தேசிய செய்திகள்

உடலை அறுக்காமல் பிரேத பரிசோதனை - ஆஸ்பத்திரிகளில் புதிய தொழில்நுட்பம் விரைவில் அறிமுகம் + "||" + Autopsy without dismemberment - New technology to be introduced soon in hospitals

உடலை அறுக்காமல் பிரேத பரிசோதனை - ஆஸ்பத்திரிகளில் புதிய தொழில்நுட்பம் விரைவில் அறிமுகம்

உடலை அறுக்காமல் பிரேத பரிசோதனை - ஆஸ்பத்திரிகளில் புதிய தொழில்நுட்பம் விரைவில் அறிமுகம்
ஆஸ்பத்திரிகளில் உடலை அறுக்காமல் பிரேத பரிசோதனை செய்யும் புதிய தொழில்நுட்பம் விரைவில் அறிமுகப்படுத்தப்பட உள்ளது.
புதுடெல்லி,

நாடாளுமன்ற மாநிலங்களவையில் நேற்று கேள்வி நேரத்தின்போது, மத்திய சுகாதாரத்துறை மந்திரி ஹர்ஷ வர்தன் புதிய தகவல் ஒன்றை வெளியிட்டார்.

அவர் கூறியதாவது:-

தற்போது, இறந்தவர்கள் உடலை பிரேத பரிசோதனை செய்யும்போது, உடல் வெட்டப்படுகிறது. இதனால், இறந்தவர்களின் உறவினர்கள் வேதனைப்படுகிறார்கள்.


ஆகவே, உடலை கண்ணியமாக நடத்தும் வகையில், இறந்தவரின் உடலை கூறு போடாமல் பிரேத பரிசோதனை செய்யும் புதிய தொழில்நுட்பத்தை டெல்லி ‘எய்ம்ஸ்’ ஆஸ்பத்திரியும், இந்திய மருத்துவ ஆராய்ச்சி கவுன்சிலும் கூட்டாக உருவாக்கி வருகிறார்கள். இதற்காக எய்ம்ஸ் ஆஸ்பத்திரிக்கு இந்திய மருத்துவ ஆராய்ச்சி கவுன்சில் ரூ.5 கோடி கொடுத்துள்ளது. இந்த பணி முன்னேறிய கட்டத்தில் இருக்கிறது.

தென்கிழக்கு ஆசிய நாடுகளிலேயே முதல் முறையாக இந்தியாவில்தான் இத்தகைய தொழில்நுட்பம் அறிமுகம் ஆகப்போகிறது. இதற்கு ‘மெய்நிகர் பிரேத பரிசோதனை’ என்று பெயர். இன்னும் 6 மாதங்களில் இது நடைமுறைக்கு வரும். முதலில், டெல்லி எம்ய்ஸ் ஆஸ்பத்திரியிலும், பிறகு மற்ற ஆஸ்பத்திரிகளிலும் இந்த தொழில்நுட்பம் பின்பற்றப்படும். இதற்காக டாக்டர்களுக்கு பயிற்சி அளிக்கப்படும்.

வழக்கமான பிரேத பரிசோதனைக்கு இரண்டரை மணி நேரம் ஆகும். ஆனால், இந்த புதிய பிரேத பரிசோதனையை அரை மணி நேரத்தில் முடித்து விடலாம். நேரம் மிச்சமாவதுடன், செலவும் மிச்சமாகும். பிரேத பரிசோதனை தொடர்பான அனைத்து ஆவணங்களும் எதிர்கால ஆய்வுக்காக டிஜிட்டல் முறையில் சேமித்து வைக்கப்படும். இவ்வாறு அவர் கூறினார்.


தொடர்புடைய செய்திகள்

1. திருச்சி அதவத்தூரில் மரணமடைந்த சிறுமி பாலியல் வன்கொடுமைக்கு ஆளாகவில்லை- பிரேதப் பரிசோதனை அறிக்கையில் தகவல்
திருச்சி அதவத்தூரில் மரணமடைந்த சிறுமி பாலியல் வன்கொடுமைக்கு ஆளாகவில்லை என்று பிரேத பரிசோதனை அறிக்கையில் தெரிவிக்கப்பட்டுள்ளது.
2. தங்கையின் உடலை மீண்டும் பிரேத பரிசோதனை செய்ய சுடுகாட்டில் அமர்ந்து போராடும் வாலிபர்
தங்கையின் சாவில் மர்மம் உள்ளது, ஆகவே அவரது உடலை மீண்டும் பிரேத பரிசோதனை செய்ய வேண்டும் என்று கூறி சுடுகாட்டில் அவரது சகோதரர் காத்திருந்து போராட்டத்தில் ஈடுபட்டுள்ளார்.
3. கடலூர் முதுநகரில் மாயமான வாலிபர் கழுத்தை அறுத்து கொலை உடலை தோண்டி எடுத்து பிரேத பரிசோதனை
கடலூர் முதுநகரில் வாலிபர் மாயமான வழக்கில் திடீர் திருப்பமாக, அவர் கழுத்தை அறுத்து கொலை செய்யப்பட்டது தெரியவந்தது. இதையடுத்து தாசில்தார் முன்னிலையில் அவரது உடல் தோண்டி எடுக்கப்பட்டு பிரேத பரிசோதனை செய்யப்பட்டது.
4. அவினாசி கோர விபத்தில் பலியான 19 பேரின் உடல்களும் ஒரே நாளில் பிரேத பரிசோதனை
அவினாசி கோர விபத்தில் பலியான 19 பேரின் உடல்களும் ஒரே நாளில் திருப்பூர் அரசு ஆஸ்பத்திரியில் பிரேத பரிசோதனை செய்யப்பட்டது. இந்த பிரேத பரிசோதனை இரவு வரை நீடித்தது.