கிரிக்கெட்

2 இஞ்ச் தூரத்தை நான் டைவ் அடித்து கடந்திருக்க வேண்டும்... -ரன் அவுட் ஆனது குறித்து தோனி உருக்கம்! + "||" + Should have dived: MS Dhoni says he regrets his run-out during 2019 World Cup semis defeat to NZ

2 இஞ்ச் தூரத்தை நான் டைவ் அடித்து கடந்திருக்க வேண்டும்... -ரன் அவுட் ஆனது குறித்து தோனி உருக்கம்!

2 இஞ்ச் தூரத்தை நான் டைவ் அடித்து கடந்திருக்க வேண்டும்... -ரன் அவுட் ஆனது குறித்து தோனி உருக்கம்!
உலகக்கோப்பை கிரிக்கெட் போட்டியில் ரன் அவுட்டிலிருந்து தப்பிக்க தான் டைவ் அடித்திருக்க வேண்டும் என்று எம்.எஸ்.தோனி வருத்தத்துடன் தெரிவித்துள்ளார்.
புதுடெல்லி

உலகக்கோப்பை அரையிறுதியில் தோனியின் ரன் அவுட், இந்தியாவின் கோப்பை கனவை கானல் நீராக்கியது. இதுவரை இதுகுறித்து மவுனம் காத்த தோனி, 'அந்த இரண்டு இன்ச் தூரத்தை கடக்க  நான் டைவ் அடித்திருக்க வேண்டும் என எனக்குள்ளே சொல்லிக் கொண்டே இருக்கிறேன்' என தெரிவித்துள்ளார்.

2019-ம் ஆண்டு உலகக்கோப்பை தொடரின் அரையிறுதி போட்டியில்  நியூசிலாந்து அணியை இந்திய அணி எதிர்கொண்டது. அதில் 2-வது  இன்னிங்சில் முன் வரிசை வீரர்கள் சொதப்ப, ஜடேஜாவுடன் ஜோடி சேர்ந்த தோனி, வெற்றி வாய்ப்பை பிரகாசப்படுத்தினார். கடைசி கட்டத்தில் ஜடேஜா அவுட் ஆக தோனியின் தோளில் முழு சுமையும் விழுந்தது. அதற்கு ஏற்றாற்போல 49 ஓவரின் முதல் பந்தில் சிக்சர் அடித்த தோனி, 3-வது பந்தில் இரண்டு ரன்னுக்காக ஓடிய போது குப்தில் வீசிய துல்லிய த்ரோவில், ரன் அவுட் ஆனார். 240 ரன்களை இலக்காக கொண்டு ஆடிய இந்திய அணி 18 ரன்கள் வித்தியாசத்தில் தோல்வியை தழுவியது.

அந்த ரன் அவுட் குறித்து தோனி தற்போது கருத்து தெரிவித்துள்ளார். ஆங்கில ஊடகம் ஒன்றுக்கு அவர் அளித்த பேட்டியில், தமது முதல் போட்டியிலும் ரன் அவுட் ஆனதாகவும், நியூசிலாந்துக்கு எதிரான உலகக்கோப்பை அரையிறுதி போட்டியிலும் ரன் அவுட் ஆனதாகவும் தோனி தெரிவித்துள்ளார். அந்த போட்டியில் தாம் ஏன் டைவ் அடிக்கவில்லை என்று இப்போதும் யோசித்து கொண்டே இருப்பதாக தோனி கூறினார்.

அவர் அளித்த பேட்டியில் கூறி இருப்பதாவது:-

அந்த இரண்டு இஞ்ச் தூரத்தை நான் டைவ் அடித்து கடந்திருக்க வேண்டும். இதனை எனக்குள் சொல்லிக் கொண்டே இருக்கிறேன். நான் ஏன் டைவ் அடிக்கவில்லை என எனக்குள் கேட்டுக் கொண்டே இருக்கிறேன். எனது முதல் ஒருநாள் போட்டியில் ரன் அவுட் ஆனேன். நியூசி., அணியுடனான அரையிறுதியிலும் ரன் அவுட் ஆனேன் இவ்வாறு அவர் கூறியுள்ளார்.

சமீபத்தில் பேட்டி அளித்த இந்திய அணி பயிற்சியாளர் ரவி சாஸ்திரி , 'ஒருநாள் போட்டிகளிலிருந்து தோனி விரைவில் ஓய்வு பெறலாம். டுவென்டி-20 போட்டிகளில் மட்டுமே தொடர்ந்து விளையாட அவர் விரும்பலாம். ஐ.பி.எல்., போட்டிகளில் அவர் சிறப்பாக செயல்பட்டால், ஆஸ்திரேலியாவில் நடக்கவுள்ள டுவென்டி-20 உலகக்கோப்பையில் (அக். 18- நவ. 15) விளையாட வாய்ப்புள்ளது என தெரிவித்திருந்தார்.

ஒருவேளை தோனி, டுவென்டி-20 போட்டிகளில் மட்டும் விளையாட முடிவு எடுத்தால், நியூசி., அணிக்கு எதிரான உலகக்கோப்பை அரையிறுதி போட்டியே, அவரது கடைசி ஒருநாள் போட்டியாக இருக்கும். ஐ.பி.எல்., போட்டிகளில் தன்னை நிரூபித்து உலக கோப்பை டுவென்டி-20 அணியில் இடம் பெற்று,  அத்துடன் தனது ஓய்வு அறிவிப்பை வெளியிடுவார் என எதிர்பார்க்கப்படுகிறது.

தொடர்புடைய செய்திகள்

1. நியூசிலாந்துக்கு எதிரான 20 ஓவர் போட்டி டாஸ் வென்ற இந்தியா பந்து வீச்சு தேர்வு
நியூசிலாந்துக்கு எதிரான 20 ஓவர் போட்டியில் டாஸ் வென்ற இந்திய அணி பந்து வீச்சை தேர்வு செய்துள்ளது.
2. "பாகிஸ்தானுக்குச் செல்கிறோம், எங்களுக்காக பிரார்த்தனை செய்யுங்கள்: வங்காளதேச வீரர்
பாகிஸ்தானுக்குச் செல்கிறோம், எங்களுக்காக பிரார்த்தனை செய்யுங்கள் என வங்காளதேச வீரரின் ட்விட் அதிர்ச்சியை ஏற்படுத்தி உள்ளது.
3. சேவாக்கின் தலைமுடி எண்ணிக்கையை விட என்னிடம் அதிக பணம் இருக்கிறது - சோயப் அக்தர் கிண்டல்
சேவாக்கின் தலைமுடியின் எண்ணிக்கையை விட என்னிடம் அதிக பணம் இருக்கிறது என சோயப் அக்தர் கிண்டல் வீடியோ வெளியிட்டு உள்ளார்.
4. என் மீதான குற்றச்சாட்டு ஆதாரமற்றது ; ரூ.100 கோடி மான நஷ்ட வழக்கு - முகமது அசாருதீன்
என் மீது கூறப்படும் குற்றச்சாட்டு "ஆதாரமற்றது" என்மீது புகார் கூறிய முகமது ஷாஹாப் மீது சட்ட நடவடிக்கை எடுப்பேன் என முன்னாள் கிரிக்கெட் வீரர அசாருதீன் கூறி உள்ளார்.
5. இந்திய கிரிக்கெட் அணியின் 87 வயது தீவிர ரசிகை மரணம் -பிசிசிஐ இரங்கல்
இந்திய கிரிக்கெட் அணியின் 87 வயது தீவிர ரசிகை சாருலதா படேல் காலமானார்.