தேசிய செய்திகள்

குடியுரிமை திருத்த சட்டத்துக்கு எதிர்ப்பு: மேகாலயாவில் வன்முறை; போலீஸ் தடியடி, கண்ணீர்ப்புகை வீச்சு + "||" + Opposition to Citizenship Amendment Act: Violence in Meghalaya; The police beat, tear gas

குடியுரிமை திருத்த சட்டத்துக்கு எதிர்ப்பு: மேகாலயாவில் வன்முறை; போலீஸ் தடியடி, கண்ணீர்ப்புகை வீச்சு

குடியுரிமை திருத்த சட்டத்துக்கு எதிர்ப்பு: மேகாலயாவில் வன்முறை; போலீஸ் தடியடி, கண்ணீர்ப்புகை வீச்சு
குடியுரிமை திருத்த சட்டத்துக்கு எதிர்ப்பு தெரிவித்து மேகாலயாவில் நடந்த போராட்டத்தில் வன்முறை வெடித்தது. போலீசார் தடியடி நடத்தினர். கண்ணீர்ப்புகை குண்டுகளை வீசினர்.
ஷில்லாங்,

மத்திய பாரதீய ஜனதா கூட்டணி அரசு குடியுரிமை திருத்த சட்டம் கொண்டு வந்துள்ளது.

இது, பாகிஸ்தான், வங்காளதேசம், ஆப்கானிஸ்தான் ஆகிய அண்டை நாடுகளில் மத ரீதியிலான துன்புறுத்தலுக்கு ஆளாகி, 2014-ம் ஆண்டு வரையில் இந்தியாவில் தஞ்சம் புகுந்த முஸ்லிம்கள் அல்லாதவர்களுக்கு குடியுரிமை வழங்குவதற்கு வகை செய்துள்ளது.


இந்த சட்டத்தால் பூர்வ குடிமக்களுக்கு பாதிப்பு ஏற்படும் என கூறி வடகிழக்கு மாநிலங்களில் போராட்டம் வலுத்து வருகிறது.

மேகாலயா மாநிலத்தில் நேற்று முன்தினம் நடந்த போராட்டங்களில் வன்முறை வெடித்தது. அதைத் தொடர்ந்து ஷில்லாங் நகரில் ஊரடங்கு உத்தரவு பிறப்பிக்கப்பட்டது. நேற்று இந்த உத்தரவு 12 மணி நேரம் தளர்த்தப்பட்டது. செல்போன் இணையதள சேவை, செல்போன் குறுந்தகவல் சேவை மாநிலம் முழுவதும் 2 நாட்கள் முடக்கி வைக்கப்பட்டுள்ளன.

ஷில்லாங்கில் நேற்று கடைகள் மூடப்பட்டிருந்தன. சாலை போக்குவரத்து நடைபெறவில்லை. மாலையில் கவர்னர் மாளிகை அருகே நடந்த போராட்டத்தின்போது வன்முறை வெடித்தது. போலீசார் மீது போராட்டக்காரர்கள் கற்களை வீசினர்.

போலீசார் தடியடி நடத்தியும் கண்ணீர்ப்புகை குண்டுகளை வீசி போராட்டக்காரர்களை விரட்டியடித்தனர். அங்கு எடுக்கப்பட்டு வெளியான வீடியோக்களில் மக்கள் காயங்களுடன் சிவில் மருத்துவமனைக்கு அழைத்து வரப்படும் காட்சிகள் இடம் பெற்றன.

வில்லியம் நகரில் நடைபெற்ற ஒரு நிகழ்ச்சியில் கலந்துகொள்ள முதல்-மந்திரி கன்ராட் சங்மா சென்றபோது, அவருக்கு எதிராக போராட்டக்காரர்கள் ஒன்று திரண்டனர். அவரது பாதுகாப்பு வாகனம் முன்பாக ஆண்களும், பெண்களும் திரண்டு நின்று, ‘கன்ராட் திரும்பிப்போ’ என கோஷமிட்டனர்.

அசாமில் நேற்று முன்தினம் நடந்த போராட்டங்களில் வன்முறை தாண்டவமாடியதால் நடைபெற்ற துப்பாக்கி சூடு சம்பவங்களில் 3 பேர் பலியாகினர்.

நேற்று பல இடங்களிலும் அமைதியான முறையில் போராட்டங்கள் நடைபெற்றன.

கவுகாத்தி, திப்ருகார், தேஸ்பூர், தேகியாஜூலி உள்ளிட்ட பல இடங்களில் ஊரடங்கு உத்தரவு அமலில் இருந்து வருகிறது.

கவுகாத்தியில் ஊரடங்கு தளர்த்தப்பட்ட நேரத்தில் சந்தைகளிலும், கடைகளிலும் நீண்ட வரிசையில் காத்திருந்து பொதுமக்கள் தங்களுக்கு தேவையான அத்தியாவசிய பொருட்களை வாங்கிச்சென்றனர்.

அசாமில் நடந்த போராட்டங்களுக்கு காங்கிரஸ் மற்றும் வகுப்பு வாத சக்திகள்தான் காரணம் என்று முதல்-மந்திரி சர்பானந்தா சோனோவால் குற்றம் சாட்டினார்.

தீவைப்பு, பொதுச்சொத்துகளை சேதப்படுத்தியோர் கடுமையாக தண்டிக்கப்படுவார்கள் என அவர் எச்சரித்தார்.

மேற்கு வங்காள மாநிலம் ஹவுரா பகுதியில் முஸ்லிம்கள் போராட்டங்களில் ஈடுபட்டனர்.

உலுபேரியாவில் தேசிய நெடுஞ்சாலை எண்.6-ல் பல்லாயிரக்கணக்கான முஸ்லிம்கள் நேற்று கைகளில் தேசிய கொடிகளுடன் திரண்டு வந்து போராட்டம் நடத்தினர். சாலைகளில் டயர்களை கொளுத்தி போட்டனர். இதனால் அந்த நெடுஞ்சாலையில் போக்குவரத்து முடங்கியது.

முர்ஷிதாபாத் பகுதியில் பெல்டங்கா ரெயில் நிலையத்துக்கு போராட்டக்காரர்கள் தீ வைத்தனர். அங்கு பாதுகாப்பு பணியில் ஈடுபட்டிருந்த ரெயில்வே பாதுகாப்பு படையினர் தாக்கப்பட்டனர். அங்கு ரெயில் சேவை பாதிப்புக்கு உள்ளானது.

தொடர்புடைய செய்திகள்

1. நீட் தேர்வு விவகாரம்: நடிகர் சூர்யாவுக்கு காயத்ரி ரகுராம் எதிர்ப்பு
நீட் தேர்வு விவகாரத்தில் நடிகர் சூர்யாவுக்கு காயத்ரி ரகுராம் எதிர்ப்பு தெரிவித்து உள்ளார்.
2. திருநங்கைகளுக்கு வீட்டுமனை பட்டா வழங்க கிராம மக்கள் எதிர்ப்பு அதிகாரிகளை முற்றுகையிட்டனர்
செய்யூர் அருகே திருநங்கைகளுக்கு வீட்டுமனை பட்டா வழங்க எதிர்ப்பு தெரிவித்து கிராம மக்கள் அதிகாரிகளை முற்றுகையிட்டனர்.
3. நீட் தேர்வு நடத்த எதிர்ப்பு: மத்திய அரசை கண்டித்து காங்கிரஸ் நாளை போராட்டம்
நீட் தேர்வு நடத்த எதிர்ப்பு தெரிவித்து, மத்திய அரசை கண்டிக்கும் விதமாக காங்கிரஸ் கட்சி நாளை போராட்டம் நடத்த உள்ளது.
4. படத்தை ஓ.டி.டி.யில் வெளியிடுவதா? சூர்யாவுக்கு தியேட்டர் அதிபர்கள் எதிர்ப்பு
பெரிய நடிகர் படம் ஓ.டி.டி.யில் வெளியாவது திரையுலகில் பரபரப்பை ஏற்படுத்தி உள்ளதையடுத்து தியேட்டர் அதிபர்கள் எதிர்ப்பு தெரிவித்துள்ளனர்.
5. ‘ஸ்மார்ட் சிட்டி’ திட்டத்தில் வீடுகளை இடிக்க பொதுமக்கள் எதிர்ப்பு: ஆர்.டி.ஓ. தலைமையில் அமைதி பேச்சுவார்த்தை
‘ஸ்மார்ட் சிட்டி’ திட்டத்தில் வீடுகளை இடிக்க பொதுமக்கள் எதிர்ப்பு தெரிவித்ததையடுத்து ஆர்.டி.ஓ. தலைமையில் அமைதி பேச்சுவார்த்தை நடத்தப்பட்டது.

ஆசிரியரின் தேர்வுகள்...