தேசிய செய்திகள்

குடியுரிமை திருத்த மசோதாவிற்கு எதிர்ப்பு: தீவிரமடையும் போராட்டம் திரிபுரா, அசாமுக்கு ராணுவம் விரைந்தது + "||" + Three Army columns requisitioned by civil Administration so far in Tripura and Assam. Two columns in Tripura are deployed and the third one in Assam is on standby.

குடியுரிமை திருத்த மசோதாவிற்கு எதிர்ப்பு: தீவிரமடையும் போராட்டம் திரிபுரா, அசாமுக்கு ராணுவம் விரைந்தது

குடியுரிமை திருத்த மசோதாவிற்கு எதிர்ப்பு: தீவிரமடையும் போராட்டம் திரிபுரா, அசாமுக்கு ராணுவம் விரைந்தது
குடியுரிமை திருத்த மசோதாவிற்கு எதிர்ப்பு தெரிவித்து நடந்து வரும் போராட்டத்தைக் கட்டுப்படுத்த திரிபுரா, அசாமுக்கு ராணுவம் விரைந்து உள்ளது.
புதுடெல்லி

பாகிஸ்தான், வங்காளதேசம், ஆப்கானிஸ்தான் ஆகிய நாடுகளில் இருந்து 2014 டிசம்பர் 31 ந் தேதிக்கு முன்பு இந்தியாவில் குடியேறிய முஸ்லிம் அல்லாத சிறுபான்மையினருக்கு இந்திய குடியுரிமை வழங்க வகை செய்யும் குடியுரிமை சட்ட திருத்த மசோதா மக்களவையில் நேற்று முன் தினம் நிறைவேற்றப்பட்டது. இன்று மாநிலங்களவையில், இந்த மசோதாவை உள்துறை அமைச்சர் அமித்ஷா தாக்கல் செய்தார். 

இந்தியாவில் தஞ்சம் புகுந்தவர்களில் பெரும்பாலோர் வடகிழக்கு மாநிலங்களில் குடியேறி உள்ளனர். இவர்களுக்கு குடியுரிமை வழங்குகிறபோது, தங்கள் நலன் பாதிக்கப்படும் என அந்த மாநில மக்கள் எதிர்க்கின்றனர். இருப்பினும் இந்த மசோதா வரம்பில் இருந்து அசாம், மேகாலயா, மிஜோரம், திரிபுரா ஆகிய வடகிழக்கு மாநிலங்களில் பழங்குடியினர் வசிக்கிற வரம்புக்கு உட்பட்ட பகுதிகளில் விலக்கு தரப்பட்டுள்ளது.

குடியுரிமை மசோதாவுக்கு எதிர்ப்பு தெரிவித்து வடகிழக்கு மாநிலங்களில் நேற்று 11 மணி நேர முழு அடைப்பு போராட்டம் நடைபெற்றது.  போராட்டத்தின் போது பல இடங்களில் வன்முறையும் வெடித்தது. குறிப்பாக  திரிபுராவில் உள்ள மனுகாட் பகுதியில் திறந்திருந்த கடைகள் மீது போராட்டக்காரர்கள் தாக்குதல் நடத்தினர். கடைகள் தீ வைத்து கொளுத்தப்பட்டன. இந்த வன்முறையில் ஒருவர் படுகாயம் அடைந்தார்.

வன்முறை காரணமாக  திரிபுராவில் இணையதள சேவை, மற்றும் செல்போன் குறுஞ்செய்தி சேவை ஆகியவை 48 மணி நேரத்திற்கு   முடக்கப்பட்டுள்ளன. 

குடியுரிமை மசோதாவுக்கு எதிராக அசாமில் போராட்டம் தீவிரமடைந்து வருகிறது. திஸ்பூரில் உள்ள ஜந்தா பவன் அருகே, போராட்டக்காரர்களால் பஸ் எரிக்கப்பட்டது.

 அசாம் மாநிலத்தில் லக்கிம்பூர், டின்சுகியா, தேமாஜி, திப்ருகார், சராய்டியோ, சிவசாகர், ஜோர்ஹாட், கோலாகாட், கம்ரூப் (மெட்ரோ) மற்றும் கம்ரூப்   10 மாவட்டங்களில் நாளை காலை 7 மணி வரை இணையதள சேவை முடக்கப்பட்டு உள்ளது.  திப்ருஹாரில் பொது அமைதியை காக்கும் வகையில் மதுக்கடைகளை மூட மாவட்ட ஆட்சியர் உத்தரவிட்டு உள்ளார். அசாமின் மொபைல் இன்டர்நெட் இரவு 7 மணி முதல் இன்று இரவு 7 மணி வரை 24 மணி நேரம் நிறுத்தி வைக்கப்பட்டுள்ளது.

குடியுரிமை சட்ட மசோதாவை எதிர்த்து நடக்கும் போராட்டத்தை அடக்க திரிபுராவில் 2 ராணுவ படைகளும் அசாமில் ஒரு ராணுவ படையும் குவிக்கப்படுகிறது. இதற்காக அங்கு ராணுவம் விரைந்து உள்ளது. 

தொடர்புடைய செய்திகள்

1. கோவையில் இருந்து அசாம் சென்ற சிறப்பு ரெயிலில் காட்பாடியில் இருந்து 145 பேர் அனுப்பிவைப்பு
கோவையில் இருந்து அசாம் மாநிலம் சென்ற சிறப்பு ரெயிலில் காட்பாடியிலிருந்து நேற்று 6-வது கட்டமாக 145 பேர் அனுப்பிவைக்கப்பட்டனர்.
2. அசாம்:வெளியூரில் சிக்கியுள்ள மக்கள் சொந்த ஊருக்கு செல்ல ஏதுவாக 3 நாட்களுக்கு பேருந்து சேவை துவக்கம்
அசாமில் வெளி மாவட்டங்களில் சிக்கியுள்ள பயணிகள் சொந்த ஊர்களுக்கு செல்ல 3 நாட்கள் பேருந்து சேவை துவங்கப்பட்டுள்ளது.