தேசிய செய்திகள்

உள்ளாட்சி தேர்தல் அறிவிப்பாணையை ரத்து செய்ய வேண்டும் - சுப்ரீம் கோர்ட்டில் தி.மு.க. புதிய மனு + "||" + Local Election Notification Demanding a ban DMK petition in Supreme Court

உள்ளாட்சி தேர்தல் அறிவிப்பாணையை ரத்து செய்ய வேண்டும் - சுப்ரீம் கோர்ட்டில் தி.மு.க. புதிய மனு

உள்ளாட்சி தேர்தல் அறிவிப்பாணையை ரத்து செய்ய வேண்டும் - சுப்ரீம் கோர்ட்டில் தி.மு.க. புதிய மனு
உள்ளாட்சி தேர்தல் அறிவிப்பாணையை ரத்து செய்ய வேண்டும் என்று சுப்ரீம் கோர்ட்டில் தி.மு.க. சார்பில் நேற்று மேலும் ஒரு மனு தாக்கல் செய்யப்பட்டுள்ளது.
புதுடெல்லி,

தமிழ்நாடு மாநில தேர்தல் ஆணையம் கடந்த 2-ந் தேதி வெளியிட்ட உள்ளாட்சி தேர்தல் அறிவிப்பாணையை ரத்து செய்ய வேண்டும் என்று சுப்ரீம் கோர்ட்டில் தி.மு.க. சார்பில் நேற்று மேலும் ஒரு மனு தாக்கல் செய்யப்பட்டுள்ளது.


தமிழகத்தில் உள்ளாட்சி அமைப்புகளுக்கு 2011-ம் ஆண்டுக்கு பிறகு ஊரக உள்ளாட்சி தேர்தல் நடைபெறவில்லை. பதவிக்காலம் முடிவடைந்ததையடுத்து கடந்த 2016-ம் ஆண்டு அக்டோபர் மாதம் 17 மற்றும் 19-ந்தேதிகளில் இரண்டு கட்டங்களாக நடத்த அறிவிப்பு வெளியிடப்பட்டது.

ஆனால் கோர்ட்டில் தொடரப்பட்ட வழக்கின் காரணமாக உள்ளாட்சி தேர்தல் ரத்து செய்யப்பட்டது.

இதனால் கடந்த 3 ஆண்டுகளாக உள்ளாட்சி தேர்தல் நடத்தப்படவில்லை. இந்த நிலையில் தமிழகத்தில் ஊரக உள்ளாட்சி அமைப்புகளுக்கான தேர்தல் வருகிற 27 மற்றும் 30-ந்தேதிகளில் இரு கட்டங்களாக நடைபெறும் என்று தமிழ்நாடு மாநில தேர்தல் ஆணையம் கடந்த 2-ந்தேதி அறிவித்தது. ஆனால் மாநகராட்சி, நகராட்சி மற்றும் பேரூராட்சிக்கு தேர்தல் தேதி அறிவிக்கப்படவில்லை.

இந்தநிலையில் மாநில தேர்தல் ஆணையம் வெளியிட்ட உள்ளாட்சி தேர்தல் அறிவிப்பாணையை ரத்து செய்ய கோரி சுப்ரீம் கோர்ட்டில் தி.மு.க. சார்பில் நேற்று புதிய மனு தாக்கல் செய்யப்பட்டுள்ளது.

அந்த மனுவில், ‘உள்ளாட்சி தேர்தல் தொடர்பாக கடந்த 2-ந் தேதி மாநில தேர்தல் ஆணையம் வெளியிட்டுள்ள அறிவிப்பாணையை ரத்து செய்ய வேண்டும். தொகுதி மறுவரையறை பணிகள் நிறைவடைந்த பின்னர் உள்ளாட்சி தேர்தல் தொடர்பான அறிவிப்பாணையை வெளியிட உத்தரவிட வேண்டும். மாநில தேர்தல் ஆணையம் வெளியிட்ட அறிவிப்பாணைக்கு தடை விதிக்க வேண்டும். இவ்வாறு இந்த மனுவில் கூறப்பட்டுள்ளது.

தேர்தல் அறிவிப்பு வெளியிடும் முன்பு கடந்த வாரம் தி.மு.க. சார்பில் சுப்ரீம் கோர்ட்டில் தாக்கல் செய்யப்பட்ட மனுவில், ‘தமிழக அரசு உள்ளாட்சி தேர்தலை தாமதப்படுத்தும் நோக்கத்துடன் திடீரென புதிய மாவட்டங்களை அறிவித்துள்ளது. இந்த மாவட்டங்களில் தொகுதி மறுவரையறை, சுழற்சி முறையிலான ஒதுக்கீடு ஆகிய சட்ட நடைமுறைகளை மேற்கொண்டு உடனடியாக தேர்தல் தேதி தொடர்பான அறிவிப்பாணையை மாநில தேர்தல் ஆணையம் வெளியிடுமாறு உத்தரவிட வேண்டும்’ என்று கூறப்பட்டிருந்தது.

இதையடுத்து இதே கோரிக்கையுடன் காஞ்சீபுரம் மாவட்டத்தை சேர்ந்த மாரியப்பன், நெல்லை மாவட்டத்தை சேர்ந்த உமாபதி உள்ளிட்ட 6 பேர் மனு தாக்கல் செய்துள்ளனர். இந்த மனுக்கள் அனைத்தும் இன்று (வியாழக்கிழமை) விசாரணைக்கு எடுத்துக்கொள்வதாக ஏற்கனவே சுப்ரீம் கோர்ட்டு அறிவித்துள்ளது நினைவுகூரத்தக்கது.



தொடர்புடைய செய்திகள்

1. 9 மாவட்டங்கள் நீங்கலாக தமிழகத்தில் உள்ளாட்சி தேர்தலை நடத்தலாம் - சுப்ரீம் கோர்ட்டு தீர்ப்பு
தமிழகத்தில் 9 மாவட்டங்கள் தவிர மற்ற மாவட்டங்களில் உள்ளாட்சி தேர்தலை நடத்தலாம் என்று சுப்ரீம் கோர்ட்டு தீர்ப்பு கூறி உள்ளது.
2. உள்ளாட்சி தேர்தலில் வேட்பு மனு தாக்கல் செய்ய வந்தவர்கள் ஏமாற்றம்
உள்ளாட்சி தேர்தலில் வேட்பு மனு தாக்கல் செய்ய வந்தவர்கள் ஏமாற்றத்துடன் திரும்பி சென்றனர்.
3. உள்ளாட்சி தேர்தலில் நிச்சயம் அதிமுக வெற்றி பெறும் -அமைச்சர் ஜெயக்குமார்
சென்னையில் நடைபெற்ற அதிமுக மாவட்ட செயலாளர்கள் கூட்டம் நிறைவடைந்ததையடுத்து அமைச்சர் ஜெயக்குமார் செய்தியாளர்களை சந்தித்தார்.
4. உள்ளாட்சி தேர்தல் நடத்தவில்லையென்றால் சட்டசபையை முற்றுகையிட்டு போராட்டம் - பா.ஜனதா அறிவிப்பு
புதுச்சேரி மாநிலத்தில் உள்ளாட்சி தேர்தல் நடத்தவில்லையென்றால் சட்டசபையை முற்றுகையிட்டு போராட்டம் நடத்துவோம் என்று பா.ஜனதா கட்சியின் மாநில தலைவர் சாமிநாதன் எம்.எல்.ஏ. கூறினார்.
5. உள்ளாட்சி தேர்தலில் 308 வாக்குச்சாவடிகள் மிகவும் பதற்றமானவை - கலெக்டர் சண்முகசுந்தரம் பேச்சு
வேலூர் ஒருங்கிணைந்த மாவட்டத்தில் நடைபெறும் உள்ளாட்சி தேர்தலில் 308 வாக்குச்சாவடிகள் மிகவும் பதற்றமானவைகளாக கண்டறியப்பட்டுள்ளது என்று அனைத்துகட்சி கூட்டத்தில் வேலூர் மாவட்ட கலெக்டர் சண்முகசுந்தரம் கூறினார்.