மாநில செய்திகள்

மு.க.ஸ்டாலினை புகழ்ந்து பேசிய பி.டி.அரசகுமார் மீது நடவடிக்கை எடுக்க தமிழக பாஜக கோரிக்கை + "||" + Speaking of MK Stalin On Bt Arasakumar   take action Tamil Nadu BJP demands

மு.க.ஸ்டாலினை புகழ்ந்து பேசிய பி.டி.அரசகுமார் மீது நடவடிக்கை எடுக்க தமிழக பாஜக கோரிக்கை

மு.க.ஸ்டாலினை புகழ்ந்து பேசிய பி.டி.அரசகுமார் மீது நடவடிக்கை எடுக்க தமிழக பாஜக கோரிக்கை
மு.க.ஸ்டாலினை புகழ்ந்து பேசியதற்காக பாஜக துணைத்தலைவர் பி.டி.அரசகுமார் மீது நடவடிக்கை எடுக்க பாஜகவின் தேசிய தலைமைக்கு தமிழக பாஜக பரிந்துரை செய்து உள்ளது.
 சென்னை,

புதுக்கோட்டையில் நடைபெற்ற திருமண விழா ஒன்றில் பா.ஜ.க. மாநில துணை தலைவர் பி.டி. அரசகுமார் கலந்து கொண்டு  பேசும்பொழுது, எம்.ஜி.ஆருக்கு அடுத்து நான் ரசிக்கும் தலைவர் மு.க.ஸ்டாலின்.  அவர் நினைத்தால் கூவத்தூர் சம்பவத்தின் போதே முதல்வராகியிருக்க முடியும்.  ஆனால் அவர் ஜனநாயகத்திற்காக அமைதியாக இருந்தார்.  காலம் வரும், கட்டாயம் மு.க. ஸ்டாலின் முதல் அமைச்சர் ஆவார் என பேசினார்.

அவரது இந்த பேச்சு பா.ஜ.க.வினரிடையே சலசலப்பினை ஏற்படுத்தியது.  இந்நிலையில் சென்னை விமான நிலையத்தில் தனது பேச்சு குறித்து பேட்டி அளித்த பி.டி.அரசகுமார், என்னுடைய தனிப்பட்ட உணர்வுகளை நான் வெளிப்படுத்தினேன்.  மு.க. ஸ்டாலினை சாதாரணமாக தான் வாழ்த்தினேன்.  கட்சி தலைமை என்ன முடிவு எடுத்தாலும் அதனை ஏற்க தயார் என கூறி இருந்தார்.

இந்த நிலையில் மு.க. ஸ்டாலினை புகழ்ந்து பேசிய பாஜக மாநில துணை தலைவர் பி.டி.அரசகுமார் மீது நடவடிக்கை எடுக்க வலியுறுத்தி கட்சி தலைமைக்கு  தமிழக பாஜக கடிதம் அனுப்பி உள்ளது.

தேசிய தலைமையில் இருந்து பதில் வரும் வரை கட்சி சார்பில் எந்த நிகழ்ச்சிகளிலும், கூட்டங்களிலும் பி.டி.அரசகுமார் கலந்துக்கொள்ள கூடாது என தமிழக பாஜக கூறி உள்ளது.

தொடர்புடைய செய்திகள்

1. தாங்க முடியாத கடன் சுமை நிதி மேலாண்மையில் அ.தி.மு.க. அரசு தோல்வி மு.க.ஸ்டாலின் குற்றச்சாட்டு
அ.தி.மு.க. அரசு நிதி மேலாண்மையில் தோல்வி அடைந்து விட்டதாக மு.க.ஸ்டாலின் குற்றம்சாட்டி உள்ளார்.
2. ராஜஸ்தான்; காங்.அரசுக்கு எதிராக இன்று நம்பிக்கையில்லா தீர்மானம் கொண்டு வருகிறது பாஜக
ராஜஸ்தானில் காங்கிரஸ் அரசுக்கு எதிராக சட்டப்பேரவையில் நம்பிக்கையில்லா தீர்மானம் கொண்டு வர பாஜக முடிவு செய்துள்ளது.
3. பொருளாதார இடஒதுக்கீட்டால் சமூக அநீதி; சிவில் சர்வீசஸ் தேர்வு முடிவு குறித்து ஆய்வு நடத்த வேண்டும்-பிரதமருக்கு, மு.க.ஸ்டாலின் வலியுறுத்தல்
சிவில் சர்வீசஸ் தேர்வில் பொருளாதார இடஒதுக் கீட்டால் சமூக அநீதி ஏற்பட்டு உள்ளது என்றும், இந்த தேர்வு முடிவுகள் குறித்து ஆய்வு நடத்த வேண்டும் என்றும் மு.க.ஸ்டாலின் வலியுறுத்தி உள்ளார்.
4. பாஜகவின் ஜனநாயக விரோத முகத்தில் விழுந்த அடி: சச்சின் பைலட் விவகாரம் குறித்து காங்கிரஸ் கருத்து
ராஜஸ்தான அரசியலில் குழப்பம் முடிவுக்கு வர உள்ள நிலையில் இது ஜனநாயக விரோத பாஜகவின் முகத்தில் விழுந்த நேரடி அடி என காங்கிரஸ் தெரிவித்துள்ளது.
5. கொரோனா காலத்தில் தினமும் பல மருத்துவர்கள் உயிரிழந்து வரும் செய்தி அதிர்ச்சி அளிக்கிறது - மு.க.ஸ்டாலின்
தமிழகத்தில் கொரோனாவால் உயிரிழந்துள்ள மருத்துவர்களின் எண்ணிக்கையை வெளியிட வேண்டும் என திமுக தலைவர் மு.க.ஸ்டாலின் கூறியுள்ளார்.