தேசிய செய்திகள்

ககன்யான் திட்டம்: இந்திய விண்வெளி வீரர்களின் பயிற்சி இந்த மாதம் ரஷ்யாவில் தொடங்கும் + "||" + Training of four Gaganyaan astronauts to start this month in Russia

ககன்யான் திட்டம்: இந்திய விண்வெளி வீரர்களின் பயிற்சி இந்த மாதம் ரஷ்யாவில் தொடங்கும்

ககன்யான் திட்டம்: இந்திய  விண்வெளி வீரர்களின் பயிற்சி இந்த மாதம் ரஷ்யாவில் தொடங்கும்
விண்வெளி செல்லும் நான்கு ககன்யான் விண்வெளி வீரர்களின் பயிற்சி இந்த மாதம் ரஷ்யாவில் தொடங்கும்
புதுடெல்லி

ஆகஸ்ட் 15, 2018 அன்று பிரதமர் நரேந்திர மோடி தனது சுதந்திர தின உரையின் போது ககன்யான் திட்டத்திற்கான அறிவிப்பை வெளியிட்டார்.

இந்தியா தனது 75-வது சுதந்திர தினத்தை கொண்டாடுகிறபோது, 2022-ம் ஆண்டு விண்வெளிக்கு   4 வீரர்களை அனுப்ப திட்டமிட்டுள்ளது. இதற்கு ககன்யான் என பெயரிடப்பட்டு உள்ளது

இந்த திட்டத்தை இந்தியா நிறைவேற்றி சாதனை படைப்பதற்கு ரஷியாவும் உதவிக்கரம் நீட்டுகிறது.

இது தொடர்பாக ஏற்கனவே ரஷிய விண்வெளி ஆராய்ச்சி அமைப்பு ரோஸ்காஸ்மாஸ் தலைமை இயக்குனர் டிமிட்ரி ரோகாசின், இந்தியாவின் தேசிய பாதுகாப்பு ஆலோசகர் அஜித் தோவலுடன் மாஸ்கோவில் ஆலோசனை நடத்தி உள்ளார்.

ககன்யான் திட்டத்திற்காக மத்திய அமைச்சரவையால் ஏற்கனவே ரூ .10,000 கோடி அனுமதிக்கப்பட்டுள்ளது.

விண்வெளிக்கு செல்லும் 4 இந்திய வீரர்கள் தேர்வு செய்யப்பட்டு உள்ளனர்.  அவர்களுக்கு ரஷியாவின் யூரி ககாரின் விண்வெளி பயிற்சி மையத்தில் பயிற்சி அளிக்கப்படுகிறது. பணிக்காக தேர்ந்தெடுக்கப்பட்ட நான்கு விண்வெளி வீரர்களும் ஆண்கள், ஆனால் அவர்களின் அடையாளத்தை வெளிப்படுத்த முடியாது என்று விண்வெளித் துறை  தெரிவித்துள்ளது. நான்கு விண்வெளி வீரர்களும் 11 மாதங்களுக்கு பயிற்சி பெறுவார்கள்.அவர்களின் பயிற்சி ஜனவரி மூன்றாம் வாரத்தில் தொடங்க வாய்ப்புள்ளது.

ரஷ்யாவில் 11 மாத பயிற்சி மற்றும் விண்வெளி வீரர்கள் இந்தியாவில் குறிப்பிட்ட பயிற்சியைப் பெறுவார்கள். அதில், அவர்கள் இஸ்ரோ வடிவமைத்த குழு மற்றும் சேவை தொகுதிகளில் பயிற்சியளிக்கப்படுவார்கள். இந்தியாவின் மிகப்பெரிய ஏவுகணை வாகனமான “பாகுபலி” ஜிஎஸ்எல்வி மார்க் -3 விண்வெளி வீரர்களை விண்வெளிக்கு கொண்டு செல்லும்.

ரஷ்யா, அமெரிக்கா மற்றும் சீனாவுக்குப் பிறகு மனிதர்களை விண்வெளியில் அனுப்பும் 4 வது நாடாக இந்தியா மாறும்.1984 ஆம் ஆண்டில் விண்வெளிக்குச் சென்ற முதல் இந்தியர் ராகேஷ் சர்மா ஆவார். இருப்பினும், ரஷ்ய விண்வெளிப் பயணத்தின் ஒரு பகுதியாக ரஷ்ய விண்கலத்தில் பயணம் செய்தார்.

நான்கு ககன்யான் விண்வெளி வீரர்களின் பயிற்சி இந்த மாதம் ரஷ்யாவில் தொடங்கும் என்று மத்திய அமைச்சர் டாக்டர் ஜிதேந்திர சிங்  நேற்று தெரிவித்தார்.

தொடர்புடைய செய்திகள்

1. வெஜ் ரோல்ஸ், இட்லி, அல்வாவுடன் விண்வெளிக்கு செல்லும் இந்திய விண்வெளி வீரர்கள்
ககன்யான் திட்டத்தின் மூலம் விண்வெளிக்கு செல்லும் இந்திய வீரர்கள் வெஜ் ரோல்ஸ், இட்லி, அல்வாவுடன் செல்கின்றனர்.