நினைவு மண்டபத்தை ஜனாதிபதி பார்வையிட்டார்
கன்னியாகுமரி வந்த ஜனாதிபதி ராம்நாத் கோவிந்த் கடலில் படகில் பயணம் செய்து விவேகானந்தர் மண்டபத்தை பார்வையிட்டார். சூரியன் மறையும் காட்சியையும் ரசித்தார்.