மாநில செய்திகள்

குடமுழுக்கு விழா : தஞ்சை பெரிய கோவிலுக்கு மூன்றடுக்கு பாதுகாப்பு..! + "||" + Consecrated Function: Security of Thanjavur Temple

குடமுழுக்கு விழா : தஞ்சை பெரிய கோவிலுக்கு மூன்றடுக்கு பாதுகாப்பு..!

குடமுழுக்கு விழா : தஞ்சை பெரிய கோவிலுக்கு மூன்றடுக்கு பாதுகாப்பு..!
வரலாற்று புகழ் பெற்ற தஞ்சாவூர் பெரிய கோயில் முழுவதும் பாதுகாப்பு வளையத்திற்குள் கொண்டுவரப்பட்டுள்ளது.
தஞ்சை

23 ஆண்டுகளுக்கு பிறகு தஞ்சை பெரிய கோவிலில் அடுத்த மாதம் 5-ம் தேதி குடமுழுக்கு விழா பிரமாண்டமாக நடைபெற உள்ளது. தஞ்சை பெரியகோவில் குடமுழுக்கிற்கான பூர்வாங்க பூஜைகள் கடந்த 27-ம் தேதி தொடங்கப்பட்டன. இன்று திசா ஹோமம் மற்றும் சாந்தி ஹோமம் நடத்தப்பட்டது.

இதில் நவதானியங்கள், பழங்கள், பட்டு வஸ்திரங்கள் கொண்டு சிறப்பு யாகம் செய்யப்பட்டு பாலாலயம் செய்யப்பட்ட உற்சவ மூர்த்திக்கு அபிஷேகம் செய்யப்பட்டது. பின்னர் மகா தீபாராதனையும் காட்டப்பட்டது. அப்போது திரளான பக்தர்கள் கலந்து கொண்டு சுவாமி தரிசனம் செய்தனர்.

குடமுழுக்கு விழாவிற்கு இன்னும் ஒரு வாரமே உள்ள நிலையில் கோவில் முழுவதும் காவல்துறை கட்டுப்பாட்டின் கீழ் கொண்டுவரப்பட்டுள்ளது.

கோவிலுக்கு வரும் பக்தர்கள் மூன்றடுக்கு சோதனைக்கு பின்னரே உள்ளே அனுமதிக்கப்படுகின்றனர். பக்தர்களின் வசதிக்காக தற்காலிக பேருந்து நிலையங்களும், காவல் கட்டுப்பாட்டு அறையும் ஏற்படுத்தப்பட்டுள்ளன.

கூட்ட நெரிசல் ஏற்படாமல் தவிர்க்க, இரும்பினால் ஆன 13 தடுப்பு வேலிகள் அமைக்கப்பட்டுள்ளது. கோவிலைச் சுற்றி 160 இடங்களில் கேமிராக்கள் பொருத்தி கண்காணிக்கப்படுகிறது.

இதற்காக பெரிய கோவில் எதிரே கட்டுப்பாட்டு அறையும்  அமைக்கப்பட்டுள்ளது. பெரிய கோவில் சாலை உள்ளிட்ட முக்கிய இடங்களில் பிப்ரவரி 4, 5 ஆகிய இரு நாட்கள் போக்குவரத்து நிறுத்தப்படும் எனவும் காவல்துறை தெரிவித்துள்ளது. 


தொடர்புடைய செய்திகள்

1. 1010 ஆண்டுகளை கடந்தும் கம்பீரமாக காட்சி அளிக்கிறது: மாமல்லபுரத்தைப்போல் மின்னொளியில் ஜொலிக்க உள்ள தஞ்சை பெரியகோவில் - ராட்சத விளக்குகள் பொருத்தும் பணிகள் தீவிரம்
1010 ஆண்டுகளை கடந்தும் கம்பீரமாக காட்சி அளிக்கும் தஞ்சை பெரிய கோவில் மாமல்லபுரத்தைப்போல் மின்னொளியில் ஜொலிக்க உள்ளது. அங்கு ராட்சத விளக்குகள் பொருத்தும் பணிகள் தீவிரமாக நடந்து வருகிறது.

ஆசிரியரின் தேர்வுகள்...