உலக செய்திகள்

ஐநாவில் மீண்டும் காஷ்மீர் பிரச்சினையை எழுப்ப முயன்ற சீனாவின் முயற்சி தோல்வி + "||" + China fails again to raise Kashmir issue in UNSC, members say bilateral matter

ஐநாவில் மீண்டும் காஷ்மீர் பிரச்சினையை எழுப்ப முயன்ற சீனாவின் முயற்சி தோல்வி

ஐநாவில் மீண்டும் காஷ்மீர் பிரச்சினையை எழுப்ப முயன்ற சீனாவின் முயற்சி தோல்வி
ஐநாவில் பாகிஸ்தானுக்கு ஆதரவாக மீண்டும் காஷ்மீர் பிரச்சினையை எழுப்ப முயன்ற சீனாவின் முயற்சி தோல்வி அடைந்தது.
ஐக்கிய நாடுகள்

ஐக்கிய நாடுகள் பாதுகாப்பு சபையில் (யு.என்.எஸ்.சி) காஷ்மீர் பிரச்சினையை  சீனா மீண்டும் எழுப்ப முயன்ற முயற்சி முறியடிக்கப்பட்டது. உறுப்பினர்கள் யாரும் அதன் வாதத்தை  எடுத்துக் கொள்ளவில்லை, இது இந்தியாவிற்கும் பாகிஸ்தானுக்கும் இடையிலான இருதரப்பு பிரச்சினை என்று கூறி உள்ளனர்.

ஐக்கிய நாடுகள் பாதுகாப்பு சபையின் ரகசிய கூட்டத்தில்,  ஐ.நா.வுக்கான சீனாவின் தூதர் ஜாங் ஜுன், காஷ்மீர் தொடர்பாக இந்தியாவுக்கும் பாகிஸ்தானுக்கும் இடையில் பதற்றம் அதிகரிப்பதை குறித்து எச்சரித்தார். 

பாகிஸ்தானின் கூட்டாளி சீனாவைத் தவிர வேறு எந்த யு.என்.எஸ்.சி உறுப்பினரும் இது குறித்து கருத்து தெரிவிக்கவில்லை, இது ஒரு முறைசாரா ஆலோசனை என்று கூறப்பட்டது. 

ஜம்மு-காஷ்மீருக்கு சிறப்பு அந்தஸ்து வழங்கிய 370-வது பிரிவை ரத்து செய்து மத்திய அரசு நடவடிக்கை எடுத்த கடந்த ஆண்டு ஆகஸ்ட் 5 ஆம் தேதி முதல் ஐக்கிய நாடுகள் சபையில் காஷ்மீர் பிரச்சினையை எழுப்ப சீனா மேற்கொண்ட இரண்டாவது முயற்சி இதுவாகும்.

இது குறித்து பேசிய ஐக்கிய நாடுகள் சபையின் இந்தியாவின் நிரந்தர பிரதிநிதி சையத் அக்பருதீன்,

பாகிஸ்தானின் தவறான கூற்றுக்கள் இன்று ஐ.நா.வில் அம்பலப்படுத்தப்பட்டன. எங்கள் நண்பர்கள் பலர் எங்களை ஆதரித்ததில் நாங்கள் மகிழ்ச்சியடைகிறோம், இது ஒரு இருதரப்பு விஷயம் என்று அவர்கள் கூறியுள்ளனர்.

அதன் குறைபாடுகளை மறைக்க பொய்களை சொல்லும் பாகிஸ்தானின் நடவடிக்கை இன்று முடிந்து உள்ளது என நாங்கள் நம்புகிறோம். பாகிஸ்தான் இன்று முதல் ஏதாவது கற்றுக் கொள்ளும், மேலும் இந்தியாவுடன் சரியாக நடந்து கொள்ளும்.

பாகிஸ்தானின் பிரதிநிதிகளால் கூறப்படும் ஆபத்தான சூழ்நிலையோ அல்லது ஐ.நா. அரங்கங்களில் பாகிஸ்தானின் பல்வேறு பிரதிநிதிகளால் பலமுறை கூறப்பட்ட ஆதாரமற்ற குற்றச்சாட்டுகளோ நம்பத்தகுந்தவை அல்ல என்று நாங்கள் மகிழ்ச்சியடைகிறோம்.

இந்தியாவுடனான உறவுகளில் பாகிஸ்தானுக்கு ஏற்படக்கூடிய பிரச்சினைகளை எழுப்பவும் தீர்வு காணவும் இருதரப்பு வழிமுறைகள் உள்ளன என்று பல நண்பர்களால் சுட்டிக்காட்டப்பட்டதில் நாங்கள் மகிழ்ச்சியடைகிறோம் என கூறினார்.

தொடர்புடைய செய்திகள்

1. சீனாவுடனான மோதலுக்கு மத்தியில் எல்லையில் பீரங்கிகளை நிறுத்தியுள்ள இந்திய ராணுவம்
சீனாவுடனான மோதலுக்கு மத்தியில் எல்லையில் இந்திய ராணுவம் பீரங்கிகளை நிறுத்தியுள்ளது.
2. பாகிஸ்தானில் 40,000 பயங்கரவாதிகள் இருப்பதை இம்ரான்கான் பகிரங்கமாக ஒப்புக் கொண்டுள்ளார்- ஐநாவில் இந்தியா
பாகிஸ்தானில் 40,000 பயங்கரவாதிகள் இருப்பதை இம்ரான்கான் பகிரங்கமாக ஒப்புக் கொண்டுள்ளார் என பயங்கரவாத எதிர்ப்பு பதிவு தொடர்பாக ஐ.நா. அமைப்பில் இந்தியா பாகிஸ்தானை குற்றம்சாட்டியது
3. இந்தியாவின் செயற்கைக்கோள் தகவல் தொடர்புகளை தாக்கிய சீனா அமெரிக்க நிறுவன அறிக்கை
இந்தியாவின் செயற்கைக்கோள் தகவல் தொடர்புகளை சீனா தாக்கியது என்று அமெரிக்காவை தளமாகக் கொண்ட நிறுவன அறிக்கை ஒன்று கூறுகிறது
4. இந்திய இராணுவத்தின் வலிமைக்கு பயந்து, கதறி அழும் ராணுவத்தில் சேரும் இளம் சீன வீரர்கள்
இந்திய இராணுவத்தின் வலிமைக்கு பயந்து, ராணுவத்தில் சேரும் இளம் சீன வீரர்கள் எல்லைக்கு செல்லும் வழியில் கதறி அழும் வீடியோ வைரல் ஆகி உள்ளது. இதனை சீன மீடியா மறுத்து உள்ளது.
5. பதற்றங்களுக்கு மத்தியிலும் 3 ஆண்டுகளாக எல்லை பகுதியில் ராணுவ பலத்தை அதிகரித்து வரும் சீனா - அதிர்ச்சி தகவல்
பதற்றங்களுக்கு மத்தியிலும் 3 ஆண்டுகளாக எல்லை பகுதியில் சீனா தனது விமான தளங்கள், வான் பாதுகாப்பு மற்றும் ஹெலிபோர்ட்களை அதிகரித்து வரும் அதிர்ச்சி தகவல் வெளியாகி உள்ளது