உலக செய்திகள்

இது கடலை மிட்டாய் அல்ல!! சூரியனின் கொதிக்கும் பிளாஸ்மா செல்களின் துல்லிய படம் + "||" + Most detailed images of the Sun ever captured show patterns of turbulent 'boiling' plasma with 'cells' the size of Texas that transport heat from the core to the surface

இது கடலை மிட்டாய் அல்ல!! சூரியனின் கொதிக்கும் பிளாஸ்மா செல்களின் துல்லிய படம்

இது கடலை மிட்டாய் அல்ல!! சூரியனின் கொதிக்கும் பிளாஸ்மா செல்களின் துல்லிய படம்
கொதிக்கும் பிளாஸ்மா செல்களின் வடிவங்களை படம்பிடித்து சூரியனின் மிக விரிவான புகைப்படங்கள் வெளியிடப்பட்டு உள்ளது.
ஹவாய்

சூரியனை ஆய்வு செய்ய டேனியல் கே.இனூய் சூரிய தொலைநோக்கியை அமெரிக்க தேசிய அறிவியல் அறக்கட்டளை அமைத்து உள்ளது. இது ஹவாயில் உள்ள ஹலேகலே என்ற எரிமலையில் அமைந்துள்ளது. சூரியனை  முன்னோடியில்லாத வகையில் விரிவாகக் காண தொலைநோக்கி (4 மீட்டர்) கண்ணாடியைக் கொண்டுள்ளது.

இது சூரிய தொலைநோக்கியில் மிகப்பெரியது. கடல் மட்டத்திலிருந்து 10,000 அடி (3,048 மீட்டர்) உயரத்தில் இது  மலையின் உச்சியில் அமைந்துள்ளது.  வானியலாளர்களுக்கு இணையற்ற பார்வை கோணங்களை இது  வழங்குகிறது.




டேனியல் கே. இனூய் சூரிய தொலைநோக்கி சூரியனை மிக நெருக்கமாக படம் பிடித்து உள்ளது. இதுவரை எடுக்கப்பட்ட சூரிய மேற்பரப்பு படங்களைவிட மிக உயர்ந்த தெளிவுத்திறன் கொண்ட படத்தை எடுத்து உள்ளது. இது சூரிய அறிவியலின் புதிய யுகத்தை உருவாக்கும் என்று எதிர்பார்க்கப்படுகிறது. சூரிய தொலைநோக்கியின் அதிர்ச்சியூட்டும் முதல் படங்கள் சூரியனின் மேற்பரப்பை உருவாக்கும் ரோலிங் பிளாஸ்மாவில் உள்ள வடிவங்களை வெளிப்படுத்துகின்றன.

பெரிய கடலை மிட்டாய் போல் இருக்கும் இந்த புகைப்படம் 789 நானோ மீட்டரில் (என்.எம்) எடுக்கப்பட்டது. இப்படம் முழு சூரியனையும் உள்ளடக்கிய கொதிக்கும் வாயுவின் வடிவத்தைக் காட்டுகிறது. ஒவ்வொரு கலத்திலும் பிரகாசமான பாகங்கள் உள்ளன.

புதிதாக வெளியிடப்பட்ட படங்களில் உள்ள விவரங்கள் சூரியனை உள்ளடக்கிய பிளாஸ்மாவைக் காட்டுகின்றன. இந்த படம் 22,600 சதுர மைல் (36,500 கிலோமீட்டர்) பரப்பளவைக் கொண்டுள்ளது. டெக்சாஸ் அளவிலான செல்கள் வெப்பச்சலனத்தை உருவாக்க உதவுகின்றன, சூரியனுக்குள் இருந்து வெப்பம் மேற்பரப்பு வரை இழுக்கப்படுகிறது, அதே நேரத்தில் மற்ற செல்கள் குளிர்ந்து அதன் அடியில் மூழ்குகிறது.

சூரியனின் கொரோனாவுக்குள் இருக்கும் காந்தப்புலங்களை இந்த  சூரிய தொலைநோக்கி வரைபடமாக்க முடியும், அங்கு சூரிய வெடிப்புகள் நிகழ்கின்றன, அவை பூமியின் வாழ்க்கையை பாதிக்கக்கூடும். இந்த தொலைநோக்கி விண்வெளி வானிலை எது என்பதைப் பற்றிய நமது புரிதலை மேம்படுத்துவதோடு, சூரிய புயல் குறித்து அறிவிக்கும் வானிலை ஆய்வாளர்களுக்கு  சிறந்த முறையில் உதவக்கூடும்.

சூரியக் காற்று சூரியனில் இருந்து வெளியேறி, சூரிய மண்டலத்தின் குறுக்கே ஆற்றல்மிக்க துகள்களை வீசுகிறது. சூரியனின் கொரோனா,  வெளிப்புற வளிமண்டலம் உண்மையான மேற்பரப்பை விட மிகவும் வெப்பமானது. கொரோனா ஒரு மில்லியன் டிகிரி கெல்வின், மேற்பரப்பு 6,000 கெல்வின் வெப்ப நிலையை கொண்டது.

சூரியக் காற்றைப் புரிந்துகொள்வதும், கொரோனாவின் எரியும் வெப்பமும் முக்கியம். அவை இரண்டும் விண்வெளி வானிலை மற்றும் சூரிய புயல்களில் ஒரு பங்கைக் கொண்டுள்ளன, மேலும் சூரியக் காற்றைப் புரிந்துகொள்வது விண்வெளி வானிலை பற்றி நன்கு கணிக்க உதவும்.

புவி இயற்பியல் ஆராய்ச்சி இதழில் புதன்கிழமை வெளியிடப்பட்ட ஒரு புதிய ஆய்வு கட்டுரையில்  நமது மின்னணு அமைப்புகள் மற்றும்  நெட்வொர்க்குகளை சீர்குலைக்கும் அளவுக்கு பெரிய விண்வெளி சூப்பர் புயல்கள் 25 ஆண்டுகளுக்கு ஒரு முறை நிகழ்கிறது என கூறி உள்ளது.

கியூபெக்கில் ஒரு பெரிய சக்தி இருட்டடிப்புக்கு காரணமான 1989 ஆம் ஆண்டில் ஒரு புயலை ஆராய்ச்சியாளர்கள் மேற்கோள் காட்டினர்.

தொடர்புடைய செய்திகள்

1. சூரியனைவிட 1000 மடங்கு பெரிய நட்சத்திரம் பெட்டல்ஜியூஸ் விரைவில் வெடித்து சிதறும்
வானில் மிகவும் பிரகாசமான 12-வது நட்சத்திரம் பெட்டல்ஜியூஸ் விரைவில் வெடித்து சிதறும் என விஞ்ஞானிகள் கணித்துள்ளனர்.
2. விண்வெளியில் 288 நாட்கள் தங்கி இருந்து சாதனை படைத்த அமெரிக்க விண்வெளி வீராங்கனை
நாசா விண்வெளி வீரர் கிறிஸ்டினா கோச் இன்றுடன் மிக நீண்ட ஒற்றை விண்வெளிப் பயணத்தில் 288 நாட்கள் விண்வெளியில் தங்கி இருந்து சாதனை படைத்த விண்வெளி வீராங்கனையாவார்.
3. சைபீரியாவை நோக்கி வேகமாக நகரும் பூமியின் காந்த வட துருவம் -குழப்பத்தில் விஞ்ஞானிகள்
சைபீரியாவை நோக்கி பூமியின் காந்த வட துருவம் வேகமாக நகர்ந்து வருவதால் விஞ்ஞானிகள் குழப்பத்தில் ஆழ்ந்து உள்ளனர்.
4. நமது செவ்வாய் கிரக பயணம் பூமியின் வாழ்க்கையையும் மாற்றும்...
நாம் செவ்வாய் கிரகத்திற்கு செல்லப் போகிறோம். அப்படி சென்றால் அது பூமியின் வாழ்க்கையை என்றென்றும் மாற்றிவிடும்.
5. சூரியனை புதன் கிரகம் கடந்து செல்லும் அரிய நிகழ்வு
சூரியனை புதன் கிரகம் கடந்து செல்லும் அரிய நிகழ்வு நடைபெற்றது.