உலக செய்திகள்

கொரோனா வைரஸ் தாக்குதல்: சர்வதேச விமான நிறுவனங்களுக்கு ரூ.2 லட்சம் கோடி இழப்பு + "||" + Coronavirus attack: Rs 2 lakh crore loss to international airlines

கொரோனா வைரஸ் தாக்குதல்: சர்வதேச விமான நிறுவனங்களுக்கு ரூ.2 லட்சம் கோடி இழப்பு

கொரோனா வைரஸ் தாக்குதல்: சர்வதேச விமான நிறுவனங்களுக்கு ரூ.2 லட்சம் கோடி இழப்பு
கொரோனா வைரஸ் தாக்குதல் காரணமாக, சர்வதேச விமான நிறுவனங்களுக்கு ரூ.2 லட்சம் கோடி இழப்பு ஏற்பட்டுள்ளது.
டோக்கியோ,

சீனாவின் ஹுபெய் மாகாண தலைநகர் உகானில் கடந்த டிசம்பர் மாத இறுதியில் தோன்றிய கொரோனா வைரஸ் நாடு முழுவதும் 75 ஆயிரத்துக்கும் மேற்பட்டோருக்கு பரவி இருக்கிறது. இந்த வைரஸ் தாக்குதலுக்கு 2 ஆயிரத்துக்கும் மேற்பட்டோர் சீனாவில் பலியாகி இருக்கின்றனர்.


இவ்வாறு சீனாவை ஆட்டிப்படைத்து வரும் கொரோனா வைரஸ் தற்போது பல்வேறு நாடுகளுக்கும் பரவி வருகிறது. அந்தவகையில் சீனாவுக்கு வெளியே 1,000-க்கும் மேற்பட்டோருக்கு இந்த வைரஸ் தொற்று இருப்பது உறுதி செய்யப்பட்டு உள்ளது.

எனவே முன்னெச்சரிக்கை நடவடிக்கையாக பல நாடுகள் சீனாவுக்கு விமானம் இயக்குவதை நிறுத்தி உள்ளன. சீனாவும் வெளிநாடுகளுக்கு விமானம் இயக்குவதை குறைத்து உள்ளது. இதனால் சர்வதேச விமான நிறுவனங்களுக்கு 29 பில்லியன் அமெரிக்க டாலர் (சுமார் ரூ.2 லட்சம் கோடி) அளவுக்கு வருவாய் இழப்பு ஏற்பட்டு இருப்பதாக சர்வதேச விமானப்போக்குவரத்து சங்கம் அறிவித்து உள்ளது. குறிப்பாக ஆசிய விமான நிறுவனங்களின் தேவை 13 சதவீதம் குறைந்திருப்பதாக அந்த சங்கம் அறிவித்து உள்ளது. அதுவும் ஆசிய விமான நிறுவனங்களின் வர்த்தகம் உச்ச நிலையில் இருக்கும் இந்த நேரத்தில் இந்த வருவாய் இழப்பு கவலை அளிப்பதாகவும் அது கூறியுள்ளது.

தொடர்புடைய செய்திகள்

1. கொரோனா வைரஸ் தாக்குதல், 2-ம் உலகப்போரைவிட மோசமானது - டிரம்ப் வேதனை
கொரோனா வைரஸ் தாக்குதல், 2-ம் உலகப்போரின்போது பியர்ல் துறைமுகம் மீது ஜப்பான் நடத்திய தாக்குதலை விட மோசமானது என அமெரிக்க ஜனாதிபதி டிரம்ப் வேதனையுடன் குறிப்பிட்டார்.
2. சீனா கிருமிகள் அடங்கிய ஆயுத கிடங்கை வைத்துள்ளது அதில் இருந்தே கொரோனா பரவியது- நியூயார்க் போஸ்ட்
சீனா தனது நாட்டில் கிருமிகள் அடங்கிய ஆயுத கிடங்கை வைத்துள்ளதாகவும், அதில் இருந்தே கொரோனா வைரஸ் வெளியேறியதாகவும் நியூயார்க் போஸ்ட் என்ற அமெரிக்க ஊடகம் தெரிவித்துள்ளது.
3. கொரோனா வைரஸ் தாக்குதல்: பலியானோர் எண்ணிக்கை 6 ஆயிரத்தை தாண்டியது
கொரோனா வைரஸ் தாக்குதலுக்கு பலியானோர் எண்ணிக்கை 6 ஆயிரத்தை தாண்டியுள்ளது.
4. கொரோனா வைரஸைத் தடுப்பதில் சார்க் நாடுகள் இணைந்து பணியாற்ற வேண்டும் - பிரதமர் மோடி
கொரோனா வைரஸைத் தடுப்பதில் சார்க் நாடுகள் இணைந்து பணியாற்ற வேண்டும் என பிரதமர் மோடி வேண்டுகோள் விடுத்து உள்ளார்.
5. கொரோனா வைரஸ் தாக்குதல் எதிரொலி: 70 ஆயிரம் கைதிகளை விடுவிக்க ஈரான் அரசு முடிவு
கொரோனா வைரஸ் தாக்குதல் எதிரொலியாக, 70 ஆயிரம் கைதிகளை விடுவிக்க ஈரான் அரசு முடிவு செய்துள்ளது.