மாநில செய்திகள்

ரூ.25 கோடி செலவில் தடுப்பணை, கட்டிடங்கள்; முதல்-அமைச்சர் எடப்பாடி பழனிசாமி திறந்து வைத்தார் + "||" + Prevention dam, buildings at a cost of Rs 25 crore; The inauguration of the chief Minister, Edappadi Palanisamy

ரூ.25 கோடி செலவில் தடுப்பணை, கட்டிடங்கள்; முதல்-அமைச்சர் எடப்பாடி பழனிசாமி திறந்து வைத்தார்

ரூ.25 கோடி செலவில் தடுப்பணை, கட்டிடங்கள்; முதல்-அமைச்சர் எடப்பாடி பழனிசாமி திறந்து வைத்தார்
ரூ.25 கோடி செலவில் கட்டப்பட்ட தடுப்பணைகள் மற்றும் கட்டிடங்களை முதல்-அமைச்சர் எடப்பாடி பழனிசாமி திறந்து வைத்தார்.
சென்னை, 

தர்மபுரி மாவட்டம் பாளையம்புதூர் கிராமத்தில் புனரமைக்கப்பட்ட மாரியம்மன் கோவில் பள்ளம் அணைக்கட்டு; கிருஷ்ணகிரி மாவட்டம், பாரூர் கிராமம், அரசம்பட்டி அருகில் தென்பெண்ணை ஆற்றின் குறுக்கே நிலத்தடி நீர் செறிவூட்டும் திட்டத்தின் கீழ், 6 கூட்டு குடிநீர்த்திட்ட கிணறுகள் மூலம் 224 கிராம மக்களுக்கு நிரந்தரமாக குடிநீர் வழங்கிடும் வகையில் கட்டப்பட்டுள்ள தடுப்பணை;

போச்சம்பள்ளி தாலுகா, பெண்டறஹள்ளி கிராமத்தில் தென்பெண்ணை ஆற்றின் குறுக்கே நிலத்தடி நீர் செறிவூட்டும் திட்டத்தின் கீழ், பெண்டறஹள்ளி, காசானூர் ஆகிய கிராமங்களில் அமைந்துள்ள 34 பாசன கிணறுகளின் நிலத்தடி நீரை உயர்த்தும் வகையில் கட்டப்பட்டுள்ள தடுப்பணை; திருவண்ணாமலை மாவட்டம், அம்மாபாளையம் கிராமத்தில் நாகநதியின் குறுக்கே, மேல் நகர் ஊராட்சி பகுதியில் உள்ள 97 ஆழ்துளை கிணறுகளின் நிலத்தடி நீரை உயர்த்தும் வகையில் கட்டப்பட்டுள்ள தடுப்பணை ஆகிய முடிவுற்ற திட்டப்பணிகளை முதல்-அமைச்சர் எடப்பாடி பழனிசாமி திறந்து வைத்தார்.

மேலும் கன்னியாகுமரி மாவட்டம், தோவாளையில் உள்ள பொதுப்பணித்துறை வளாகத்தில் அமைந்துள்ள அரசு ஆய்வு மாளிகையின் அருகில் கட்டப்பட்டுள்ள கூடுதல் அலுவலக கட்டிடம் என மொத்தம் 25 கோடியே 16 லட்சம் ரூபாய் மதிப்பீட்டில் கட்டப்பட்டுள்ள நீர்வள ஆதாரத் துறை மற்றும் பொதுப்பணித்துறைகளின் முடிவுற்ற திட்டப்பணிகளான தடுப்பணைகள் மற்றும் கட்டிடங்களை தலைமைச் செயலகத்தில் இருந்து காணொலி காட்சி மூலம் முதல்-அமைச்சர் எடப்பாடி பழனிசாமி நேற்று திறந்துவைத்தார்.

மேற்கண்ட தகவல் தமிழக அரசு வெளியிட்ட செய்திக் குறிப்பில் கூறப்பட்டுள்ளது.

தொடர்புடைய செய்திகள்

1. தமிழகம் முழுவதும் 3,501 நகரும் ரேஷன் கடைகள் விரைவில் எடப்பாடி பழனிசாமி தொடங்கி வைக்கிறார்
மக்கள் குடியிருப்புகளுக்கு அருகில் வந்து பொருட்கள் வினியோகம் செய்வதற்காக தமிழகம் முழுவதும் 3,501 நகரும் ரேஷன் கடைகளை முதல்-அமைச்சர் எடப்பாடி பழனிசாமி விரைவில் தொடங்கிவைக்கிறார்.
2. எடப்பாடி பழனிசாமியை முன்னிறுத்தி தேர்தலை சந்திப்பதே தொண்டர்கள் விருப்பம்: அமைச்சர் உதயகுமார் பேட்டி
முதல்-அமைச்சர் வேட்பாளராக எடப்பாடி பழனிசாமியை முன்னிறுத்தி தேர்தலை சந்திப்பதே அ.தி.மு.க. தொண்டர்கள் விருப்பம் என மதுரையில் அமைச்சர் ஆர்.பி.உதயகுமார் கூறினார்.
3. எடப்பாடி பழனிசாமி தலைமையிலும், ஓபிஎஸ் வழிகாட்டல் படியும் அதிமுக செயல்படும் ; ஆர்.பி உதயகுமார்
எடப்பாடி பழனிசாமி தலைமையிலும், ஓபிஎஸ் வழிகாட்டல் படியும் அதிமுக செயல்படும் என்று வருவாய் துறை அமைச்சர் ஆர்.பி உதயகுமார் தெரிவித்தார்.
4. பொருளாதார சரிவை சரிசெய்ய ரூ.9 ஆயிரம் கோடி சிறப்பு மானியம் பிரதமரிடம் எடப்பாடி பழனிசாமி கோரிக்கை
கொரோனா தாக்கத்தால் நிலவும் பொருளாதார சரிவை சரிசெய்ய ரூ.9 ஆயிரம் கோடியை சிறப்பு மானியமாக வழங்க வேண்டும் என்று பிரதமரிடம் முதல்-அமைச்சர் எடப்பாடி பழனிசாமி கோரிக்கை விடுத்துள்ளார்.
5. “எடப்பாடி பழனிசாமி என்றும் முதல்வர் என்ற இலக்குடன் தேர்தலை சந்திப்போம்” - அமைச்சர் ராஜேந்திர பாலாஜி
எடப்பாடி பழனிசாமியை முதல்வர் வேட்பாளராக முன்னிறுத்தி தேர்தலைச் சந்திக்க வேண்டும் என பால்வளத்துறை அமைச்சர் ராஜேந்திர பாலாஜி தெரிவித்துள்ளார்.

ஆசிரியரின் தேர்வுகள்...