தேசிய செய்திகள்

பீகாரில் சாத் பூஜை கொண்டாட்டங்களில் 30 பேர் சாவு + "||" + 30 die in Saath Puja celebrations in Bihar

பீகாரில் சாத் பூஜை கொண்டாட்டங்களில் 30 பேர் சாவு

பீகாரில் சாத் பூஜை கொண்டாட்டங்களில் 30 பேர் சாவு
பீகார் சாத் பூஜை கொண்டாட்டத்தின்போது சிறுவர்கள் உள்பட 30 பேர் பரிதாபமாக உயிரிழந்தனர்.
பாட்னா,

வடமாநிலங்களில் சூரியனுக்கு நன்றி தெரிவிக்கும் விதமாக சாத் பூஜை கொண்டாடப்பட்டு வருகிறது. நீர்நிலைகளில் நின்று சூரியனை வழிபட்டு நன்றி தெரிவிப்பது பொதுமக்கள் வழக்கம். பீகார் மாநிலம் சமஸ்திபூர் மாவட்டம் பர்கான் கிராமத்தில் சாத் பூஜை நேற்று கொண்டாடப்பட்டது.


அங்கு கோவிலின் அருகே இருந்த குளத்தில் பொதுமக்கள் பூஜை செய்து கொண்டிருந்தனர். அப்போது எதிர்பாராதவிதமாக அருகில் இருந்த கோவிலின் சுவர் இடிந்து விழுந்தது. இதில் 2 பெண்கள் உயிரிழந்தனர். மேலும், 7 பேர் காயம் அடைந்தனர். அவர்கள் உடனடியாக மீட்கப்பட்டு அருகில் உள்ள அரசு மருத்துவமனையில் அனுமதிக்கப்பட்டனர். அங்கு சிகிச்சை பலனின்றி மேலும் ஒருவர் உயிரிழந்தார்.

இதேபோல், சமஸ்திபூர் மாவட்டம் கஜூரி கிராமத்தில் சாத் பூஜை கொண்டாட்டத்தின்போது குளத்தில் குளித்த ஒருவரும், பிர்கா கிராமத்தில் ஒருவரும் நீரில் மூழ்கி உயிரிழந்தனர். மேலும், சராரி காத் பகுதியில் கங்கை ஆற்றில் குளித்த 16 வயது சிறுவனும் நீரில் மூழ்கி இறந்தார்.

பெகுசராய் மாவட்டத்தில் சூரியனுக்கு நன்றி தெரிவிக்கும் விதமாக ஏராளமானோர் குளத்தில் இறங்கி பூஜை செய்து கொண்டிருந்தனர். அப்போது ஆழமான பகுதிக்கு சென்ற சிறுவர்கள் 4 பேர் நீரில் மூழ்கினர். இதைப் பார்த்ததும் அருகில் இருந்தவர்கள் விரைந்து சென்று 2 சிறுவர்களை மீட்டனர். மற்ற 2 பேர் நீரில் மூழ்கி பரிதாபமாக உயிரிழந்தனர்.

இதேபோல், மாநிலத்தில் பல்வேறு பகுதிகளில் சாத் பூஜை கொண்டாட்டங்களின்போது குளத்தில் மூழ்கியும், கூட்ட நெரிசலில் சிக்கியும் சிறுவர்கள் உள்பட மேலும் 22 பேர் பலியானார்கள். இதனால் சாத் பூஜை கொண்டாட்டங்களில் உயிரிழந்தவர்களின் எண்ணிக்கை 30 ஆக உயர்ந்தது.


தொடர்புடைய செய்திகள்

1. பீகாரில் குடும்பநல கோர்ட்டில் துப்பாக்கிச்சூடு; ஒருவர் படுகாயம்
பீகார் மாநிலத்தில் குடும்ப நல நீதிமன்ற வளாகத்தில் வைத்து நடந்த துப்பாக்கிச்சூட்டில் ஒருவர் படுகாயமடைந்தார்.
2. பீகார், மராட்டியத்தில் 2 எம்.பி. தொகுதி தேர்தல்: பஸ்வான், பவார் கட்சி தலா ஒரு இடத்தில் வெற்றி
பீகார், மராட்டியத்தில் 2 எம்.பி. தொகுதி தேர்தலில், பஸ்வான், பவார் கட்சி தலா ஒரு இடத்தில் வெற்றிபெற்றது.
3. பீகாரில் கனமழைக்கு பலியானோர் எண்ணிக்கை 42 ஆக உயர்வு
பீகாரில் கனமழைக்கு பலியானோர் எண்ணிக்கை 42 ஆக உயர்ந்துள்ளது.
4. பீகாரில் வெள்ளப்பெருக்கு: மீட்பு பணியில் தேசிய பேரிடர் மீட்பு படை
பீகாரில் கனமழை காரணமாக வெள்ளப்பெருக்கு ஏற்பட்டுள்ளதால் மீட்பு பணியில் தேசிய பேரிடர் மீட்பு படை தீவிரமாக ஈடுபட்டுள்ளது.
5. பீகார்: வெள்ளத்தில் சிக்கிய துணை முதல்வர், அவரது குடும்பத்தினர் மீட்பு
பீகாரில் வெள்ளத்தில் சிக்கிய துணை முதல்வர், அவரது குடும்பத்தினரை மீட்பு படையினர் மீட்டனர்.